نار الغيـــــرة
الشاعر محمد شماريخ
زوري مراسمي يا من بيك الڨــلب غاب فالتيه
واااجي انعيد لك ماذا شفت اليـــوم في منامي
أ جي انعيدلك ماذا شفت العيب لاه درتيـــــــه
راني بلا غرامك هايم مشتاقهـــــــــا رسامي
و القلب عاد بعدك حسرة و الهجر لبد يخفيـــه
لا يوم رام غيرك لا نسمة جاية اتســــــــامي
و الله و الله ما انسى ما بطّل و النوم حارم اعــــــليه
حالو ابلا عيونك غلبة و الشوق جــــاه رامي
رامي اعلى زنادو ڨتال ايحوم ماو خـــــــاطيه
وعلاش يا المالك ترميلي فالنصال حـــــــامي
وشكون ڨال لك بدّلتك و شكون غير هــــــاتيه
جيبيه عند شفري مكسور ايحلفو اطعــــــــامي
فالبال ذاك ذاق ايدامي من بعد كان حـــــــافيه
هاهو اليوم يطعن في ظهري عارفو حـــرامي
...
شدّي سرار ڨلبي يحكيها عاودي اعــــــــــــليا
وحكي قصايصي للي يسال على حـبيب عمرك
ڨولي عليه نفنى و عليه انخاصم الثــــــــــريا
ڨولي الڨيت باب التوحيد انا علاش نشــــــرك
قولي حبيب ڨــــــــــلبي في ڨلبو واشمة الكية
و من بعد ما وشمتو كيفا ش انا انطيڨ نتـرك
...
معروف حالها ذ الدنيا تخواضها و صــــــافيه
وانا ابغيت حبك يصفى و يزورلي امقــــامي
وانا ابغيت ڨلبي يشرب من عين ساكبة فيــــه
وعلاش كل مرة نلقى روحي اوحيد ضــــامي
فالبال عارفتني رقبة و العيب ما نكــــــــــافيه
كيفاش جاك هجري ساهل و يزيد في مــلامي
هاتي سباب هجرك نقراها فالعيـــــــون و نتيه
ما طڨت ما نخبّي ضري ما صبت من يحـامي
حسراه وين يامات العز و وين ويــــن ماضيه
حسراه مين كنتي وردة و شباح في كـــــلامي
و اليوم جات نار الغيرة برمـــــــــــادها تذرّيه
ها جاتني و جات اتجرّح بنصـــــــــالها ايامي
.....
وشدّي
شدي فراش راني جبتولك في بهاك مـــطروز
تبقاي غالية يا سعدي و السعد فيـــــــك مارة
ما زرت فيك طلبة و الحب عليك جاي مكنوز
حط الرحال و ابنى قصرك وعطى لْك الأمــارة
لا نلت في عيونك نزهة يا ذيك ساعــــة الفوز
و العمر دون ذكرك يا عمـري عادّو خســارة
........
و العمر دون ذكرك صامط ومرار كل ما فيه
حطي ارحال سعدك عندي و اهناي يا حمامي
حومي على رسامي نشوة بالشوق جات من تيـه
ردي عليك بـــــــاب الغيرة من ساكنو حرامي
ما بين غيرتك يا عمري و الحــــــب خيط فتتيه
ديرية في صباعك خاتم يا قاتلة اريامي
لرواح هانية تتســـــــــارى يا قاتلة على جيه
و انا خواض بحري من كلمـــة زاد في لطامي
راهو اليوم هايج في جــــــالك عجّلي و زوريه
يرقيك من احزانك و نديرك تاج في نظـــــامي
ما درت باش نحشم انا مـــــــــا درت ما نخبيه
درويش جيت ڨـــاصد قبة وهجرت من ظلامي
راني بلا غرامك هايم مشتاقهـــــــــا رسامي
و القلب عاد بعدك حسرة و الهجر لبد يخفيـــه
لا يوم رام غيرك لا نسمة جاية اتســــــــامي
و الله و الله ما انسى ما بطّل و النوم حارم اعــــــليه
حالو ابلا عيونك غلبة و الشوق جــــاه رامي
رامي اعلى زنادو ڨتال ايحوم ماو خـــــــاطيه
وعلاش يا المالك ترميلي فالنصال حـــــــامي
وشكون ڨال لك بدّلتك و شكون غير هــــــاتيه
جيبيه عند شفري مكسور ايحلفو اطعــــــــامي
فالبال ذاك ذاق ايدامي من بعد كان حـــــــافيه
هاهو اليوم يطعن في ظهري عارفو حـــرامي
...
شدّي سرار ڨلبي يحكيها عاودي اعــــــــــــليا
وحكي قصايصي للي يسال على حـبيب عمرك
ڨولي عليه نفنى و عليه انخاصم الثــــــــــريا
ڨولي الڨيت باب التوحيد انا علاش نشــــــرك
قولي حبيب ڨــــــــــلبي في ڨلبو واشمة الكية
و من بعد ما وشمتو كيفا ش انا انطيڨ نتـرك
...
معروف حالها ذ الدنيا تخواضها و صــــــافيه
وانا ابغيت حبك يصفى و يزورلي امقــــامي
وانا ابغيت ڨلبي يشرب من عين ساكبة فيــــه
وعلاش كل مرة نلقى روحي اوحيد ضــــامي
فالبال عارفتني رقبة و العيب ما نكــــــــــافيه
كيفاش جاك هجري ساهل و يزيد في مــلامي
هاتي سباب هجرك نقراها فالعيـــــــون و نتيه
ما طڨت ما نخبّي ضري ما صبت من يحـامي
حسراه وين يامات العز و وين ويــــن ماضيه
حسراه مين كنتي وردة و شباح في كـــــلامي
و اليوم جات نار الغيرة برمـــــــــــادها تذرّيه
ها جاتني و جات اتجرّح بنصـــــــــالها ايامي
.....
وشدّي
شدي فراش راني جبتولك في بهاك مـــطروز
تبقاي غالية يا سعدي و السعد فيـــــــك مارة
ما زرت فيك طلبة و الحب عليك جاي مكنوز
حط الرحال و ابنى قصرك وعطى لْك الأمــارة
لا نلت في عيونك نزهة يا ذيك ساعــــة الفوز
و العمر دون ذكرك يا عمـري عادّو خســارة
........
و العمر دون ذكرك صامط ومرار كل ما فيه
حطي ارحال سعدك عندي و اهناي يا حمامي
حومي على رسامي نشوة بالشوق جات من تيـه
ردي عليك بـــــــاب الغيرة من ساكنو حرامي
ما بين غيرتك يا عمري و الحــــــب خيط فتتيه
ديرية في صباعك خاتم يا قاتلة اريامي
لرواح هانية تتســـــــــارى يا قاتلة على جيه
و انا خواض بحري من كلمـــة زاد في لطامي
راهو اليوم هايج في جــــــالك عجّلي و زوريه
يرقيك من احزانك و نديرك تاج في نظـــــامي
ما درت باش نحشم انا مـــــــــا درت ما نخبيه
درويش جيت ڨـــاصد قبة وهجرت من ظلامي
