في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

انضم إلى المنتدى ، فالأمر سريع وسهل

في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي
في رحاب الملحون المغاربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
في رحاب الملحون المغاربي

في رحاب الملحون المغاربي

يا شفيع ـــ الشيخ البشير التهامي Screen69

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

يا شفيع ـــ الشيخ البشير التهامي

اذهب الى الأسفل  رسالة [صفحة 1 من اصل 1]

1يا شفيع ـــ الشيخ البشير التهامي Empty يا شفيع ـــ الشيخ البشير التهامي الإثنين أكتوبر 03, 2016 11:27 am

في رحاب الملحون المغاربي


عضو نشيط
عضو نشيط

قصيدة يا الشفيع

الشيخ البشير التهامي

نَسْتَفتحْ بَاسْمْ السَّمِـيــــعْ * يا الشفيع * ذُو الْإكْرَام الْجَلاَلِ ...

عْلِيكْ صَلَّى مُولْ التَّشْرِيــــعْ * يا الشفيع * قَدْرْ نَجْمْ غْسِيقْ لْيَالِي ....
وَ الرّْضَى عَنْ بُوبَكْرْ شْجِيعْ * يا الشفيع * عُمَرْ عُثْمَانْ وْ عَلِي....
أهْلْ بَدْرْ أُحُدْ وَ الْبَقِيـــــــعْ * يا الشفيع * وْكُلْ تَابَعْهُمْ بَافْعَالِ....
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ....

دَوْمْ مَحْمُودْ عْلَى الاسْـــــلَامْ * نَعْمْتُه مَعْضَمْهَا نَعْمَة....
كْرَمْتْنَا بَشْفِيعْ الْآنَــــــــــــامْ * لَا تْخَيّْبُه يُومْ الزَّحْمَة....
الْمْشَرَّعْ لِنَا وِ إمَـــــــــــــــامْ * يَا مْشَرَّفْ هَذَا الْأُمَّة....
حَجْ وَ زْكَاةْ صْلَاة وَ صْيَــامْ * وَ الْمْكَارَمْ تَكْمُنْ تَمَّا....
بِيكْ اتْمَمْ الدِّينْ جْمِيــــــــــعْ *يا الشفيع * جَاعْلَكْ خَاتَمْ لَرْسَالِ....
شْمَايْلَكْ مَا تُوجَدْ نْزِيــــــــعْ *يا الشفيع * مَنْ اوْصَافَكْ الْكَمَالِ....
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ....

نَرْغْبَكْ يَا عَزْ الْأرْمَـــــــلْ * بَالْقْلَمْ وَ حْرُوفْ التَّنْزِيلْ....
بَالْيْتِيــمْ رْحِيــمْ مْكَفّــــــــَلْ * يَالْقُرْشِي كَهْفْ التَّفْضِيلْ....
وَ الْغْمَامْ عْلِيـكْ يْظَلَّـــــــلْ * وَ الْعْرِيشَة بَالظَلْ تْمِيلْ....
يَا مْبَشَّر غُــرْ مْحَجَّـــــــلْ * مَنْ تْهَجَّدْ فِي غَسْقْ اللِّيلْ ....
عْلِيكْ صَلَّاتْ مْلَاكْ جْمِيــــعْ * يَا الشَّفِيعْ * وْ كُلْ مَنْ سَبَّحْ للْــــوَالِي ....
فِي صْلَاتَكْ كَسْبْ بْلَا بِيـــــعْ * يَا الشَّفِيعْ * كَسْبْ رَابَحْ َضَمْنْ الْعَالِي ....
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ....

هْدَاكْ رَبِّي مَ التَّبْرْ كْنُــــوزْ * بْعِيدْ نَظْرَكْ بُعْدْ الْمَغْزَا....
دُونْ خَلْقُه جَعْلَكْ مَفْـــرُوزْ * فَضّْلَكْ جَلْ رَبْ الْعِزَّة....
مَجْتْبِي حُبُّكْ يَا مَعْــــــزُوزْ * هْوَاكْ هَزْ امْهَاجِي هَزَّة....
بَالشّْفَاعَة طَامَعْ انْفُــــــــوزْ * مَا نْشُوفْ هْمُومْ الْحَزَّة ....
دُونْ سَعْيَكْ أمتك تضيـــــع * يا الشفيع * تَايْهَة في الثُّلْثْ الْخَالِي....
دُونْ دِينَكْ مَنْ يَسْتَطِيــــــــعْ * يا الشفيع * يَسْتْقَلْ مَنْ ذَلْ لَغْلَالِ....
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ....

يَا الشَّفِيعْ الْمُشَفَّـــــــــعْ * يَا مْبَجَّلْ السَّرْمَادِي....
كُنْ بِينَا يُومْ الْمَفْـــــزَعْ * يُومْ نَخْرُجْ مَنْ لَلْحَادِ ....
فُوقْنَا حَرّْ الشَّمْسْ صطع * ألْعْرَقْ لَجَّمْ لَعْبَادِ....
لِيسْ حَاجَزْ وَاقِي يَمْنَــعْ * هَوْلْ لَا دَرْكُوهْ اتْمَادِ...
لَلشّْفَاعَـة نَحْتَـاجْ جْمِيـــــــــعْ * يا الشفيع * ألْفْقِيهْ مْعَ الْبُوهَالِي ....
الْفْضِيلْ حْتَاجَكْ وَ وْضِيـــــعْ * يا الشفيع * أُمْتَكْ لَوَّلْ وَ التَّالِي ....
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ....

