في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

انضم إلى المنتدى ، فالأمر سريع وسهل

في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي
في رحاب الملحون المغاربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
في رحاب الملحون المغاربي

في رحاب الملحون المغاربي

الشاعر البشير التهامي ــــــــــ يا عابر سبيل Screen69

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

الشاعر البشير التهامي ــــــــــ يا عابر سبيل

اذهب الى الأسفل  رسالة [صفحة 1 من اصل 1]

في رحاب الملحون المغاربي


عضو نشيط
عضو نشيط


من اروع ما كتب الشيخ و الاخ بشير التهامي
يا عابر سبيل


يَا غَافَلْ نُوصِيكْ بَالْقْلَمْ وَقْرَاطَسْ وَ دْوَايَا
خُوذْ كْلَامْ غْذَاكْ لَلْعْــقَـــــلْ
وَتْعَلَّمْ مْسَايْلْ النّْفَعْ فَارَقْ اللَّهَــــــــــــــــايَا
وَ تْوَاضَعْ لَجْمِيعْ مَنْ وْصَلْ
ألْعِلْمْ الْمَكْسُوبْ رَاوْدُه زِيدْ الرَّاسْ عْنَــــايَة
وَ الْعِلْمْ الْمَوْهُوبْ بَالْفْضَــلْ
عِلْمْ الله بْحَرْ وَاشْ مَا تَغْرَفْ لِيسْ كْفَايَــــــا
مَا تَعْلَمْ مْنْ الْقْلِيـلْ قَــــــــــلْ
ارْكَايَزْ الْعَصْرْ صُونْهُمْ بْحِكْمَة وَ قْـرَايَـــــــا
بِهَا تَتْرَقَّى وْ تَنْتْقَــــــــــــــلْ
بَالْحُرْمَة لَلشِّيخْ وَ الْوْقَرْ تَتْوَصَّلْ لَلْغَــــــايَــة
تَتْنَبَّهْ لَأمُورْ تَنْجْهَــــــــلْ
وَ تْصَنَّتْ لَلْقُولْ وَغْتْنَمْ مَ الْقُنْطَارْ وْقَــــــــــايَا
ألْحِكْمَة كَالصُّوفْ تَنْغْــــزَلْ
بَالدَّرْجَة السَّلُّومْ يَنْصْعَدْ وَ تْأَنِّي وَ دْرَايَـــــة
بَالْحَبَّة الْعَنْقُودْ يَنْتْكَـــــــــلْ
يَا عَابَرْ سَبِيلْ في الدُّنْيَا مَحْتَاجْ وْصَايَـــــــة
قَبْلْ لَا تَقْطَعْ بِيكْ السّْبُــــلْ


وَ تْزَوَّدْ بَالصَّبْرْ مَا صْعَبْ خَطْوَةْ الْبِدَايَــــــــة
مَنْ لَا نَهْجْ بْدَاهْ مَا وْصَـــلْ
لَوْ بَارَتْ لَحْيَالْ لَا تْهَمَّصْ كِي مُولْ عْصَايَا
سَالْ مْجَرَّبْ لُو بْغَى يْـــدُلْ
ألدُّنْيَا بِيبَانْ لَسّْبَلْ مَخْتَلْفِينْ مْنَايَــــــــــــــــا
وَ الْحِكْمَة مَفْتَاحْ لَلْقْفَــــــــــلْ
مَهْمَا طَالْ اللِّيلْ حَتْمْ تَشْرَقْ شَمْسْ الضُّوَايَـة
يْزُولْ شْتَا وَ رْبِيعْ يَسْتْهَلْ
ألْيُومْ سْوِيعَاتْ كُلْ سَاعَة دْقَايَقْ جَرَّايَـــــــــــة
صَارْ الْعَامْ يْدُورْ فِي عْجَلْ
مَا يَهْطَلْ الْمَطْرْ دُونْ غَيْمْ رْعُودْ الدُّوَايَـــــة
يَبْدَا الثَّلْجْ يْطِيحْ فْي الْجْبَلْ
تْوَاضَعْ لَلْمُتْعَالْ يَرْفْعَكْ بين الناس كالرايـــة
يَشْرَحْ صَدْرُه شَامْخْ الْفْضَلْ
الإسْتِغْفَارْمَحَّاقْ لَلذّْنُوبْ مَفْتَاحْ الْهِــــــــدَايَة
يَسْرِي لَلتُّوبَة بْلَا مْهَــــــــلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


