رسالة القائد الشاعر قدور ولد امحمد بونڨاب قايد البرجية الى الأمير عبد القادر من سجنه في شتاء 1837 الى الامير عبد القادر . الذي سجنه و شتت شمله و آذاه كثيرا . بعد قرنين تقريبا اقف باجلال امام هاذا الشاعر القائد و اقف في صفه رحمه الله
...
اعييت ما نراعي و نقارع فيك الفتصال ** آآآ قريب الضحكة و ابعيد في رضاك
ما اسمعت و لا شفت الڨسو كي اڨساك
ايظن فيك الطامع كيما ابغى ينال ** ايحب ڨلبك ايعف و يخاف م الجفى
اطراب وجهك وهّمنى زدت فالهبال ** و لا اعملت اما دخّر الحقد من دعاك
فيك مارة لالا وايشارة الكمال **واڨفين اسامو لثنين في بهاك
اسطا و ضاري و موالف تنكر الخيال ** لا يحصل منه محبوب في بلاك
فرقة اهلي و ولادي همها اطوال ** و لا اجبرت من يدك لهواهم السلاك
تجلب الطير الحسنة قالت الرجال ** ينسى خرج اوكارو بالود ما دراك
انظن لمن ورى فالكتاب فال ** من اعفى و اصلح ليه اجرين ما خفاك
آآآآآآآآآ قريب الضحكة و ابعيد في ارضاك
اقريب الضحكة و ابعيد فالضمير ** كي اندير لهاذ الشي أو وين لي دواه
شور وطني قلبي لبى ابغى يطير ** رحلت اجوارح جسدي كلها امعاه
قالت المثّالين الغيض كالغدير ** ايفوت ينشف و غديرك لبد طال ماه
راه من يتعلى للجو سما يطير ** ينزل اعلى النازل و يعود من دناه
يهدف اليسر من بعد الضيم و العسير ** يوفي لنسان الصابر هاكذا اقضاه
درت فينا راي اللي يدير خير ** آآآآآآش باقي من بعد ما جاك خوك جاه
على قبيل اتحامو برين ذا وذاك
جالهم اعلى ليمين و جا اعلى الشمال **جا م الڨدام و جا م الخلف واك واك
صاب فيك الضد السيية و القلب كان غال ** راه يخلُص في دين اقديم من اتراك
لا يبرڨز يدهن عينيه بالدفال ** ما ينجمش ايكابر نطحت العراك
كل نسل ايصوڨ لباباه فالأصال **آآآآآآآآآآآ المسوك بالعود و لايح الأراك
احنا امفاتح البادي للعرب فال ** شفت و اسمعت احنا رانا اللا احذاك
يوم تركب فرسان الحيف للقتال ** اتكون نفسك هاني و نفوسنا افداك
امحاسن تديها في حقنا احلال ** دين ذ الدار اتود دير كي هواك
آآآآآآآآآآآآآآ قريب الضحكة و ابعيد في رضاك
فيك ظني خاب و لا صبتشي صواب ** و المحبة راحت ما بيننا اسماح
راه راسي شاب و ڨلبي احجاه طاب ** و انشوات الكبدة من قوة الجراح
تلفت ليك اطريق الاكل و الشراب ** و نقصت الجثة كلتها امن الصحاح
منين ولت لرنب توهاب و السبع خاب ** تاڨت الجندرة و الطود م السما طاح
أمنين و لى الهايب يوهاب غالبو غاب ** بان كل اموطي في لرض و العلو راح
آآآآآآآآش فات اعذاب اعلى نسل بونڨاب*** احساب ثمن اسنين ابلا ليلها اڨراح
هاذ الشي ماهو حقك يا فارس الوجاب ** ما يجوز المسعور اللي معاه طاح
شد عودك و اتفكر يوم يرخس اغلاك
عند من كان يحبك في سنين لشغال ** اكلى و دخر من عربك يا المالك امعاك
يعود قدرك عندو تحت سومت الريال ** خيرك السابق فيه اڨضى انساه و انساك
ليشارة للعاقل اتجمعو مع البال ** اذا انسى يذكر بيها احديث لشكاك
اتصرفو ولهتها من راد يات لفعال ** اتحاسنو بالخير و تلاقيه قول عافاك
أأأ الثعبان الكاسر طاقته لغوال ** دير خصلات اهداهم يذكروا شناك
اتخيل جودك لا تسمعشي لقول قال ** الحسيد ايخوض بالكذب واد ماك
آآآآآآآآآآآآ قريب الضحكة و ابعيد في رضاك
حط بالك و اعمل فالصدر صالح الراي ** واقبل الخطية من مروها اذا جار
بجاهك الوافي شور الحرم ڨاصد و جاي ** كي اتجوز المتوسل بيك ليك لا جار
ياك من دارك تامر فالعيباد ذاك نهاي ** يقبل التوبة من عبدوا أعفو و غفار
شركة الهم الدنيا واعرة و غواي ** تنڨلب امفاصلها شفتها بلبصار
ظهّرب اخروب مردومة و صانها البناي ** و المحصن من وقت الشوم خرب و بار
جيرني و نجيني يا خالقي و مولاي ** من حوادث الدهر الفاسدة و لمكار
ديرني في حبك و ارضاك لبد سعاي **فرغ اعلى من ترضاه يا الجبار
ابجاه سيد اعبادك اجميعها الوراي ** فرضك و سناتو النابي المختار
ما ابقى فالدنيا للشانڨين فكاك
من بعد فرسان الحق الكاسرين لبطال ** شد لسنك بطل و انسى الحديث ينساك
و ين ميعاد ايمام لنبيا و لرسال ** العاڨب للدهر الا اتخر بهواك
وين بو بكر وعومار و وين راه علال ** وين عثمان النورين يستحوه لملاك
وين طلحة وين الزوبير ضد لجهال ** وين سعد و وين السعيد شوف لڨفاك
آآآآآآش واسى عبد الله في مدون لرذال ** امع ابن عوف العابر ضادين لشراك
وين مناد و عقبة الفايزين بمحال ** وين جيش انصاڨو للغرب بيه حراك
هسو من حرب الوڨحة افنات و ارذال ** سهدو كمن باغي جا ايعوذ لدراك
وين هارون و يحي الباذلين لموال ** افنات انفوس الكارامة و اللي جايين دراك
وين ملك المامون و هارون و هلال ** و المريني و ابن زيان وين لتراك
آآآآآآآآآآآآآ قريب الضحكة و ابعيد في ارضاك
وين سطوة قارون و عاد وين شداد ** وين فرعون ذي لوتاد وين ثامود
وين ماهو فات اطراد بين لضداد ** أش فات من الشوم اعناد هز بارود
وين أدم باب الأسياد جد لجداد ** وين ما اخلق الله اعباد قبل افدود
كلها راها في للحاد غابط اوساد ** من اطغى في حكمو واشداد ليه موعود
يا ايلاهي أحد أحد فرد صمد ** لم يلد و لا شي للكريم مولود
ما انقص من أمرو ما زاد فات معتاد ** ما ايفضي مرو أراد من لا افضاه محدود
يا الخالق سبعة ميهاد فوق لوتاد ** زيد سبعة شيدداد سبعة ماهم اجمود
لا اتوكل بينا من راد قليبوه فساد ** ودنا من ودك وداد خيرك راه موجود
أآآآآآآآ العاقل لا تفرح زعم واش زهاك
اذا اضحك لك يرجع بالشوم تبدال ** كيف دار لينا وقت الزمان راه يهداك
القلوب اموازن و اصل العقول ميثال ** و النشيد الفاضح باللسان وراك
كم القدام و كم الرولة ابحور لاجال **بين حرفين ايصير الامر يا الفكاك
شوف و انظر و خصص في قياس لمثال ** في اقضيت من درت الشر فيه و هجاك
في ايامك يفرح ساعة اتسول اسوال ** كل يوم ايعشي في نجع شانڨ امعاك
ناظم المنظومة قدور شهر شوال ** في اثنين و خمسين بينا اطرات بركاك
قرن ثالث عشر من بعد النبي الميجال ** زار عرش البرجية في عقابها هلاك
النشيد الفاسي بن امحمد ايسال ** فيك مزراڨ امحبتو بدمو اطلاك
الشاكي و المشكي للغاني اقديم مازال ** الدايم المالك الواحد حطنا و علاك
كي احكمت انت فالدنيا ايجيك بدال ** كي امسكت انت ذ البر ايمسكك ذاك
ولد امحمد بونقاب جانفي 1837.
شوال 1252
