**الشمعة والمصباح**
بحر المبيت الرباعي على قيس القهوة والتاي
ملاحظة الإيقع التاسع في الشطر الثاني لم أعمل به
الـشَـمْـعَـة وَالـمَـصْـبَــاحْ يَـاالـسَّــامَـــعْ
ثَـــارُو مَـتْـــنَـــازْعِــيــنْ شَـعْــلَـتْ نَـــــارْ خْــصَامْ
لاَ مَـنْ سَـاعَــفْ خُــوهْ بَـالـصْــبَــــرْ
وَبْـقُو مَــتْـعَـانْـــدِيــنْ شَـــدُّو لَــحْــسِـــيــفَــة
***
تْــكَــلَّـــمْ الـمَـــصْــــبَــاحْ كِـي مْـدَافَـــعْ
وَحْــرُوفْ الـشَّتْــمْ هَـاطْـلَـة سَخْـطـَـة وَمْـــلاَمْ
قَــالَــلْـــهَــا يـَـاوَجْــــــهْ الـفْــقَـــرْ
جَــهْـدَكْ قْـلِـيـلْ خَــالْـصَـة زِيـــــدْ نْـحِـــيـــفـَـة
***
فَـــالْـحـَسْــكَـــــة تَــفْـــنَــــايْ بَـــالْـمْـدَامَـعْ
فَــالْـجُــوفْ فْــتِــيــلْ رَاشْيَــة عَـــرَّة لَـجْـسَـامْ
لاَ بَــهْــــوَة لاَ زِيـــــنْ لاَ عْــطَـــرْ
نـُـورَكْ دْلـِـيـلْ يَــنْـطْــفَـى بْـرِيــحْ خْــفِـيـفَــة
***
عَــمْــرَكْ رَاهْ قْــصِــيــرْ فِي سْــوَايَــــعْ
تْخَــمْــدِي تَطـْـفَـايْ قَــامْـتَـكْ اتْـطِيــحْ قْسَــامْ
دُخَّــــانَـــــكْ حْــمُــــومْ بَـــالْــغْــــزَرْ
وْسَـخْــتِـي لَــمْــكَـانْ فَـاحْ مَـاكِـيـشْ نْـظِـيـفَـة
*****
مَـنْ هُــو لِـي يَـشْـرِيـكْ زِيـدْ يَــدْفَـــعْ
اقْـــعُــدْتِــي سَـــايْـــبَـــة وْ تَـــرْكَـتَّـكْ لَــقْـوَامْ
خْـلُـصْـتـِي صَــدُّو لِـيـــكْ بَــالْــهْـــجَـرْ
وَعْــيُـونْ الخَـلـْـقْ صَـارْفَـة عْــلِيكْ كْـفِــيــفـَـة
***
وَانَـــايَــــا وَهَّـــاجْ فَـــالْـــمْــجَــــامَـــعْ
نْـوَاري ضَـــوَّاتْ مَـــاسْـحَـة دَهْــمَـــة وَظْــلاَمْ
مْـــزَجَّــجْ مَــتْــحُــوفْ لَـــــنّــــــظَـَــرْ
بَــهِّـيـتْ قْـصُــورْ رَايْــعَــة كَـمْ سْــقِــيـفَــة
***
زَهِّـيـتْ الــدِّيّـــارْ وَالـجْـــوَامَــــــعْ
وَالإدَارَاتْ كَــافَّــــة حَــتـَّـى لَــــقْــسَــامْ
حَـاضَــرْ فِـي لَـمْــدُونْ وَالــدْشَـــرْ
شَــايَـــعْ مَــشْهُـورْ زَايْــدَة حُـسْنْ الـصِّيــفَة
***
ضَـوِّيــتْ الطـُّـرْقَــاتْ وَالـمْـصَـانَــــعْ
خَــلِّـيــتْ الــنَّـاسْ بَـــاهْـجَــة مَــنْ غِــيرْ كْــــــلاَمْ
وِاذَا غَـــبْـتْ الـخَـــلْـقْ تَــــنْــــذْعَــرْ