فِي طَاعَة الْوَالْدِينْ دَعْوَة وَاقِي نَجَّايَــــــــــة
عَاصِيهُمْ فِي الدَّرْكْ السّْفَلْ
مَنْ سَحْقُوهْ الْوَالْدِينْ مَا يَجْبَرْ بَالرَّقـَـــــــايَــا
وَ اللِّي شَافْ الْكُسْرْ يَنْذْهَـلْ
سْخَى وَ تْكَرَّمْ يا لْبِيبْ يَاكْ الرَّازَقْ مَـــــــوْلَايَا
وَ اجْتَنَبْ الشُّحْ وَ الْبْخُــــلْ
وَ نْفَقْ دُونْ اسْرَافْ حُقْ فِي الاقْتِصَادْ وْقَايَـة
مَنْ بَذَّرْ شِيطَانْ في الْمْثَـــلْ
تْمَعَّنْ فِي ذِكْرْ الْحْكِيمْ وَ تْدَبَّرْ فَحْوْ الْآيَــــة
بِيهْ تْنَالْ الْعَزْ وَالْفْضَـــــلْ
فَجَّرْ فِي حَفظْ الْكْرِيمْ وَ بْتَغِي الْفَضْلْ الْغَايَا
نُومْ الصُّبْحْ يْعَلّْمْ الْكْسَـــلْ
أكْسَبْ لَقْمْ حْلَالْ لَا تْسَاوَمْ فَضْلَة وَ بْقَايَا
أرْفَعْ رَأسَكْ مَا تْشُوفْ ذَلْ
اتْقَنْ شَغْلَكْ لَا تْزِيغْ حَرْفَة تَكْفِيكْ هْوَايَـــا
وَ الْعِبْرَة فِي سِيرْةْ النّْمَـــلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


تْفَادَى صُحْبَةْ الْمْزَاحْ وَ ارْفَعْ لَلْجَدْ الرَّايَــة
وَ بْنِي جَبْحْ بْهِيجْ كَالنّْحَلْ
لَا تَشْبَهْ شَمْعَة تْذُوبْ وَسْطْ الْجَلْسَة ضَوَّايَــة
تَتَّحْرَقْ وَ النَّاسْ تَحْتْفَلْ
لَا تَنْغَرْ بَالشَّكْلْ كِيفْ طَاوَصْ مْتَحَّفْ غَايَـــا
فِي وَزْنْ الْمَضْمُونْ مَا ثْقَلْ
آوْ لَا مَظْهَرْ شَاشْ زَادْ قَمِيصْ رَدَّفْ عْبَايَــة
وَ الْبَاطَنْ مَفْرُوغْ كَالطّْبَــــلْ
لَا تَصْحَبْ غَبِي غْشِيمْ يَأْذِيكْ بْغِيـــــرْ دْرَايَة
يَتْعَزَّا من فَاقْدْ الْعْقَـــــــــــلْ
لاتفشي سرك تصبح بين لفـــــــواه روايا
حْدِيثَكْ بِينْ النَّاسْ يَنْتْقَـــــلْ
زُورْالْمُرْضَى يَا فْطِينْ وَ اسْعَى جَنْبْ السَّعَّايَا
و اطلب رب سقمه يـــــزل
شَيَّـعْ بْلَقْــدَامْ ذَالْجْنَــايَــــزْ مْعَ الْعَـــــــزَّايَا
لَا تَخْرُجْ مَ الصَّفْ تَنْعْــزَلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


لَا تَجْهَرْ بَالصُّوتْ آوْ تَفْخَرْ وَ تْقُولْ أَنَــــــايَا
مَهْمَا طَارْ الطِّيرْ لَا نْـــــــــزَلْ
لَا تَنْبُـذْ نْصِيـحْ وَ سْتَقْبَـــلْ النَّقْـــدْ وْصَــايَا
وَ ابْنِي الشَّخْصِيَّة بَالثّْقُــــــلْ
وَ سْتُرْ عَيْبْ النَّاسْ كِيفْ سَتْرَكْ عَالَمْ لَخْفَــــايَا
يْصَرَّفْ عَنَّكْ رَبْنَا الْعْــــــلَلْ
في الْعَرْضْ اصْمُتْ لَا تْخُوضْ لَا تَعْوِي كَالْعُوَّايَا
مَعْــيُوبِينْ الْكُـلْ لَا خْجَــــلْ
لَا تَبْغُضْ حْبِيبْ لُو غْلَطْ وَ تْحَبْ لُه الإذَايَة
لَيَّنْ قَلْبَكْ كَانْ هُو جْفَــــــــــلْ
لَا تَامَنْ في الْـــوَادْ لَا تْجَـــاوَرْ مِيَّاهْ سْــرَايَا
قَادَرْ يَمْكُرْ بِيكْ لُو حْمَـــــــلْ
الْمَرْعُوبْ يْشَاهْدْ الْمْخَاطَرْ فِي كُلْ زْوَايَا
وَ الْمَلْسُوعْ يْخَافْ مَ الْحْبَلْ
قَوِّي لَعْـدُوكْ الطّْعَــــامْ كِمَا نَطْعَـــمْ اعْدَايَا
لَرُّكْبَة بَرَّاكْ وَ الرّْجَـــــــــلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


أخْدَمْ في الدُّنْيَا وْ زِيدْ كَنُّه مَالَكْ نْـــــــــهْايَا
وْ لُخْرَا كَنُّه قَرّْبْ الْأْجَــــــلْ
ثَرْثَارْ كْثِيرْ الْكْلَامْ وَلُو في الرَّاسْ عْنَــــايَا
مَنْ طَـوَّلْ حْدِيثْ يَنْتْمَـــــلْ
بَسَّالْ خْفِيفْ الْقْدَامْ وَ لُو في الْوَجْهْ مْــرَايَا
يَصْمَاطْ عْلَى النَّاسْ يَنْخْـــذَلْ
ألطَّمَّاعْ يْطِيحْ فِي فْخِيخْ الْكَذَّابْ شْفَـــــــايَا
جَبْحْ الطَّلْمَصْ مَا وْعَى عْسَـلْ
مَا شُفْنَا عُقَّالْ في الزّْنُقْ بِينْ النَّاسْ عْــرَايَا
مَا يَفْعَلْهَا غِيرْ مَنْ هْبَـــــلْ
مَنْ لَا خَلَّى بَاشْ يَنْـذْكَــرْ صَـدَاقَــة جَـرَّيَــة
كِي يَتَّـرْحَـمْ حِينْ يَرْتْحَـــــلْ
مَنْ لَا جَالْ وْ ذَاقْ مَا خْرَجْ مَنْ زمْرَةْ نْوَايَـا
مَا خَفَّقْ جَنْحَانْ مَا اسْتْقَــــــلْ
مَا جَالَسْ شْيُوخْ مَا نْصَتْ فِي حَضْرَة دُوَّايَة
آوْ اسْتَفْتَى شِيخْ يَنْسْــــــــأَلْ
يا عابر سبيل في الدنيا محتاج وصايـــــــة
قبل لا تقطع بيك السبــــل


مَا قَرَّبْ بُسْتَانْ مَا قْطَفْ نْوَاوُرْ زَهَّـــــايَة
آوْ اسْتَنْشَقْ طِيبْ لَنْ صْطَـلْ
مَا جَرَّبْ بْحُورْ هَايْجَة بَمْهَاجُه بَكَّـايَــــــة
مَا صَارَعْ الْمُوتْ مَا ذْهَــــلْ
طَامَعْ في الْمَوْلَى الْكْرِيمْ هُوَّ يَغْفَرْ خْــــطَايَا
بْوَابُه مَحْلُولَة بْلَا قْفَــــــــــــلْ
وَاسِعْ الرَّحْمَة سْخِي سْرِيعْ الْمَعْطَا بلا نهايا
يَفْرَحْ بْعَبْدُه اِذَا سْــــــــــــــأَلْ
مُجِيبْ الدَّاعِي اِذَا دْعَا بْلَا وُسْطَا وَ وْصَايَا
حَاظَرْ نَاظَرْ لِيسْ يَنْشْغَـــــــــلْ
سْأَلْتَكْ يَا رَحْمَانْ بَالنّْبِي تَجْعَلْ لِي ضَوَّايَا
ما يطفى نوري لــــــــــلازل
فُوقْ الأَرْضْ وْ تَحْتْهَا ارْحَمْنِي نَسْعَدْ بَمْنَايَا
يُومْ شْدِيدْ الْحَرْ لَا مْظَـــــــــلْ
بَشِيرْ تْهَامِي نْشَطْ فِي طَرْزْ دْبَاجْ الْمَـــــــايَة
هْدِيتْ الْحُلَّة لَاهْلْ الْفْضَـــــلْ
هْدِيتْ سْلَامِي لَلشّْيَاخْ وَ الْأَدْبَا أهْلْ الْعْنَايَا
بَالْخِيلِي و الْيَاسْ زِيدْ فُــــــلْ


يا عابر سبيل في الدنيا محتاج وصايـــــــة
قبل لا تقطع بيك السبــــل




عدل سابقا من قبل Admin في الجمعة يوليو 08, 2016 10:07 am عدل 1 مرات

https://almalhon.yoo7.com

في رحاب الملحون المغاربي


عضو نشيط
عضو نشيط

https://almalhon.yoo7.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى