في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

في رحاب الملحون المغاربي


 
الرئيسيةالرئيسية  البوابةالبوابة  اعناوين لمنشوراتاعناوين لمنشورات  التسجيلالتسجيل  دخولدخول  
بحـث
 
 

نتائج البحث
 

 


Rechercher بحث متقدم
سحابة الكلمات الدلالية
بلحاج الجليل عبد بدزي
المواضيع الأخيرة
»  لقد ساهمت في هذا الموضوع بمناسبة المولد النبوي الشريف /// الشاعر خضر الحيدر
الأربعاء نوفمبر 21, 2018 1:43 pm من طرف في رحاب الملحون المغاربي

» قصيدة ...محمد شاهد الشهود.(صلى الله عليه و سلم) الشيخ ياسين خالد شهلال
الثلاثاء نوفمبر 20, 2018 3:15 am من طرف في رحاب الملحون المغاربي

» مْصْبَاحْ النِّيَامْ /// الشيخ توفيق أبرام
الثلاثاء نوفمبر 20, 2018 3:08 am من طرف في رحاب الملحون المغاربي

» قصيدة. الخلوق نظم. المكي بن اعلي الريش
الجمعة نوفمبر 16, 2018 9:40 pm من طرف في رحاب الملحون المغاربي

» زريعة فرانسا /// الشاعرعبد الفتاح ابو جمانة
الجمعة نوفمبر 16, 2018 9:30 pm من طرف في رحاب الملحون المغاربي

» تاكل في لحمي دون حق لا داع /// شيخ العاقل بن عامر
الجمعة نوفمبر 16, 2018 9:24 pm من طرف في رحاب الملحون المغاربي

» قصيدة الهـديّة الشيخ محمّد النجّـار
الجمعة نوفمبر 16, 2018 9:16 pm من طرف في رحاب الملحون المغاربي

» الحلاوة في اللسان /// من نظم عبد العزيز المغراوي
الجمعة نوفمبر 16, 2018 9:11 pm من طرف في رحاب الملحون المغاربي

» قصيدة فيروز /// الشاعر احمد سعدون
الجمعة نوفمبر 16, 2018 8:59 pm من طرف في رحاب الملحون المغاربي

يناير 2019
الأحدالإثنينالثلاثاءالأربعاءالخميسالجمعةالسبت
  12345
6789101112
13141516171819
20212223242526
2728293031  
اليوميةاليومية

شاطر | 
 

 قصيدة خزامة

اذهب الى الأسفل 
كاتب الموضوعرسالة
في رحاب الملحون المغاربي
عضو نشيط
عضو نشيط


عدد المساهمات : 921
تاريخ التسجيل : 06/02/2016

مُساهمةموضوع: قصيدة خزامة    الإثنين مارس 07, 2016 2:40 am

خزامة
يا ساعَدْ لا تْقولْ جَاتْ مْنَ الشيخْ امْلامة *** مَحْـــلُوبة يا بْني وْ مَاريها قــــبل الصَومْ
مُوحَال إذا اتغَـــــرْبَلْ المَاء عَينْ السَــلُّومْ
نَهْدِيلَكْ يا بني اخْـزامة في خَــيط افْهامة *** خَــــلَّلْها للغْشيمْ يرْصى بـــيها وَ ايْقُـــومْ
لا تشقى في اشْقَاكْ طَبعْ الحوتة عوامة *** مَيَّزْ يَا دَاخْــــلَ البْحَرْ وَاشْ اتْقَــــــدْ اتْعُومْ
لَطْيارْ افْـرَاقْ في اسْمَـاهَا ولا تَتْسَـامى *** والسرشة للعْقَـاب ما يقـــبل حَــــدْ ايْحُــومْ
الهــرَّة والنْبَـاحْ في عَينْ الكلْبْ قْيَــامة *** يَخْصَلْ بـيها اعْلى الثْعالَبْ وَ افْرَاخْ البُــومْ
الراقــــد كان هَــاجْ تَنْعَدْ عْلِيهْ اهْجَامة *** واللي مخـمور حـــين يصحى يَــاتيهْ الَلومْ
لَعْبَتْ بَعْـزازْها الدنِـــــيا دَارَتْ دوَّامة *** رَدَتْ يا صاحْـــبي ادْوَانا في راسْ القَـــومْ
القَانَعْ في اعْرينْ قَسْـوَرْ دَاخَلْ يَتْرَاما *** ودْعى مَنْ فـــــــيه للفتونة ما قــــال احْشومْ
خَـبَّرْني يا الليثْ تُهرُب وإلا تَتْطَّامى *** الحل اللي اتْصيبْ تُخْــــــرَجْ مَـــنُّوا مهَزومْ
الخَــيبة في الحْبيب نَعْتْ الخُدْمِي عَدَّامة *** مَهْمَ تَبْــرَى ارْسَامها في الخاطر موشوم
حَامَلْ جُـرحِي اللي اتْسَـارى بيَنْ الفوَّامَة *** صَــابر للي اسقاوْ كيسانْ الـــــودْ سْمومْ
يا داخل حَــرْبْنَا اتْهَلَّى دِيْــــر الحزَّامة *** نَبْغي خَصْمي ايْكُـونْ عَندْ النَوْضَة محْزُومْ
تمت

"خرّامة".
صَــايِقْ لَجْمَـــــال يَالْحَــــادِي رُدْ الْخـــَزَّامَة *** لَا سُوقْ الْيــُومْ وِيـــنْ دَاخًلْ ذَالْسُوقْ امْشًومْ
قُولْ لْخَصْمِي لَاهْ وَجْهَكْ مْنِّي مَذْمُومْ
شَفْتَكْ تَبْكِي بْغِيـــــرْ سْبَة والْبَكْــيْ انْـــدَامَـــة *** سَمَّعْتْ الطَّرْشْ مَنْ عْوِيلَكْ واصْرَاخْ الْبُومْ تْبْكِي وتْنُـــوحْ كِـي الثَّكْلـــَى مــُولَاتْ ايْتَـامَى *** هَوَّلْتْ الْجَــارْ مَـــنْ ادْوَاسَكْ حَرَّمْتْ النُّومْ مَاهُـو ذَنْبِــي كَـــانْ فُـتَكْ فِـــي ذِي بَفْهَــــامَة *** الذَنْبْ اعْلِيــــكْ جِيتْ شَطِّي وابْغِيتْ اتْحُومْ صَحْ الْحُــــــوتَة في بْحُـــــورْ الْمَايِجْ عَوَّامَة *** ذَاكْ الْفَكـــْرُونْ وَاشْ جَابُــــو لَلْبْحَرْ ايْعُـومْ طَيَّرْتْ الْجَاجَ في اسْمَايَا وادْعِيــــــتْ اقْيَـامَة *** وارْسَلْتْ سْخَــــامْ عَنْدْ بَالَكْ ضْوَات انْجُومْ مَايَخْشَى صَيْدْ مَــنْ ذْيُوبَـــــة وَلَــوْ تْتْحَـامَى *** عَنْدْ الزَهْـــرَة تْفَرْ مَنُــــو ونذَّوَّبْ اغْيُـــومْ طَـــالَبْ حَـــــرْبِي مَايْـــوَلِي مْنِّي بْسْـلَامَــة *** مَانْتْحَزَمْ كَـــــانْ جَانِـــي كِيـــفَكْ مَحْــزُومْ
مَانَـــرْمِي سَرْجْ مَانْهَــابَشْ مْلِـــي فَرْضَامَـة *** مَايعَرقْ عُــــودْ في مْثَــالَكْ مَانَخْشَى لُــومْ
مَانَرْفَدْ سَيْفْ مَــا نْسَنَّشْ لَلْحَــرْبْ اخْـــدَامَة *** غِيـــرْ الشُّطْرُقْ لَلْزْرَاتَفْ فِيــــدِي مَحْمُومْ
ادَّاكْ الظَّـــنْ في اسْكَـــاتِــي فِعْـــلْ الكُرَامَى *** والطَّايِقْ كَـــــانْ طَــــاقْ لِيهْ الْعْفَة مَلْزُومْ
بْالصَّحْ انْتَ اقْلِيــــلْ حْكْمَة واقْلِيــلْ اشْهَامَة *** حَاسْبْ خَوْفِي في سْكَاتِي ذَا الشْيِ مَعْلـُومْ
جِيتْ بْرْجْلَكْ ذُوقْ حَـــرِّي مَـــــنْ جَـــهَنَّامَا *** كِيفَــــاشْ ادْيرْ يَاالرَّافَدْ سَيْفْ مْــــنَ الدُّومْ كِيفَاشْ ادْيــــرْ كَــانْ جَاتَــــكْ هَوْجاَ لَطَامَا * ** تُهْرُبْ وَلَا كِي تْوَاسِي مَنْ النَّــــــارْ الْيُـومْ
ارْبَطْتْ حْمِيـــرْ عَنْـــدْ خَيْلِي بَاغِـي تْسَامَا *** واطْلَقْتْ ذْبَــــابْ عَنْدْ نَحْلِي لَلْشَـــهْدْ اتْرُوم
قَصْوَرْ في السلم يا لْعُكلي و الحرب نعامة *** كذا من طيْر في ادخالو رُوحْ من البــوم
عَجْبة في اللي يْكــُون مْثلك عند الحُوكامة *** يـــْدُّوه ايْعيـــــد للذراري قِصــــات النُّوم
جَاهـــــل وَلَّى يْعد رُوحو شيـــخ العُولامَا ***فَاهم و النـــــاس دون منُّو مَكَّــــان علوم
لوما خَوْفي من الشْيُـــوخا و الّلــي فوهاما ***جَاتْ حشوما نديــــر منك شَارَة للقــــوم
نَقْلع نقطة من الخْــــزَامة تَبـــــدا خَـــرَّامَة *** نخرم بيــــها راس خَـــــاوي بَالَاك ايْقوم
غَرْسِي ساجي ويــن نحــرث ينبت بلا ما *** وردي مشموم ما تْقَــــارن بروايح ثــوم
نهــــدي قـــــولي للشيـــوخا و اللي نظَّاما *** و الّلي مَيّــــَازْ مَا خفَاتو هَــذي في السُوم
ابكي يا صاحبي معايـــا و سقيـــني سَّامَة *** حـــــازن كاسي من اشرابي وَلَّى مهموم
رحلو لَجْواد ما بقــــاوش غيـــر العــدَّامَة *** وَيْحِي يَانا جيت تالي في الجـيــــل نهوم
تمت





الرجوع الى أعلى الصفحة اذهب الى الأسفل
http://almalhon.yoo7.com
 
قصيدة خزامة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
في رحاب الملحون المغاربي :: قصايد الشيخ عمر الزيعر-
انتقل الى: