قصيدة الصالحة نظم الشيخ حمان النجار

قصيدة الصالحة لحمان النجار

القسم الاول

مير الغرام جيش عني بابطال قاصحة ولفي الصالحة

طافة املاحقها طايفة ما حن من كلاحي

و هواك زاد لي بكتايب راد المقاشحة ولفي الصالحة

و جنح خادني من اللي كنت صبي املا جباحي

كم لي مع هواك انقادع و الروح سايحة ولفي الصالحة

و انت ما اديتي يا مولاتي صلاحي

تدري جوارحي بيك حتيجة يا الراجحة ولفي الصالحة

و الغير ما يلذ علي يا مهرة البطاحي

ما درى تجود عني بالهيبة و المسامحة ولفي الصالحة

و نصيب راحتي من داتي يرتاح شباحي

انا زاوقت في جبينك و الغرة الواضحة ولفي الصالحة

يا توقة المها عالج حالي يا ضيا الماحي

عطفي و فاقدي مركاحي نضحى سليم من تجياحي

يا راية النصر يا دامي البطاح

انت الدوا لجمع جراحي و انت راحتي في مراحي

و انت هلال واضح في ليلة واح

لله جود لي بسراحي نسقى معك راح في راحي

و نلوح كل نكد و هم و تكلاح
انا الخديم طايع لجمالك يا الفاصحة ولفي الصالحة

و انت على الطايع تنعم و تجود بالرباحي

انا المطيع متكسب كسب الا ينمحى ولفي الصالحة

و انت على العبيد شفقي من حالة القشاحي

انا رغيب ليك مأدب في السيل و الصحا ولفي الصالحة

و انت على رغيبك وافي بفناجل الماحي

انا شحال لي كنتمنى المصافحة ولفي الصالحة

و انت يا الصالحة سامحلي يانهي ملاحي

انا نهيب عمري عنك ترك الملاوحة ولفي الصالحة

و انت تزيدي لي حر الهجرة فارقة مراحي

انا زاوقت في جبينك و الغرة الواضحة ولفي الصالحة

يا توقة المها عالج حالي يا ضي الماحي

عطفي نريح من الجوايح راني مع الهوى كالجايح

و الحب للعشيق سلاطة و جياح

يوم تروح نرجع رايح من ذا المحاين و الجرايح

و على الرضا نغدر كيسان الراح

را مجيك فيه كل فرايح و جفاك فيه كل فضايح

يا باشة العوارم زور المركاح

انت من الصبا ديما مبشورة مطرحة ولفي الصالحة

و انا من هواك انلالي كالطير في الادواحي

انت مقلظمة ديما محروسة مفرحة ولفي الصالحة

و انا من هواك مغلغل مسلوب في اوشاحي

انت منعمة ديما في خصبة مكافحة ولفي الصالحة

و انا من هواك انصاهر لحلاح و الوضاحي

انت مزهية و محضية في احواز ناصحة ولفي الصالحة

و انا بين هواك مكدر دهني قوى جراحي

انت مدخمة ديما في بطحة فاتحة ولفي الصالحة

و انا من هواك مدهور مشغول في رياحي

انا زاوقت في جبينك و الغرة الواضحة ولفي الصالحة

يا توقة المها عالج حالي يا ضي الماحي

لله يا ضبية الادواح يا راحة العشيق المرياح

يا درة البها عطفي عتق الروح

ارويني بريق خمرك نرتاح من ذا المحاين مع التلواح

الوصال فيه كل مراحة للروح

فيه الغنا و غاية الفراح يمحي كل من فات اقصاح

بمجيك يعود لي خلاقي مشروح

يا قامة القنا يا محدة في الجو مايحة ولفي الصالحة

غرضي معك نزهى و نشوف بهاك بلا امزاحي

و تيوت كتعابن و على القدمين طايحة ولفي الصالحة

و لا مثيل الزناج و لون القار في السواحي

و الغرة كما الشمس تنور في ساعة الضحى ولفي الصالحة

و الحاجبين متعرقين كنونين في اللواحي

و اشفار كسيوف يعطبوا دون ممازحة ولفي الصالحة

من حربهم راني خايف من دقة الرماحي

و انجال كجعاب يزيدوا العشيق جايحة ولفي الصالحة

و بدعجهم دايم هايم في جمع النواحي

و خدود في البيوضة اصفى من الفضة الناصحة ولفي الصالحة

و الورد منهم تعكر في بساتن الدواحي

و الخال كاقلام مسنح في يده انصال و متجنح

حاضي الدوام باغي يقبض الرواح

و الانف كأن برني يلمح في عرايس الاشجار يقرح

و الفم زي كاس و الكاس فيه الراح

و القوز في الشفوف مفتح و الريق كامصال يرتح

قلب العشيق ما تبقى فيه اجراح

و الرقبة تفوق رقبة الدامي السايحة ولفي الصالحة

و ضعود كبروق يشيروا في جميع البطاحي

و الصدر كرخام مرقم و مراقمه حجا ولفي الصالحة

و نهود كتفافح ملكوا عقلي بلا مزاحي

و بطن كما العاج و السرة شي سرار رابحة ولفي الصالحة

كطاسة الذهب و الفخدين كشوابل النجاحي

و الساق ساقني بلطافة ندرك المصافحة ولفي الصالحة

و غنمت كل ما نتمنى و ضفرت بالافراحي

و اقدام كجدلج و منين تكون رايحة ولفي الصالحة

لرسامي بلا شك انال العز و الرباحي

و جبرت راحتي و تداويت من كل جارحة ولفي الصالحة

اللي كانت فاتت قبل مجيها لمراحي

خود يا لبيب رقم موضح من كون ربنا متفصح

سلام نرسله للدهات الرجاح

بما في الاشجار زهر مفيح و عداد كل طيب مريح

يشمل اهل الموهوب نعم الصلاح

و اللي جحدنا ما يفلح يبقى بالدوام مجيح

راه الله تالفه عمره ما يصلاح

انا مسلم لاهل الموهوب بلا ممازحة ولفي الصالحة

و الحمد للكريم اللي جعلني منهم صاحي

و اللي جحدني لا ريب داته جايحة ولفي الصالحة

جحده عماه و قتلته بوهب امضى من الرماحي

و اسمي نبينه للقاري في كلمة واضحة ولفي الصالحة

لبيان احسبها تلقى محمد في الصراحي

و القابي النجار و ارسامي في المواضحة ولفي الصالحة

سلا ما خفات ثغر اهل الموهوب الفصاحي

و دايم كنطلب المولى في كل ليل و الضحى ولفي الصالحة

يغفر لي اوزاري بجاه الماحي ضيا الماحي

نعم الكريم هو مول الجود و المسامحة ولفي الصالحة

طالبه يغفر لي برحمته في نهار الرواحي

و على سيدنا محمد كهف الحسن في ذا المناجحة ولفي الصالحة

صلاتي عليه و الرضى عن آله في نهى اوضاحي