فلعام نميزو الخرفي##
ونجولو فلبرور ونحطو لعطاف##
وفي المال نخيرو الصافي##
عند الدرسة منين يصفى للتصفاف##
والخيل نرودو الحافي ##
والد المهرة الي من الڨفزة خطاف##
وفي الناس نوالفو الوافي##
الي ڨلبو يحدثو يوم التسڨاف##
وكلفنا طيع الخوافي##
لزرڨ ولد الحمام هوان التزعاف##
هز سلامي عزيز دافي##
نص برية مكوية من حر لهاف##
للبر الي وطاه سافي##
للواد الي مشوه احجارو تشڨاف##
للحس الي عميق خافي ##
للنو الي يهيج نداها لعراف##
لصباح الخير ولعوافي##
للبيت الي يشيشدوها للتضياف##
مكسية ولفاش دفي ##
ووسايد في منازل حطوط الهفاف##
للشاعر فارس القوافي##
فجاج ضلام حيرت الڨلب الخواف##
لاڨاني في سما اسلافي##
وعياني في خصايل اجدادي لشراف##
جاني منو سلام كافي##
وانا ضني بخيل مارديت خلاف##
قير المعصور في كفافي##
من لب خوالقي مخفي ما ينشاف##
قير الي ناض في نشافي##
نوارو عادتو رڨيڨ يجي شفاف##
هو للضاميين شافي##
في روس الڨور تنبت اشجارو فلكاف##
وڨول للخاثير لاتحافي##
خلي نبذ الرصاص للطير الشواف##
وخليلي في رماد جوفي##
جمرات يهونو عليا كي نضعاف##
لوكان بطاڨتي نكافي##
ندي شهبة مخيرة فلخير اوصاف##
ونڨطع ذيك لبرور جافي##
مانستنا رفيڨ دوني لاتفتاف##
نبلي ومقامتي وسيفي##
والمر الي يحوزني ديما رفراف##
والطير مبيتا وطافي ##
ضو الدوار ذاكهو قيس التكلاف##