وَتْـصِــيـرْ جْـمِـيــعْ خَـايْــفَــة فِـي تَـــرْجِــــيــفَـة
****
بَــهِّــيــتْ ثْــريَّـــاتْ وَالـصْــوَامَـــعْ
غِــيــرْ بْــتَـــشْــعِــيـلْ سَــاحْ نُــوري فِي لَــرْسَـامْ
صْــنَعْــنـِـي إيــدِيـسُــونْ وَبْــتْــــكَــرْ
عَـــــالَـــمْ كْـــبِــيـــرْ شَــــاعْ وَالـنَّــاسْ عْــرِيــفَــة
***
يَـشْــرُونِي بَـــالـسُّـــــومْ بَـــالــنْـــوَايَـــــــعْ
وَلْــبَــسْــتْ ألْـــــوَانْ زَاهْــيَـة سَــلْـبَــتْ لَــنْــيَــامْ
إسْـتَــوْطـَـــنْـتْ رْيَــــافْ وَالـحْـضَـرْ
وَضْـحِيــتْ اشْــكَـالْ رَايْــقَـة زِيـــدْ تْـــحِــيـــفَــة
***
اسْـتَـعْـمَـرْتْ الـقَـــلْـبْ صَـــــارْ صَــايَــعْ
وَمْــلَــكْـــتْ عْــقُـــولْ حَـزْتْـهَـا هَــمَّــة وَمْـــقَــامْ
فَـــبْــــلاَدْ الإِسْـــــــــــــــلاَمْ وَالـكْـــــفَـــــــرْ
شَــانِــي مَــرْفُــوعْ قِــيــمْـتِــي ذُو تَــكْــلِــيــفَـة
***
وَنـْـــتِـــــيَّـــا لاَ زِيــــــــنْ لاَ نْـــفَــــايَــــــعْ
مَـافِــيــكْ صْــلاَحْ يَـنْــذْكَــرْ بَـخْــسَــة لَــسْـــــوَامْ
مَــــاعَــنْــدكْ لاَ شَـــــانْ لاَ قْـــــدَرْ
تَــرْكـُـوكْ الـنَّـــاسْ حِــيـــنْ شَــافُـــوكْ ضْـعِــيــفَة
*****
رد الشمعة
قَـــالَــتْــــلـُـو يَــزِّيــكْ يَــاالْــلاَسَـــعْ
وَشْـبِـيـــكْ جْــهَــلْـتْ جِــيــتْـــنِـي زَادَمْ بـَـمْـــلاَمْ
وَحْــرُوفَـــكْ بَــسْــمُــومْ تَـــنْـــﭭـْـطَــــرْ
ذَ لْــعَــارْ عْـلِـيــكْ آشْ سَــايَــــــلْ حْــسِــيـــفَـة
***
أنْــتَــــايَــا مَـغْـــرُورْ يَـــاالـشَّـانَـــعْ
رَكْـــبَــــكْ الـــزُّوخْ كُـــــفّ وَصْـــــغَـى لَـلَّــكـْــــلاَمْ
الـحَــﭭَّـــــــارْ يْــــــمُـــوتْ يَــنْــحْــقَــرْ
يَـضْــحَـى مَـقْــهُـــورْ تَــاخْـــدُو مُـوتْ سْـخِــيـفَــة
***
مْـــــــرَزَّمْ بَــالْـــقُـــــولْ وَ الـخْـــــلاَيَــــعْ
طَــــالَــقْ لْـــسَــانْ بَـالْــحْـمَــى خَصَّــكْ لْـــجَــامْ
مَــاعَــنْـــدَكْ خْـــلُـــوقْ لاَ قْــــــدَرْ
زَايَـــــدْ الحَـــالْ بِــيــكْ مَــخْـطـُـــوفْ خْـطِـيـــفَـة
***
وَنْـــتَــــايَـــا كِـــيــفَـــاهْ يَــــاالــنَّـــــاشَـــعْ
تَـــبْـخَـسْ فِـي سُـومْـتِــي وْ قَــاذَفْــنِــي بَـظـْـلاَمْ
لاَ بُـــــدْ الـتَّـــارِيـــــــخْ يَــنْـــذْكَـــــرْ
نُـورِيــــكْ خْــصَـــــايْــــلِــي وْ مَــانِــيـشْ وْقِـــيــفَـة
*****
عَـنْـــدِي سِـيـــرْ طْــوِيــلْ بَــالْـمْـنَـــافَــــعْ
وَسْــبَــقْــتَــــكْ لَـلـْـحْـــيَــــاةْ بَــقْــرُونْ وُ لَــعْــوَامْ
وَانْـــتَــايَــــا فِـي نُـــــومْ لاَ خْــبَـــــرْ
جَـــــاهَــلْ غْــفِــيـــلْ زِيــدْ نَــفْــسَــكْ خْــفِيـــفَـة
***
تَـــارِيـــخِــي عَــرِيــــقْ رُوحْ رَاجَـــعْ
مِـصْــرَة وَالـصِّـــيـــنْ رُومْ عَـــاصَــــرْتْ الأَقْــــوَامْ
هْــنُـــودَة أَمَـــازِيــــــــغْ وَالــغْـــجَــــرْ
وَعْــــرَبْ الـشَّـانْ أَهْـلْ هَـمَّــــة وَالـنـِّــيـــفَــــة
***
أَنَــــا عَـــشْــتْ زْمَــــــــانْ عَـهْــــدْ رَايَــــعْ
مْـعَ أَهْـــلْ الـفَـضْــلْ وَالـتْــقَـى شِـي نَــاسْ اعْـلاَمْ
مَــايَــــعَّــــــــرْفُـــو زُورْ لاَ غْــــــــدَرْ
عَــاشُـو بَـــالـصَّـــدْقْ وَالـصْــفَى نَــاسْ شْـرِيــفَــة
***
جَـالَــسْتْ أَهْــلْ الـعِـلـْـمْ فـَـالـْجْــوَامَـعْ
وَانَــا نَـــضْــوي بْشُـعْـلْـتـِـي فِي بَـهْـــوْ مْــقَــامْ
الـشَّــافـِـعِــــي شِــيــــــخْ يَـــوْتْــــــقَـــرْ
مَـالَـكْ وَ الـحَــنْـبْــلـِــي مْـعَ بُـوحَـــــــنِــيــفَـة
****
وَحْـسَــنْ الـبَــصْــري فْـــقِـيــــهْ شَـايَـــعْ
بَــنْ تـَـيـْـمِــــيَّـة فْــصِـيـــحْ مَــتْـرَسَّـخْ هُـمَــــامْ
وَالـثَّـــــوْري إِمَـــــــامْ مَــقْـــتْــــــدَرْ
مْـــعَ فَـــقِـــــيـهَـــاتْ عَــالْـمَــة الـدِّيــنْ عْــرِيـفَـة
***
أُمْ الـمُــؤمِــنـِـيــــنْ إسْـــمْ شَــايَــــــعْ
أُمْ الــدَرْدَاءْ فَـــاطـْــمَــــــة حَــفْـصَـة بَــقْــــيَــامْ
صْــفِــــيَّـة بَـــنْـــتْ عْـبِــيــدْ بَــالــنْـــذَرْ
بَـنْـتْ الـمَــكِّـــي وْعَــــاتْـكَــــة زِيــنْ الـصِــيــفَــة
****
وَالــــرَّازي فَـــعْـــلُـــومْ نَـــجْـمْ سَـاطَـــعْ
وَ بْــنُ فَــرْنَــاسْ حَــازْهَـــا مَــــاكَـــانْ كـْــلاَمْ
بَـنْ سِـيـنَــــــا فَـــالطـَّــبْ مَـشْـتْــــهَــرْ
مْـعَ إبْـــــنُ رُشْــــدْ نَــاسْ عِـلْــمْ وُ مَـعْــرِيــفَــة
****
أَحْــمَــدْ الـخَـــلِــيــلْ كَــــانْ رَايَـــعْ
فِي تَـفْـعِـيــلاَتْ شَارْحـَـة لَـلـْـوَزْنْ تْــمَــامْ
وَالــدُّؤَالِـي شِيـخْ يَـــنْـــذْكَــرْ
إِمَـامْ الـنَّـــحْــــوْ صَــانْـهَـا مَـنْ تَـــحْــرِيـفَــة
****
هَــذَا بَــــنْ خَــلْــدُونْ بَــحْــــرْ شَـاسَــعْ
فِـي عِـلْــــمْ الإجْـتْـمَــاعْ خَـلَّـى عْــقِيــقْ كْــلاَمْ
عَــالَـــمْ بِـيـهْ الـنَّـاسْ تَــفْــتْــخَـــرْ
خَــلَّدْ تَــارِيــــخْ شِــي رْوَايَــعْ كْــــثِـــيـــفَــة
***
سَـاهَــرْتْ أَهْــلْ الحَـرْفْ فَــالْـمْـوَاجَـعْ
عَـنْـتَـرْ وَ قَـــيْـسْ وَالـحْـطِــيــئَــة أَهْــلْ اقْــلاَمْ
قَــــاسَــــمْ وَالـذَّبَّـــــــاحْ لِي هْــجَــــرْ
وُ بَــنْ خْــلُـوفْ مَـاتْــخَــصُّـــو تَـــــعْــــريــــفَـة
***
تْـــكَــــتْــــبَـــتْ عُـــــلُـومْ شِــعْــــرْ رَايَـــــعْ
وَعْـــلَـى نُـــوري تْـألــفََـتْ كْـــتُـبْ عْـــلاَمْ
نْــوَنَّــسْ الـعُــــشَّــاقْ فَـــالـْـسْــهَــــرْ
ابْــشُــعْـــلَــة هَــادْيَــة تْـفَــاجِـي وَلْــطِـيــفَــة
***
نَـحْـضَـــرْ فِـي لَـــفْــرَاحْ بَـــالـنْـــــوَايَـــعْ
وَانَــــا بَــــلْـــوَانْ شَـاعْـلَـة زَهِّـيــتْ اقْـــــوَامْ
وَالـسَّــهْــرَاتْ تْـــطـُـولْ لَــلْـفْـجَـــــــرْ
وَالـخَـلْـقْ سْـلاَتْ زَايْــدَتْــهُـــمْ تَـــشْــغِـيــفـَـة
****
نَـــتْـــحَـــزَّمْ بَـحْــزَامْ زِيـــنْ لاَمَـــــعْ
ذَهْــبِــي فَــضِّـــي بْــهِــيـجْ غَالِـي فِـي لَــسْوَامْ
وَزْخَـارَفْ زَهَّــاتْ مَـنْ حْضَــرْ
كَــعْــرُوسَـة سَــاحْــرَة فْــحَــسْــكَـاتْ ظـْـرِيــفَـة
***
وَانْـتَ يَــامَـسْــكِــيـنْ رَاكْ ضَـــايَـــعْ
جَــسْــمَـــكْ رَهِـيــفْ مَــايْـــقَـاوَمْـشِي تَحْـطَـامْ
غِــيـرْ بْـصَـــدْمَــة رَحْــتْ تَـــنْـــــكْسَـرْ
تَـــبْـقَـى مَـشْـنُــوقْ فِـي خْـــيُـوطـَـكْ يَــاعِـيـفَــة
***
أَخْــمَـدْ هَــاذْ الـنَّـــــارْ يَــاالْــوَالَـــــعْ
لَــبْـسَـكْ الـعُـجْــبْ طَــرْتْ سَـكْـــنَـتَّـكْ لَـوْهَــامْ
اتْـــفَــكَّــــرْ الـمُـــوتْ وَالـقْـــبَــــــــرْ
لاَ بُـدْ يْـجِــي نْـــهَــارْ وَ تْـصِـــيـرْ نْــسِـيـفَــة
***
ابْـــكَــمْ الـمَـصْــبَـــاحْ خَــــابْ رَاجَــعْ
وَنْـــدَمْ عْــلـَـى قْــوَالْ رَزَّمْــهَـا بَــمْــلاَمْ
مَــلْقـَى وَاشْ يْــقُولْ وَنْـبْــهَـــــرْ
وَضْحَـى مَـهْـزُومْ لاَبْـسَتُّــــو تَــشْـنِـيـفَـة
قَـهْـرُو سِيفْ الصَّـمْـتْ شِي سْـوَايَــعْ
تْـنَــهَّـدْ تَـنْهَـادْ وَسْتْحَـى مَــازَادْ كـْــــلاَمْ
وَطـــْــلـُبْ مَــنْـــهَـا الصَّــــفْــحْ وَعْـــتْــــذَرْ
لَــيَّــنْ لَــحْــدِيــثْ زَانْ بَـحْـرُوفْ ظْـرِيــــفَـة
*******************
الـشَـمْـعَـة وَالـمَـصْـبَــاحْ نُــورْ شَـايَـــعْ
فِـيـهُـمْ لَــــثْـنِــيـنْ شِي نْـفَــايَــعْ يَــالَـكـْـرَامْ
نَــعْــمَــة مَـن الـوَهَّـــابْ لَــلْــبْـشَـــرْ
الـحَـمْـدُو لله رَحْــمْــتُـو جَــاتْ حْــفِــيـفَــة
***
تَـمَّــتْ فِي رَمْـضَــــانْ يَـاالـسَّــامَـــعْ
وَحْــبَـكْــتْ بْـيَـاتْـهَـا فْـرَبْـعَـة مَـنْ لِـيَّــامْ
نَــــحْــمَــــدْ رَبِّــي غَــزْلـْـــهَـا ظْــــهَــرْ
لِــيلَـة خْـمِـيــسْ قَـامْـرَة جَـاتْ خْـــفِيـفَـة
***
وَلــِّي نَــاظَـمْـهَـا فـْـصِــيــحْ بَــــــارَعْ
طـَـارَزْ وْزَانْــهَــا تْـصِـيـــحْ مْــعَ لَــقـْــــلاَمْ
مَـنْ بَــــلْــدَة الـعِـلْـــمْ وَالحْـضَـــرْ
دَالٌ رَا وَاوْ يَـــا مْـــعَ ألـْـفْ نْـظِــيــفَـة
أَسْـمُــو جـِــــيـمْ وُ لاَمْ يَـا يْـسَــارَعْ
زِيـدْ ثْـلاَثـِــيـنْ تَـامَّــة لَلْأَسْــمْ تْــمَــــامْ
وَسْــلاَمِـي نَـــهْــــدِيــــــهْ بَـــالْــعْــطـَـــــرْ
لَــشْـيـُـــوخْ الــقَـــوْلْ تَـاحْــفِـيـــنْ الـتَّـقْـيِـيــفَـة
***
مَـاطَــبْـــعُــو حَـلْــقَــــافْ مَــايْــقَـــارَعْ
صَـــابَـرْ لله حَسْبْـهُـــمْ ذُوكْ الـظـُــلاَّمْ
مَـاخَـــانْ العَــــشْــرَة وْمَــــاغْــــدَرْ
مَــاهُــو نَــقَّـــابْ مَــاطـْـعُــمْ لَحْــمْ الـجِــيـفَة
***
نـْسَــلَّـــمْ وَنـْـصَــلِّـي صْـلاَة وَاسَــــعْ
عْــلـَـى سِــيـــدْ الـخَـلْـقْ أَلْـفْ صَــلاَة وُ سَــلاَمْ
وَعــلَـى أَبِـــــــــي بَــــكْـــــرْ وَ الـــعْــــمَـــــرْ
عَــلِـي عُـــثْــمَـــانْ وَ الـصْـحَـابَــة لَـعْــفِـيــفَــة
الشاعر الجيلالي قصيدة من ديواني جْــرَاحْ الصَـــمْــتْ
**الشمعة والمصباح** الشاعر الجيلالي السبت يوليو 16, 2016 7:55 am
