اهداء الى فحل الفحول و شيخ الملحون
اعترافا و امتنانا و شكرا له
على استضافتي في فندق الهواء الطلق
الاستاذ محمد لحمر
اعترافا و امتنانا و شكرا له
على استضافتي في فندق الهواء الطلق
الاستاذ محمد لحمر
لا تامنشي كذاب في شعارو لا كان تعالى
بعد الفخرة و الزوخ فالشدايد يخرج مذلول
ماهو كيفي فالجود ماصحب فرسان و خيالة
ماهو فارس لشعار غي خديجة قالتلو قول
ماهو من اهل النيف باين عليه من الطبالة
و الغله شاو قصيل ظن فيها رجعت سبول
اترتب كون رزين ساعف الموجة كي تتخالى
مكنون السر عميق ماتقد لفك المقفول
صيلي من صيل شراف خالدي و جدودي مثالة
ولي قصدو ذالقول فالحياة اتسمى مقتول
حالو حال الي قال ليل صحرا نجمو يتلالى
زيد السيف و قرطاس والقلم عرفوني مكمول
نحسبو مالفرسان قلت سيفو باين يتلالى
والنظرة من عينيه كل قاوي يرجع مشلول
مانعرف هاذ اللون غير عيني راتو فالجالة
مين ابهزت شوارو لقيت سيفو شالة بنزول
عمرو لا هز السيف ماعرف لرماح القتالة
غي نقزة جابت قول دفعتو دفعات البهلول
و تصبح بين لسون حاسبينو راكب عجالة
وثرنتو لا مغرور كابر على ذيل المرحول
و الشيخ لي ندوه ليه ما يجبر ليه مسالة
و عسار الطب معاه ما عقل مابطل القول
ركباتو ذالخلعه ابقى يهترف متلوف الحالة
وين سمع البندير قال حربو دقت طبول
يرفد عود الدرياس وينكم ياذوك الرجالة
ها قومو يا لعراش راه جانا منه مرسول
وانا مازال بعيد غي خيالي مازال قبالة
كي نوصل ليه يشوف ماعطاني شيخي جلول
ضرباتي من لبعاد قاوية ماهيشي ختاله
تعرف ضرب المجدوب مايجي ك ضربة بهلول
كذا من شيخ مضى على كفوفي كي جات الدالة
وعطاني كم من سيف ماضيه بسرار المنزول
وانا كي قلت نعف مين وقفت فيها رجالة
حكمي نرديه فقير طول عمره يبقى مذلول
مايسجى ليه جنان والعقايب تشيان الحالة
لو يطوف بمكه و كل شعبه فيها باتول
مايسلك من لحكام كي قضاها شيخ البودالة
انا جيت بنيه حسبت روحي ضيف الرسول
نحسب قاصد شراف مين نادى قرب تعالى
قاصد ليه بتسليم و المحبة بالعرض و طول
خلاني في وطية ولا دريت الحيلة فتالة
كيما خلاني طيش ينطوى فالدنيا معزول
بعد الفخرة و الزوخ فالشدايد يخرج مذلول
ماهو كيفي فالجود ماصحب فرسان و خيالة
ماهو فارس لشعار غي خديجة قالتلو قول
ماهو من اهل النيف باين عليه من الطبالة
و الغله شاو قصيل ظن فيها رجعت سبول
اترتب كون رزين ساعف الموجة كي تتخالى
مكنون السر عميق ماتقد لفك المقفول
صيلي من صيل شراف خالدي و جدودي مثالة
ولي قصدو ذالقول فالحياة اتسمى مقتول
حالو حال الي قال ليل صحرا نجمو يتلالى
زيد السيف و قرطاس والقلم عرفوني مكمول
نحسبو مالفرسان قلت سيفو باين يتلالى
والنظرة من عينيه كل قاوي يرجع مشلول
مانعرف هاذ اللون غير عيني راتو فالجالة
مين ابهزت شوارو لقيت سيفو شالة بنزول
عمرو لا هز السيف ماعرف لرماح القتالة
غي نقزة جابت قول دفعتو دفعات البهلول
و تصبح بين لسون حاسبينو راكب عجالة
وثرنتو لا مغرور كابر على ذيل المرحول
و الشيخ لي ندوه ليه ما يجبر ليه مسالة
و عسار الطب معاه ما عقل مابطل القول
ركباتو ذالخلعه ابقى يهترف متلوف الحالة
وين سمع البندير قال حربو دقت طبول
يرفد عود الدرياس وينكم ياذوك الرجالة
ها قومو يا لعراش راه جانا منه مرسول
وانا مازال بعيد غي خيالي مازال قبالة
كي نوصل ليه يشوف ماعطاني شيخي جلول
ضرباتي من لبعاد قاوية ماهيشي ختاله
تعرف ضرب المجدوب مايجي ك ضربة بهلول
كذا من شيخ مضى على كفوفي كي جات الدالة
وعطاني كم من سيف ماضيه بسرار المنزول
وانا كي قلت نعف مين وقفت فيها رجالة
حكمي نرديه فقير طول عمره يبقى مذلول
مايسجى ليه جنان والعقايب تشيان الحالة
لو يطوف بمكه و كل شعبه فيها باتول
مايسلك من لحكام كي قضاها شيخ البودالة
انا جيت بنيه حسبت روحي ضيف الرسول
نحسب قاصد شراف مين نادى قرب تعالى
قاصد ليه بتسليم و المحبة بالعرض و طول
خلاني في وطية ولا دريت الحيلة فتالة
كيما خلاني طيش ينطوى فالدنيا معزول