قَبْلْ وَجْدَانَكْ كُنْتْ نْبِــــــي * كَانْ آدَمْ الْمَاء وَ الطِّينْ
بِيكْ غَيَّرْ كَوْنُــــــــــه رَبِ * دُونْ فَضْلَك مَا كَانْ الدِّينْ
ألْخْلِيلْ نْجَى من اللَّهْـــــبِ * فْدَى اسْمَاعِيلْ مْنْ السَّكِّينْ
وْ بُوكْ عَبْدْ الله يا المجتبي * يَا احْمَدْ ابْنْ الذَّبِيحَينْ
لِيكْ خَصَّصْ مْقَـــاْمْ رْفِيــــــعْ * يا الشفيع * و الوسيلة و حوض المالي
كُلْ مَا تَسْأَلْ لِيسْ مْنِيــــــــــعْ * يا الشفيع * شَامْخْ الْعَزْ شَانَكْ عَالِي
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ

مَا بْقَى وَارَثْ لَا مِيرَاثْ * غِيرْ رَبِي رَحْمَنْ رْحِيمْ
كَالْجْرَادْ نْفَارَقْ لَجْدَاثْ * يُومْ نُبْعَثْ مَشْهَدْ أْلِيمْ
سَايْحِينْ عْرَايَا وَ اشْعَــاثْ * هَوْلْ يُومْ الْمَحْشَرْ عْظِيمْ
الْغِيثْ نَصْرَشْ وَ لَا مَنْ غَاثْ * مَنْكْسَرْفِي خُوفْ وْ تَسْلِيمْ
يُومْ تَصْطَعْ الشَّمْسْ صْطِيــعْ * يا الشفيع * لَا اشْجَارْ تْمَدْ ظْلَالِ
يُومْ أُمْتَكْ تَفْــزَعْ فْزِيـــــــــعْ * يا الشفيع * سكارى بلا عصير الدوالي
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ

يَا يْمَامْ الرُّسْلَة طَـــــــهَ * يَا مْنَوَّرْ بِيتْ الْقُدْسِ

بْلَغْتْ صَدْرَةْ الْمُنْتَـــاهَا * وَ ارْتْقَى بِيكْ الْقَدُّوسِ
الشّْفَاعَة لِيكْ اهْــــدَاهَا * لِيسْ حَدْ مَنْ أمْتَكْ مَقْسِي
يَا الْقَايَلْ أنَا لَـــــــــــهَا * وَ الْخْلَايَقْ نَفْسِي نَفْسِي
يُومْ فِيهْ يْشِيبْ الرَّضِيــــــــعْ * يا الشفيع * وَ الْمْصَطَّرْحُكْمْ الْعَالِي
يُومْ مَا فِيهْ شْرَا لَا بِيــــــــعْ * يا الشفيع * لَا بْنِي يَنْفَعْ لَا مَالِي
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ

يَا اللِّي في الْبَطْنْ تْكَلَّــــــمْ * يَا الْقُرْشِي مَفْتَاحْ الْخِيـــرْ
يَاالإمَامْ انْتَ الْخَــاتَـــــــمْ * يَا الْمَاحْي طَهَ الْبَشِيـــــــرْ
يَا الْمِعْرَاجْ يَا بَلْقَــاسَــــــمْ * يَا مْنَجِّي أمَّة مَنْ بِيـــــــــرْ
سِيدْهَا مَنْ حَــــــوَّاء وْآدَمْ * سِيدْهَا أنْسْ وْ جَنْ وْ غِيرْ
لِيسْ عَزْ مَنَّكْ آوْ رْفِيـــــعْ * يا الشفيع *مَاعْدْ الْحَقْ الْمُتْعَـــــــالِي
حْلِيمْ وَ رْحِيمْ جْوَابُه سْرِيـعْ * يا الشفيع *بَابْ فَاتَحْ دُونْ قْفَــــــــالِ
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ

بَايْتْ نْغَرَّدْ بَالتَّنْـــــــوَاحْ * فِي عْمَايَا كُثْرْ مْزَاحِي
كَالْعْلَامْ رْجَفْ بِينْ رْيـَـاحْ * يَرْتْعَدْ قَلْبِي بَجْرَاحِي
بشير تهامي مـــــــــداح * عْلَى الْهَادِي زَهْوْ لْمَاحِي
مْثِيلْ شَهْدَة مَنْ صُلْبْ جْبَاحْ * حْلُو مْدِيحَكْ مَنْ تَلْقَاحِي
بِيكْ رَانِي مُولُوعْ وْلِيــــــــعْ * يا الشفيع * فِيكْ رَبْحِي وَ اسْتَقْلَالِي
لُو نْشُوفْ الْحُسْنْ الْبَدِيــــــعْ * يا الشفيع * وْ فِيهْ تَتْلَذَّذْ انْجَـــــــالِي
لَلْكْرِيمْ انْلَحْ بَالتَّظْرِ يـــــــــعْ * يا الشفيع* صَرْخْتِي عَنْدْ ابْتِهَالِي
بَالْوْسِلَة وَ الْقَلْبْ خْشِيـــــــعْ * يا الشفيع * خَالْقِي يَجْبَرْ لِي حَالِي
وَاسْعْ الرَّحْمَة خَيْرْ وْزِيـــــعْ * يا الشفيع * مَا يْحَافِي خاطي بحالي
بِيهْ لَبْلَا مَطْـــرُودْ دْفِيــــــــعْ * يَا الشَّفِيعْ * بْلَا سْآلْ رْخَفْ عْقَالِي
كُونْ بِينَا يُومْ التَّرْوِيــــــــــعْ * يا الشفيع * يُومْ لَحْسَابْ وْ لَهْوَالِ

https://almalhon.yoo7.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى