في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اعناوين لمنشوراتاعناوين لمنشورات  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
سحابة الكلمات الدلالية
بدزي بلحاج الجليل عبد
المواضيع الأخيرة
»  لقد ساهمت في هذا الموضوع بمناسبة المولد النبوي الشريف /// الشاعر خضر الحيدر
الأربعاء نوفمبر 21, 2018 1:43 pm من طرف في رحاب الملحون المغاربي

» قصيدة ...محمد شاهد الشهود.(صلى الله عليه و سلم) الشيخ ياسين خالد شهلال
الثلاثاء نوفمبر 20, 2018 3:15 am من طرف في رحاب الملحون المغاربي

» مْصْبَاحْ النِّيَامْ /// الشيخ توفيق أبرام
الثلاثاء نوفمبر 20, 2018 3:08 am من طرف في رحاب الملحون المغاربي

» قصيدة. الخلوق نظم. المكي بن اعلي الريش
الجمعة نوفمبر 16, 2018 9:40 pm من طرف في رحاب الملحون المغاربي

» زريعة فرانسا /// الشاعرعبد الفتاح ابو جمانة
الجمعة نوفمبر 16, 2018 9:30 pm من طرف في رحاب الملحون المغاربي

» تاكل في لحمي دون حق لا داع /// شيخ العاقل بن عامر
الجمعة نوفمبر 16, 2018 9:24 pm من طرف في رحاب الملحون المغاربي

» قصيدة الهـديّة الشيخ محمّد النجّـار
الجمعة نوفمبر 16, 2018 9:16 pm من طرف في رحاب الملحون المغاربي

» الحلاوة في اللسان /// من نظم عبد العزيز المغراوي
الجمعة نوفمبر 16, 2018 9:11 pm من طرف في رحاب الملحون المغاربي

» قصيدة فيروز /// الشاعر احمد سعدون
الجمعة نوفمبر 16, 2018 8:59 pm من طرف في رحاب الملحون المغاربي

يناير 2019
الأحدالإثنينالثلاثاءالأربعاءالخميسالجمعةالسبت
  12345
6789101112
13141516171819
20212223242526
2728293031  
اليوميةاليومية

شاطر | 
 

 قصيدة قلعة يعروب نظم: الحاج احمد سهوم

اذهب الى الأسفل 
كاتب الموضوعرسالة
في رحاب الملحون المغاربي
عضو نشيط
عضو نشيط


عدد المساهمات : 921
تاريخ التسجيل : 06/02/2016

مُساهمةموضوع: قصيدة قلعة يعروب نظم: الحاج احمد سهوم    الجمعة سبتمبر 16, 2016 5:42 am

قصيدة
قلعة يعروب
نظم: الحاج احمد سهوم

مرمـة:مكسورالجناح
عروض: لبسيط بالكراسى
قياس: لشراف الحسنين


جينا امْع اللِّيل اوْ كان اسفَرْنا اصْعيبْ
رَحْنا امْوَهْنِينْ امْنَ التَّعْبْ
مْسَهْسْهينْ دَزْنا فَالدَّربْ
حَتَّى الْدارْ رَاجْعَتْ اخْربْ
وَاخْزينْها الـتَّنْهبْ
والشِّيخْ اجْدَبْ
كايْحَبْحَبْ
وَادْهَشْنا كُلّنا.. افْـزَعْنا..وَانْطَقْنا كَامْلينْ قُلْنا: بابا يا بابا
واشْ هَذْ الْمكْتوبْ ؟

جينا لَــــعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْـهَدُّوا بابا يابابا
واشْ هَذْ المكتوبْ

صَبْناهْ بُوحْدُه في ذاكْ اللِّيلْ ارّْهيبْ
الشّمَعْ كانْ شاعَلْ وَاهْبا
وَابْقى الشِّيخْ عنْدْ الْعَتْبَة
فَاسَالاَّسْ كَا يَتْخَبَّا
وَامْشينا الْقُبَّة
كانَتْ قُبَّة
مْسَاتْ خَرْ بَة
وَانْطَقْتْ اوْ قُلْتْ منْ الْقَهْرَاُومَنْ لَغْبِينَة الْغَابْنَني: بابا يابابا
واشْ هَذْ الْمَكْتوبْ

جينا لَـعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْـهَدُّوا بابا يابابا
واشْ هَذْ المكتوبْ

بَتْنا امْعاهْ فَ: الدَّارْ اوْ بَاقا كَا تْريبْ
سَقْطَتْ سَارْيا عَنْ غاربْ
وَالسُّورْ باتْ كَا يَتْرايَبْ
والطُّوبْ كَ ايْسَرْسَرْ حَاصَبْ
اوْطالتْ الغْيا هَبْ
اُو لَمْتاعَبْ
وَ الْمْشَاغَبْ
وَ الشّيْخْ آكرْحْتُه اتْوَهَّنْ مَا جَاوَبْنَا امْنينْ قُلْنا: بابا يابابا
واشْ هذْ المكتوبْ

جينا لَعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْنا اتْهَدُّوا بابا يابابا
واشْ هَذْ المكتوبْ

مَنْ مَاتْ مَنْ الْعَصَرْ مَا يَدِّي ما ايْجيبْ
مَنْ لِيلْتْ الْـغْبَنْ لَكْهيبَة
حَياتْ ما اعْليها هيـبَة
وَابْدونْ طَعْمْ وَابْلا طيبة
عُنْوَانْها الْـخَـيْبَة
والتَّغْرِبَة
اوْ كُلْ عَـيْبَة
وَنالازَلْتْ تَـنْصَقْصي وَانْسالْ الشَّـيْخْ كُلّْ سَاعة: بابا يا بابا
واشْ هذْ المَكْتوبْ

جينا لَــعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْـهَدُّوا بابا يابابا
واشْ هَذْ المكتوبْ

مَا صَبْتْ مَنْ انْسالْ : امْنايَنْ هذْ الْخْرِيبْ
لاَحْبابْ هَلّْ الْمَنْزَلْ غَابُوا
وَالْحيّْ كُلّها وَامْصابُه
وَ الشَّيْخْ مَا اسْمَعْتْ اجْوابُه
مَا قَالْ لاَ امْصَابُه
لاَ مَنْ صَبُه
وْكيفْ رابُوا
سايَرْ لَقْوَاسْ ...وَارّْتاجَاتْ ...او سّوارِي اوْ كيفْ كانوا:بابا يابابا
واشْ هَذْ المكْتوبْ

جينا لَـعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْـهَدُّوا بابا يابابا
واشْ هَذْ المكتوبْ

صَمْتْ الدّْجَى ا تْفَتَّتْ وَ اتْشَـتَّتْ بَ: انّحيبْ
يا شُومْ لِـيعْتي ادّْروبَة
ظَنِّيتْ كُلّهَا مَخْروبَة
وَبْحَالْ دَارْنا مَـنكوبة
هَذْ الْقْضَا اعْجُوبة
طاحْ ابْنوبة
بْلا رْطوبة
وَ اهْنا يَا فينْ شِيخْ لَكْلامْ ارْفَعْ صَوْتُه اوْ قالْ: يا مَعْشَرْ الْأُ دَابا
تَـيَّهْـنا مَلْعُوبْ

جَاوْ اشْـقارة لَهْنا اوْ فَرْحْنا قُمْنا لَلـتَّرْحَابْ
قَالُوا مُكْتَشِفينْ كُلّهُمْ اوْ قالوا نَـقَّابة تركوني مَسْلوبْ
قالوا رَحَّالة جَايْلينْ قَالوا سُـيَّاحْ الْبابْ
قَلوا بَحَّاثَة بَرّْ وَ الْبْحَرْ وَ الصَّحْرى وَ الْغَابة بَالْعَلْمْ الْمَطْلوب
اُو اتْمَسْكْـنُوا حتَّى اتْمَكْـنُوا وَابْدا لاَسْـتِلاَبْ
سَحْرُونا..جَلْبُونا.. اوْ جَيْحونا كانُوا غَلاّ َبة مَا رَحْمُوا مَغْـلوبْ
وَاشْهَقْ شَـهْقَاتْ امْلاَحْـقَـاتْ ما بيـنْ الْفَاظْ اغْرابْ
ابْلا سِيَّاقْ امْـشَتْـتِينْ ظَـنِّـتُـه قالْ ا ذْيابَة وَ الْفَخّْ الْمَنْصُوبْ
قَالْ "الْعْلُومْ" اوْ قالْ " تِـقْـنِيَّا تْ " وْ " سَطْرْلاَّبْ "
قالْ"الْمَعْرفَة"قالْ" فِكْرْ اُو نَقْدْ" اوْ قالْ اكْتابة وَاذْكَرْ كَلْمَتْ"حُبّْ"
قالْ"الـثَّقَافة " قال ْ " فَنّ ْ" قَالْ "الشِّعْرْ اوْ أَدَبْ"
وَ ارْتاحْ مْنَ الشَّـهْقَة اوْ صارْ صَوْتُه نَغْمة مَـنْسَابة قالْ:اعْجَبْ لَعْجوبْ
صَاغونا كيفْ ابْغاونا ايْشَرَّدْنا لَغْـتِرابْ
كانْ الْيَحْباطْ اوْ كَا نْتْ ارّْزِيَّاتْ اوْ كانْ الوابا وَانْـهَالُوا لَكْروبْ
وَاعْتا نَـقْنا مَا جَاوْا بِـهْ لـِنا دُونْ اسْـتِـيعابْ
تَمَّاكْ اخْرَجْنا مَنّـنَا الْفِـينْ انْعيشُوا غُـرَابَة نَجْـرِيوْا لَـلْغُروبْ
وَ الْهَوِيَّة بَـدْوَايْرْ ادّْوَايَـرْ صَـبْحَتْ سَرابْ
اُولاَ نْتِماءْ اهْشا شْ وَانّسَابْ قْوالْ الـنَّسَّابة فَ:اتْراجَـمْ لَكْتُوبْ
آلِينْ آوِينَا بَاقْـيينْ سِيـسَانْ اصْحاحْ اصْلاَبْ
رَجْعُوا لَلدَّارْ اوْ شَمّرُوا لَّلـبْـنِي شَرْعُوا مَنْ دَابْة مَا يَنْـفَعْ لَهْروبْ
أَلَخُّوتْ آلاَحْبَابْ يَاهلَ الْـغِـيرة يَا لاَصْحابْ
لَلَّهْ الْحَدْ اتْلاَمُّوا اوْ وَلِّـيوْا الْدَارْ اعْرَابة فِي قَـلْعَةْ يَعْرُوبْ
جـَا وَ قْتْ الْجَدّْ آهَلْ الْجِـدِّيَّة تَرْ كُـوا لَعْتا بْ
وَاسْتَاعَدُّوا لَلْجَدّْ لاَ اتْقُولُوا :.....بابايا بابا واشْ هَـذْ الْمَكْتوبْ
جينا لَــــعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْــــهَدُّوا بابا يابابا واشْ هَذْ المكتوبْ

مَنْ شَافْ كيفْ كَانَتْ دَارْ الشَّيْخْ انّجيبْ
اسْقُفْهَا " الحُرْ " فْ لَخْشَبْ
وَانْقِيشْ وَ اتْخَارَمْ تَخْلَبْ
وَارْخامْ فَالْحْنوكْ أو لَعْتَبْ
وَالشيخْ كانْ لَمْكَبّْ
اوْ تَيَرْكَبْ
كُلّْ مَرْكَبْ
بَاشْ ايْخَلِّي الدَّارْ تَبْقَى فُ:اوْقَرْها لاَ للِّي ايْنادي بابايا بابا
واشْ هذْ المكتوبْ

جينا لَــــعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْــــهَدُّوا بابا يابابا
واشْ هَذْ المكتوبْ

اجْداوْلْ الْمْياهْ تْنَهْمَرْ مَاها اسْكيبْ
تَرْوي اعْرَايْسْ الْمْحَبَّة
تَسْقي ابْدُورْ حَبَّة حبَّة
وَالْـأَ رْضْ فَ:الْـعْراصي خَصْبة
دَغْيا اتْبانْ نُخْبة
مَنْ زَهْرْ انْبا
اكْسى الرُّبى
وَانْعَمْلُوا مَنّهَا امْشامَمْ وَلاَ نَبْقَاوْا كَا نْعِيدُوا بابايابابا
واشْ هذْ المكتوبْ

جينا لَــــعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْــــهَدُّوا بابا يابابا
واشْ هَذْ المكتوبْ

