تاكل في لحمي دون حق لا داع
وانا سيدك عني الناس يتسالو
خبرني واش جنيت يا الطماع
مصرانك خاوي يا امعبس كعالو
مانعرف واش سويت يا الدزاع
ماكش والو وانت ضعيف من والو
راكب للظلم حمار يا البرداع
ما زال تجي مكبوب تحت شوالو
واحنا شرفة وانت ذليل تباع
وريني جدك يا امتلف طوالو
ننعت لك جدي في البرور كي شاع
ونوريلك لمقام وين و ارحالو
مهما طالت لعمار يا الخداع
قبرك باين مجهول غير تيجالو
ويجي عيسوب عقاب حال كي جاع
ويطيح ذبابك في يدين كيالو
واحنا ما ردينا الصاع بالصاع
بالحكمة وفينا القول بكمالو
هذي دنيا واللي يبيع يتباع
كي ولينا في سوڨ عاشق ارذالو
ما يبقى غير الصح يا البداع
بيض لياليكم باديين يكحالو
نرجو نوبتنا والزمان طواع
يا من ڨلتو ليام شوركم مالو