قصيدة : الــدار
نــظــم : سيدي عبد القادر العلمي
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
كِـيـفْ مَا يَـنـْـكـَدْ قـَـلـْـبي مَـنْ اشـْـفـَايْـتْ النـَاسْ
وْكِيـفْ مَـا نـَحْـزَنْ يـَا بُـعْـدِي عْـلىَ المْـرَاسَـمْ
كِيـفْ تـَـبْـعَادِي عَـنْ وَكـْـرِي نـْـرُومْ الجْــنـَاسْ
فـْحَـوْزْ بـُوطـَـيَّـبْ لــُو نـَمْـلـَـكـْـتْ بَالغـْـنـَايَـمْ
شـْـمـُوسْ بَـصْـري الشـْـرَافْ طـَـيْـبينْ لـَـنـْـفـَاسْ
حْـكِيـتْ لـَـزالْ احْــوَازِي عَـــنـْـــهُــــمْ دَايَــمْ
حْـمـَايْـتِي وَحْـبَـابِـي وَ اهْــلِي وْ عَـــزْ الـُـوْنـَاسْ
جْـفـَاوْ وَكـْـري وَجْـفـَاهُــمْ عَـلْ القـَلـْـبْ سَهْـمْ
كِـيـفْ يَــنـْـجَا مَـنْ خـَلآنِـي عْــقِـيـبْ الجْـنـَاسْ
وْكِـيـفْ يَـنـْجَـحْ مَـنْ خـَلآنِـي تــْـلِيــفْ هـَايَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
مَـنْ قـُـوَّتْ مـَا قـْـدَرْتْ عَـنْ فـَـرْقـَتْ رَسـْـمِي
حَـتـَّى قـَالُ نـْــشـَـفـْـتْ مَــنْ دِيـَّـتْ الكـْـلآمْ
فـَــرْحِي للـَــنـَّاسْ ضـَاهْــرْ وْ حَــزْنِـي مَـكـْـمِي
فـَـمِي يَضْحَـكْ وْسَاكـْـنِي بَالجَـمْـرْ اضْـرَامْ
رَسْـــمِـي خـُـويـَا الشـْــقـيـقْ مَــنْ أبـِي وَ الـمِّي
شِي يْـنـَسِيـنِي فـْـمَـنـْـزْلِي وَ غـْـريـبْ الهَـامْ
نـَـضـْـحَـكْ بيــنْ العْـــبَـادْ وَ نـْـكـَايَــدْ كـَـتـْـمِي
وَ نـْـدِيــرْ اكـْـمـَا يْـــدِيــــرْ فـَالـوَادْ العَــوَامْ
يَـرْخِي العْــضَى مْـعَـاهْ وَيْـسَاعَـفْ لـَﯖـْـشـَامْ
هَـاكـْـذاكْ اسْـعَـفـْـتْ ابْـصَـبْـرِي آلْحَــرْ اليَـامْ
قـَـلْ دَيِّ وَ قـْـوَى صَــمْــتِي وَجْــمَـدْ فـَـمِي
مَا قـْدَرْتْ اعْـلىَ صُـلـْحْ اوْلآحْضَرْتْ الخـْصَامْ
وَنـْـشـْغـَـلـْتْ امْـعَ الدَنـْـيَا الفـَانـْـيَـا بْـهَـمِي
مَـنْ بْـغـَانِي يَحْـسَـبْـنِي مَـنْ اجْـمُـلـْتْ الكـْـرَامْ
وْمَنْ بْغـَضْنِي مَا يَـعْـرَفْ غِيـرْ دَيْ شَـتـْـمِي
خـْـبَرْتْ بَـقـْصَايَـدْ مَـرْصُوعَا بْـرَمْزْ قـَرْطاسْ
بْـخـَـطْ عَـجْـمِي مـَا يَـدْري فـَاللـغـَى نـْغـَايَـمْ
كـَا غـْـزالـَة حَـضْـرِيـَا مَـنْ بْــنـَاتْ هَـلْ فـَاسْ
مْـعَـنـْـقـَا شِي عَـبْـدْ ﯖـْـنـَاوِي مْـنَ الصْـمَاصَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
يَـا سَـرْ فـَالـنـَّاسْ مَـنْ ابْـغـَى لِي ذَ الجَـلـْـيَـا
وَفـْـرَحْ قـَـلـْـبُ عْـلـَى مْحَـانِي وَكـْـدَارِي
يَـا سَـرْ فـَالـنـَّاسْ مَـنْ اطـْـنـَـزْ وَضْحَكْ فِـيَـا
يـُـومْ فـْـرَاقِي عْـلـَى حْـبَـابـِي وَ وْكـَارِي
يَـا سَـرْ فـَالـنـَّاسْ مـَنْ اعْـطـَـفْ قـَـلـْـبُ لِـيَـا
وَشـْـفـَـقْ مَـنْ حَالـْـتِي وْ بَـكـَاهْ غـْـيَـاري
يَـا سَـرْ فـَالـنـَّاسْ مَـنْ افـْـتـَى الـرَّيْ اعْـلِـيَـا
وْ زَيَّـنْ لِي فَالخْـرُوجْ مَـنْ عَـتـْـبَتْ دَاري
وَمْـشِيـتْ فـْـلِيـلـْـتِي مْـنَ السَّـاعَة كـَاري
مَـنْ اكـْـثـَـرْنِي بَحْـبَـابْ ايْـلآ نـْـكـُونْ فـَالخِيـرْ
يْـضَـلْ وَكـْـري وَ يْـبَاتْ مَجْـمَعْهُمْ عَامَـرْ
شْـحَالْ مَـنْ صَاحَبْ انـْوَجْـدُ وْ كـَمْ امْنَ عْـشِيـرْ
يْلآ يْـكـُونْ طـْعَامِي فِي كـُلْ وَقـْتْ حَاضَـرْ
بْـرَاطـْلْ الدَارْ احْدِيـرَة غِيرْ تـَنـْـقـُبْ اتـْطِيـرْ
كِيفْ حُوتْ المَـشرَعْ يَجْـرِي عْـلىَ السْـنـَانـَرْ
هـَاكـْـذاكْ اصْحَابي ضَارُو اجْـمِيعْ بَالكـَاسْ
يـُـومْ فـَـرْغـَـتْ يَــدِي لآ مَـــالْ لآ مْـرَاسَـمْ
وْمَـنْ القـَانِي مَـنْ عَـشـْرَانِي يْـهَـزْ لِي الرَّاسْ
تـْـقــُولْ عَـمَّـرْهُـمْ مـَا كـَـنـَّاوْنِي بْـئـَاسَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
الحْـبَابْ آللِي كـُـنـْـتْ نـَعْـتـَادْ ايْـحَـشـْـمُ
وَيْـلآ آنـَـيَـا حْـتـَاجْـتْ ايْـرَفـْــدُ عَـارِي
عَـادُ يَــدْوِيــوْ مَـنْ وْرَايـَا وَ يْــشـَــتـْــمُ
بَـكـْـلآمْ اقـْـصَحْ مَـنْ امْـبَازقْ وَيْـبَـارِي
وَنـْـحَـسْ ابْــدِيْــهُـمْ فِــــيَـا وَنـْــكـَــتـْـمُ
وَنـْـزِيَّـنْ ابْـشـَرْتِـي وْ نـَضْـحَـكْ وَنـْـدَارِي
وَطـْوِيـتْ القـَلـْبْ الحْـزِيـنْ اعْـلىَ هَــمُّ
وَصْـبَـرْتْ المَا قـْـضَى الخـَـلآقْ البَـارِي
حَــدْ احْـرَمْـتِـي وْحَـدْ عَــــزي فِي دَارِي
اللهْ يَـرْحَـمْ الشـْـيَاخْ الفـَايْـزيـنْ الحْـبَـارْ
كـُـلـْـشِي خـَـلآوَهْ لـَلـْحَـادْثِـيـنْ مَـشْـهـُورْ
مْحَايْـنْ الدِيـقْ اللِي تـُوريكْ طـَـبْعْ الحْـرَارْ
تـْعَـرْفـَكْ بَحْـبيبَـكْ وَاللِي عْـدُوكْ مَخـْـبُـورْ
وَالنـْكـَدْ يَـتـْـفـَاجَا وَتـْـفـُوتْ وَقـْـتْ الغـْـيَارْ
وَلِـيْـفـَادَا تـَغـْـنـَمْ بيـهَـا سْـنِيـنْ وَشـْـهـُورْ
يَـسْـتـْـهَـلْ مَـنْ يَـبْـنِي سُـورُ بْـغِيـرْ تـَـلـْـسَـاسْ
وَيْـسْـتـْهَلْ مَنْ يَدْخـُـلْ لـَلـْحَرْبْ ابْـغِيـرْ صَارَمْ
وَيْــسْـتـْـهَـلْ مَـنْ يَــدْخـُـلْ البْـحـُورْ دُونْ رَيَّـاسْ
وَيْـسْـتـْـهَـلْ مَـنْ يَـسْـلـَـكْ الطـْـوَادْ بَالسْـلآقـَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
أَوَاهْ آوَاهْ خَابْ لِي الضَنْ فـْالـَصْـحَابْ
آللِي بيهُـمْ كـُـنـْتْ نـَفـْخـَرْ وَنـْفـَايَـشْ
فِـيَـا خـَلآوْ سَــمْ الضْـفـَارْ وْالـنـْـيَـابْ
وَيْـلآ ضَهْـرُ يْهَـرْنُ مَـثـْـلْ اهْـوَارَشْ
بَـقـْـلـُوبْ اقـْصَى مْنَ الحْجَرْ وَ وْجُوهْ اصْلآبْ
وَقـْفـَالْْ الهَـنـْـدْ مَا نـْطـَرْشُ بَـمْطارَشْ
وْجـُوهْ تـْـقـُولْ مَـرْحْـبَا بَـمْجي الحْـبـَابْ
وَقـْـلـُوبْ امْـكـَـنـْـشـْـرَا وْلآ تـَحْـمَـلْ غـَاوَشْ
والله مَـابْــقــَاتْ حُـرْمَـا لـَـدْرَاوَشْ
السـُونـْهُـمْ ايْـجَـرْحُ وَعْـيـُونـْهُـمْ يَـكـْوِيـوْ
صْـبَـاعْـهُـمْ ايْــشِيـرُ الخـْـصَـامْ وَ الدْعَـاوِي
يْــقـَـيْــلُ وَيْــبَـاتُ مَــــثـْـلْ الدْيَـابْ يَـعْــويـوْ
مْـلــُـوكـْـهُـمْ ايْــطـَـلـْـعُ فـَالحِيـنْ دُونْ جـَاوِي
مَـنْ اتـْــدَرَّقْ عَــنـْـهُـمْ يَــبْــقـَاوْ فِـيـهْ يَـدْوِيـوْ
يْــقـَـطـْـعُ لـَـحْــمُ فـَالسَاعَة بْـــــــلآ جْـنـَاوِي
عَـــرْفـَــتـْــنِي هَــذْ الحَـــزَّا بْـسِيـرْتْ النـَّاسْ
وِيـــحْ مَـنْ لآ عَــنـْــدُ فـَـــمْـــخـَازْنُ دْرَاهَـمْ
صَـحْــبَـتْ زَلآغِ مَــنْ اقـْــــوَارْطْ انـْـحـَاسْ
خِيرْ مَنْ صَحْـبَـتْ شـَرْ الخَـلـْـقْ مَنْ ابْـنـَادَمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
وِيـنْ آحْـبَـابي مْـعَ اصْـحَابي وَالعَــشـْـرَانْ
وَيَـنْ هُـــمْ الحْــبَـابْ وَأيَـــنْ صَــدْقـَانِي
لآوَاحَــــــــــدْ مَــنـْـهُــمْ في ذ الحَــزَّة بَـانْ
غـَـابُ وَتـْـــــدَرْقُ عْـــلِـــيَـا بَـلـْـعَـانِي
مَـا عَـرْفـُونِي وْلآ تـْـفـَـكـْـرُوني بَـحْـسَـانْ
كـَـيَــنِي جـيـتْ لـَلـْــمْــدِيــــنَة بَـرَّانِي
لآوَاحَــدْ مَـنـْـهُـمْ يَـــدْوِي لِـي بَـالسَـانْ
وْشِـي مَـنـْهُـمْ كـُـلْ سَاعَة يَــلـْـقـَانِي
وَيْـفـَاﯖـَـدْنِي حْـريـسْ عَــنـْـوَة فـَـمْـكـَانِي
كِيفْ نـَنـْسَى تـَـلـْطامِي فِي دْرُوبْ مَـكـْـناسْ
غـُـرْبْـتِي وَمْـبَـاتِي فـَـدْكـَاكـْـنْ المْـدَارَسْ
عْـيَاوْ بـِـيَا الحْـوَانـَـتْ فـَالسْــوَاقْ البْـخـَاسْ
وَالفـْـنـَادَقْ وَبْـيـُوتْ اوْسَـايْـرْ المْـجَـالـَـسْ
نـْضَلْ هَايَـمْ وَنـْـبَاتْ اعْـلىَ الخْـبَالْ عَـسَّاسْ
وَالصْـبَاحْ انـْصَـبْحْ افـْـبَابْ الدْرَازْ جَالـَسْ
مْــنِيــنْ حَــسُ بـِـيَـا رَانِي سْـطـَــبْــتْ الجْـلآسْ
تـْـرَادْفُ عَـنِي بَالصَّـهْــدَاتْ وَالـنـْــقـَايَـمْ
المْــبَـاتـَا بَـالجـُـوعْ وْلآ طـْـــــــعَـامْ الكـْـنـَاسْ
الفـْــقـَـرْ وَالفـُـرْبـَا وَلآ صَـحْــبَـتْ شـَاتـَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
ضَـنْ اعْــدَايَـا وْضَــنـْــهُـمْ اخـْـلآصْ ارْشِيـتْ
مَـا عَـــــــرْفُ بَـايْــنْ صَـرْخـْــتْ اللهْ مْـعَـايَـا
وَبْـــرَا بَـعْــدْ السْــقـَامْ ضَــــــرِي وَتـْـعَـافِيـتْ
وَبْــلـَـغـْـتْ امْــرَاغـْـبـي وْقـَـــصْـدِي وَمْـنـَايَـا
فـَـسْـوَاقْ آهْـلْ اللهْ بَـعْـتْ فـَـحْـمَاهُـمْ وَشـْريـتْ
وَعْــمَــرْ سـُوقِي مْـعَ اسْـــــــــلآطـَـنْ الـُولآيـَا
وَقـْـنـَـعْــتْ افـْـذ الزمَـانْ بَالقـَـسْـمـَا وَرْضِيـتْ
وَصْـــبَـــرْتْ الكـُـلْ مَـا عْـــــــطـَانِي مـُولآيـَا
وَهْــنِـيـتْ اوْلآ بْــــــــــقـَاتْ غـُـمـَّا فـَـحْـشـَايـَا
مَـنْ اوْقـَـفْ لـَلـْـمَـسْـعَـا يَـسْـعَـا الدْيـُورْ الكـْـبَـارْ
الكـْـريـمْ ايْــضـَايَــفْ مَـنْ لآ بْـــــغـَاهْ البْـخِيـلْ
وَالحْــــــــلآوَة بَـالمَــنـَا كـَا تـْــــــدِيـرْ المْـرَارْ
يَـا الطـَّامَـــــــعْ فـَـمْـوَدَّتْ مَـنْ ارْبَـاوْ فـَالويـلْ
المْــغـَـطـَّـسْ فـَالعُــــــــرَا مَـا يْــــزَوْلْ العـَارْ
وَالمْـوَتـِّي بَـالعَـــــــــلـَة مـَا يْــطـَـبْ العْــلِيـلْ
فـْـلآسْــفِي دَهْــــــــقـَانِـي رَبـَّاوْنِـي الكـُـيَّـاسْ
مَـخـْـتـْــبَـرْ وَمْـقـَـرِي شِيـخِي حْـــكِيـمْ نـَاجَـمْ
القـْــظىَ صَـرَّفـْــتُ وَالوَعْـــــدْ سَـارْ لـَـبَـاسْ
حْـمَــتْ رَبـي وَشـْـكـَـرْتُ بـَاسْــــطْ النـْـعَـايَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
وَالله مَـا ضَـرْنِـي وْلآ عَــدَّبْ قـَـلـْـبي
غِيـرْ اشـْـفـَايْـتْ العْـدَا اللِي ضَـنـِّيـتْ اصْحـَابْ
وَنـَـايَـا فـَايْـنْ الـمـَّا مْــشِـيـتْ إلِـي رَبي
فِي كـُـلْ امْـكـَانْ صَـرْخـْـتُ لِـيَـا تـُـصَـابْ
بَــدَّلْ نـَـعْـمْ الكـْـريـمْ بَـالرَّاحَة تـَعْــبِـي
حَـتىَ سَـايْـلْ فـْـبَـابْ مـُـولآنـَا مَـا خـَابْ
مَـاحَـــدْ الحَـاسْـدِيـنْ تـَــتـْـمَــنـَا تـَـعْـبـي
واللهْ يْــزيــدْنِـي الأجَـــــــرْ وَ التـَّـوَابْ
وَيْـكـَـثـَـرْ عَـنْ اعْـدَايْ الحْـسَـابْ اوْ لـَـعْـقـَابْ
هَــكـْـذاكْ الدَنـْـيَـا المُـــرَّا تـْـدِيــرْ بَـالقـُومْ
هَــكـْـــذاكْ الدَّهْــرْ امْــشـَـتـَتْ كـُـلْ لآمـَا
يـُومـًا سْـلـُوقْ اوْيـُومْ احْـلــُو وْيـُومْ زقـُومْ
وْيـُومْ مَـسْـتـَعْـدَلْ بيـنْ البَـرْدْ وَالزْهَـامـَا
يْـبَاتْ شـَمْـلْ المْـرُو فِي حَـفـْضْ الكـْريمْ مَـلـْمـُومْ
وَالدْهَـرْ المْـشـَـتـَـتْ يَـصْـبَـحْ طـَالـْـبْ السْـلآمَـا
يْـلآ يْـمَـدْ اعْـلىَ رَاسْ اعْـدُو تـْـقـُولْ قـَـيَّـاسْ
فـْـكـُـلْ ضَـرْبَة يَـتـْـرَكْ جيـشْ الحْـسـُودْ عَـادَمْ
يَـلـْـتـْـقـَى المْـرُو نـَـبْـلـَة مَـنْ انـْـبَـالْ القـْـوَاسْ
وْلآ يْـلـَـتـْـقىَ دَعْـوَتْ مَـضْـلـُومْ مَـنْ الضـَالـَـمْ
وَاشْ مَـا عَـارْ عْـلِيـكـُـمْ يَـا رْجَـالْ مَـكـْـنـَاسْ
مْـشـَاتْ دَارِي فـَـحْـمَـاكـُـمْ يـَا اهْـلَ الكـْـرَايَـمْ
الحْـسـَانْ اللِـي يْــكـُونْ فـَـتـْـبَاعُ الجْـمِيـلْ
فـَالـدَّاتْ مْـــوَدْتُ تـْـــوَرَّتْ العْـــلآيَـلْ
سَـالْ اوْسَـقـْـصِي اهْـلَ المْـعـَانِي وَالتـَـفـْـضِيـلْ
يْـفِـيـدٌوكْ بَالخـْـبَـارْ يَـا مَــنـْـهـُو سـَايَـلْ
كـَـمْ مـَـنْ عَـرَّا مْـطـْـسـَا فِي تـُوبْ احْــفِـيـلْ
وَعْـلىَ رَاسُ شـَانْ المْـشـَـرْقِـي صَايَـلْ
أصْـلْ الـبُخْـلـَة كـْـثِيـرْ وَصْـلْ الجـُودْ اقـْـلِيـلْ
وَاحَـدْ فـَـآلألـْـفْ تـُوجْــدُ لِـيـهْ فـْـضَايَـلْ
وَاللِي قـَـلـْـبُ بْـخِيـلْ لـَـلـْـــبُـخـْـلـَة مـَايَـلْ
كِيـفْ يَـتـْهَـدَّا مَـنْ يَـرْجَاهْ سِيـفْ عَـزريـلْ
ضِيـقْ القـْـبَـرْ وَالمَـلآكِيـنْ يـُومْ السْـئـَالْ
وْكِيـفْ تـَـعْـلىَ يَـا مَـنْ مَـزالْ تـَـرْجَـعْ ارْدِيـلْ
يَا اللـِّي قـَالـَتْ لـُو نـَـفـْسُ نـْـتـَا المـُـفـْـضَالْ
شـْحَالْ مـَا عَـشـْـتِي تـَـرْجَـعْ يَـا بْـنـَادْمْ اعْـطِيـلْ
فـُوقْ النـْعـَاشْ التـَّـرْفـَـدْ لــُو تـْكـُونْ ذو مـَالْ
أوْلـَـكْ مَـنْ نـَطـْـفـَا مَـنْ مـَا وْطِيـنْ لـَـسْـلآسْ
وَخـْــــرَكْ لـَـتـُـــــرْبـَـــا وَ الـدُودْ يَـا العـَادَمْ
شـُوفْ مـَا تـَـحْـتْ اتـْـيَـابَـكْ يَـا كـْـثِيـرْ الدْنـَاسْ
مْـنَ العْـجَـبْ لــُولآ رَبـي سـَاتـْـرْ الحْـشـَايَـم
تمت بحمد اللهْ
قصيدة : الــدار نــظــم : سيدي عبد القادر العلمي الإثنين يوليو 11, 2016 5:09 pm