كانْ ارّْياضْ فيهْ السَّمْريسْ اوْ عَنْدْليبْ
كَالاَنْيُوسْ فَارَحْ طَا رَبْ
وِيجِـيبْ فَ: نّغامْ اغْرايَبْ
وَالبُوحْ عَلّْ الْبُوحْ امْوَاضَبْ
وَانْزَايْهْ الْحْبا يَبْ
لاَ مَنْ غَا يَبْ
وَالْمْطَا يَبْ
سُبْحَانْ اللَّهْ كي اصْبَحْنا كيفْ امْسينا اوْ لاَ مْنَ لْغَى بابايابابا
واش هذْ المَكتوب

جينا لَــــعَنْدَكْ ناوْيِينْ نَلْقاوْ اهْنا لاَحْبابْ
هُمَا صَدُّوا وَ ابْـيُوتْـنا اتْــــهَدُّوا بابا يابابا
واشْ هَذْ المكتوبْ

لَموَذّْنينْ جَهْروا بَالْأَذَانْ الْحْبِـيبْ
باقي الْخيرْ رَغْمْ السِّيبَة
وَالإسْلاَمْ كُلُّه هِـيبَة
تَسْهالْ بِهْ كُلّْ اصْعيبَة
نَتْفَكّرُوا الصِّبى
وَالتَّجْريبَة
للِّي اقْرِ يبَة
قَبْلْ الْمَنْفَى اوْفِي ايَّامُه كُنَّا مَنْضَاوْيِينْ تَحْتْ اعْلامْ الْمَغْرابَة
ما فينا مَرْعُوبْ

وَ اصْبَحْ فَ: الدَّارْ اصْباحْنا ارْمَادِي غَالَقْ مَكْها ب
كَانْ اصْباحْ ابْلاَ شَمْسْ كَا نْ ضَيْمْ اوْ كانتْ كَأَبة وَامَا مَنْ لَكْرُوبْ
وَاتْشَاوَفْنا بَعْدَ اوْعَرْفْنا ...وَ الْبَاقي يَـرْ أَبْ
نَرْجاوْ اللَّهْ ايْجُـودْ بَ: سْحُو مَـا تَبْقى ضّـبَابَة خَمْجَة عَللّْ لَـقْلُوبْ
ما نَعْرَفْ لاَشْ اوْ باشْ جَاتْني " سالمْ حَلّْ الْبابْ"
قَفْزَاتْ الْـدهْني هَكْذَاكْ ...! بَالـسُّؤَالْ اُو لاِجـابَة وَالْحَاجَبْ مَقْـطُوبْ
خَرَّجْ كَفَّارَة سَـالَمْ اُدْعَنْ بَـاشْ حَلْ الْبَابْ
مَافـَاقْ ابْعَـيْبُه غيرْ مَنْ اسْـتَيْقَظْ قَالَتْ لـُبَابة لَلـنَّهْضَة مَطْلُوبْ
وَاسْـلاَمي لَلِّي عَارْفينْ هَذْ الْـوَ اقَعْ سَلاَّ بْ
وَابْغَاوْا خْـلاَصْ ايْغَيْرُوهْ هَلْ لاَ فْكارْ الْوَ تَّابَة وِايْصَلْحُوا لَعْـيُـوبْ
اللَّهْ ايْكونْ فْ: عَوْنْ نَاسْ لـَفْضلْ شيبْ اوْشْبابْ
حَتَّى يَبْنِيوْا الـدَّارْ بَاصّفى وَ اتْكُونْ اسْـتِجَابة لَلْعِـلْمْ الْمَوْهُوبْ
وَالْأَسَمْ مَايَخْفى امْـوَخْـرُه لَنْهَا يـَتْ لُخْطابْ
أَحْمَدْ سُهُو مْ ابْكُرْحْـتُه ايْنادِي بابا يَا بابا وَشْ هَــذْ الْمَكْتُوبْ
تمت القصيدة بحمد الله وعونه

الرجوع الى أعلى الصفحة اذهب الى الأسفل
http://almalhon.yoo7.com
 
قصيدة قلعة يعروب نظم: الحاج احمد سهوم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
في رحاب الملحون المغاربي :: قصائد الشعر الملحون بالمغرب-
انتقل الى: