شوف همي فالوجه يبان ..... الشاعرة سعاد لخضاري

شوف همي فالوجه يبان.....با الفتان.....لاش ما تخطيني بركاك ملعفايس
كل يوم اتعادي بلسان. .....يا الفتان.....كل يوم اتقابح بالتالية تقايس
منين شان الغالي ينهان. .....يا الفتان....يعود جايح مثلك ايصول كي الفارس
هاج بحر الفتنة طوفان ......يا الفتان ....قولي واش اربحت و لاش يا الناجس
ازهاتلك تشعلها نيران. ......يا الفتان....خاف ربي غيرك في ذ الهموم غايس
شفت شعري مالبعد يبان.....يا الفتان ....قلت ما هو ليها تشريه ملمراخس
قلت شيخ اتبنى ميزان .......يا الفتان ...ما دريت الحرة لكتوبها تجالس
روح سول ناس اتلمسان......يا الفتان....تشوف اصلي و اشياخي عزها ينافس
شان عالي ماشي بلسان.....يا الفتان ....قيمتي يعرفها من كان بوه فارس
خاب ظني بعد الي كان .....يا الفتان.....ما نويت الوردة تجرح كف غارس
ما تولي دفلة ريحان ........يا الفتان ....ما انظن الرجلة مل* ملبرانس
غي اتهنى ماني فرحان......يا الفتان ....اضحيت بعد اللمة لمراسمي نجالس
سال دمعي مني ويدان......يا الفتان.....بعد عزي راني للكاتبة نسايس
خالقى راد و سعد اشيان.... يا الفتان.....لي بغاه المولى يبليه بالدسايس
يجي نهارك و الصح يبان....يا الفتان.....يطيح شانك يعود رخيس فالمجالس
شحال مثلك دارو جنحان ..يا الفتان... بعد ذيك الهمة لبسو من الحلايس
شوف مول النية فرحان .....يا الفتان....شوف مول الحيلة في ذ الهنا و تاعس
ما هنا فالدنية شطان ..... ...يا الفتان....ما اتهنى فيها طول الزمان عابس
لا اتطير الدنيا يومان...... . .يا الفتان....يوم ليك افرحته و يوم هم حارس
سعاد لخضاري