هذه القصيدة بعنوان(غابة لغوال)للشاعر المرحوم الشاب محمد مقراني.

هذه القصيدة بعنوان(غابة لغوال)

للشاعر المرحوم الشاب محمد مقراني.

هذاربي كلشي عندوساهل

غيراصبرايلا مهلهم في حكمو

سبحانولكان يمهل مايهمل

مايسهى مايغيب غيب علي علمو

هبت ريح الحق تصلح ذالباطل

ذولغوال قصورهم تزهزمو

شوفولعب المعافرة وين ايوصل

ماداروش حسابهم راهم ندمو

اتلمو وتحزموربطات بصل

وتفرقوفي زوبيابعد اتلمو

اللي كبرت كرشوحسبهاراه بطل

عول على المعافرة واكفت كمو

بعدخسرالواجهة عول يختل

زادشعلهانارحرقت خيامو

غابة لغوال نارهاراهاتشعل

واش يسلك غولهاوبني عمو

دارالحال بحالهم راه تبهدل

راهم خرجوللخلاڨاع يهومو

غول الباح راه يمشي يتڨيلل

والنواب جميعهم فيه يلومو

اللي ينده الخوه يجبروحاصل

كل غويل راه لاصق في همو

ياغابة لغوال ربي فيك اعدل

انصرفيك الحق واطلع علامو

واش يديرالظلم وجيوش البطل

يتكسرعلامهم وينهزمو

واللي كانوفيك عجبهم الظل

شبعووستكساوبالراحة نامو

راهم هذاليوم في زيرواقفل

لاتحواس ولابحرفيه يعومو

شوف العحبة والبحرثان تڨدل

لوكان الاشاوروناكي قسمو

وادالغفلة فيه شادي يتغول

والاطرف صيدياكل من لحمو

مصعب هذالوقت وحليل الغافل

مصاصين الدم شربومن دمو

ذالدنياليام فيهاتداول

ياويح اللي ماعرفش ليامو

بعدالعزيصيرفالغلبة والذل

مايدفنولاذراعولافمو

سبق ديرالخيركان انت عاقل

واحصي شرك كان سبقت طعامو

راه المنسج غيرزايديتخبل

مافكوه الفاهمات اللي زعمو

والنساجة تسلكو والاتفتل

والاتشوف همومهاڨاع تلمو

زادشطنهامرضهاراهي حامل

الاولدت فدفودها كيف تضمو.