قصيدة مريم محمد شماريخ

سلام الله عليكم جيعا
اليوم تمر سنة على اول محاولة شعرية ( مريم)
و التي انتهيت من كتابتها في مثل هذا اليوم من السنة الفارطة
و كانت عبارة عن حط على قصيدة الشاعرلحمر محمد
( جاني مرسول) و التي مطلعها
قيس مقيل مع عشية ** و انا في همي نعاني
متفكر حب الوخية ** و سلام محبة كلاني
قصيدة مريم اول ما عرضت على الشاعر لحمر محمد
و الاعلامي قدور صادق ثم الشاعر كمال ساعد
و كل من الشيخ قاسم شيخاوي و عبد القادر هني
ثم نشرتها في مجموعة رحيق الملحون
و حظيت حينها بمباركة تقريبا جماعية من الاصدقاء الذين
كانو حينها افتراضيين كالشاعر لخذاري احمد والشاعر لحسن براهيمي
و كذا الشاعرة المتمكنة سعاد لخظاري و الشاعرة تلي
و الناقد الدين سعداوي و العاقل بن عامر و صاحب مجموعة الرحيق حينها
و الاخ الشاعر العيد د*ي و اخرين على اعتبارها اول محاولة
و انا اليوم اعيد نشرها لأقول لكم مر عام لي معكم اخوتى الشعراء
و الشاعرات و اتمنى ان يبني الشعر بيننا جسور المحبة و الاخوة
و العمل معا لأجل الرقي بالحرف و الكلمة الموزونة
بوركتم جميعا .
محاولة مــــريم
كـــي راني يا الشيخ هايم *** في ذ الزين اللي سبــــاني
سحــــــرتلي فالبال مريم *** و لا غير هوى ادانـــــــي
هــــــــــــواها جاني محتم *** غدر كاسو من محــــــاني
ف الرقـــية ما لقيت بلسم *** نصفى و يولو حزانــــــي
ذ الـــــــــطالب يقرا ينجم *** خبرني ما في كنـــــــــاني
ارســـــم جدول دار طلسم *** للجدول اللي عمـــــــــاني
جــــــاني و رعودو تزڨلم *** و الهم على الهـــــــم باني
جـــاب الحاجة و جا يعزَّم *** و التقياد على يمـــــــــاني
من عندو جاي ليك عازم *** بقصيدة تجلي افــــــــتاني
نشـــــــكي لك ڨلبي معدم *** طير الحب خوى مـــكاني
صاحـــي ننظر فالمراسم *** و النوم معادي جفــــــاني
واك انتــــــــايا شيخ فاهم *** بيك انت توفى اوزانـــــي
سلــــــــكني م خبال مريم *** ذيك اللي زايدة اشطـــاني
نبـــــــــغيها ما طڨت نكتم *** ما نبرى مجروح ثـــــاني
باقي فــي خاطري المبسم *** تبعتو زاد في امحــــــاني
اللــــــــــــــه الله يا العارم *** ڨولي نبغيك بالمعـــــــاني
ڨولــــــــــي ڨرّب زيد ڨدم *** ڨوليلي خويا الڨــــــــــاني
لا تظـــــــني ما نيش فاهم *** و انا فزت على قــــراني
كيفـــــــــاه انا عدت ظالم *** هجرتيني من وطــــــاني
ما ننســـــاك ما نظن نسلم *** ندي سرك في كفـــــــاني
و للمـــرسم ما نجي نحوَّم *** للطلبة ما نزور ثـــــــاني
نكتـــــب شعري كي تحتم *** في وسطو تطفى حــزاني
ومـــن بعدك ما نزيد نحلم *** ما نعشق ما نڨول هـــاني

شماريخ 14مارس 2015

ي ذ الزين اللي سبــــاني كـــي راني يا الشيخ هايم *** كـــي راني يا الشيخ هايم
و لا غير هوى ادانـــــــي *** سحــــــرتلي فالبال مريم
غدر كاسو من محــــــاني *** هــــــــــــواها جاني محتم
نصفى و يولو حزانــــــي *** ف الرقـــية ما لقيت بلسم
خبرني ما في كنـــــــــاني *** ذ الـــــــــطالب يقرا ينجم
للجدول اللي عمـــــــــاني *** ارســـــم جدول دار طلسم
و الهم على الهـــــــم باني *** جــــــاني و رعودو تزڨلم
و التقياد على يمـــــــــاني *** جـــاب الحاجة و جا يعزَّم
بقصيدة تجلي افــــــــتاني *** من عندو جاي ليك عازم
طير الحب خوى مـــكاني *** نشـــــــكي لك ڨلبي معدم
و النوم معادي جفــــــاني *** صاحـــي ننظر فالمراسم
بيك انت توفى اوزانـــــي *** واك انتــــــــايا شيخ فاهم
ذيك اللي زايدة اشطـــاني *** سلــــــــكني م خبال مريم
ما نبرى مجروح ثـــــاني *** نبـــــــــغيها ما طڨت نكتم
تبعتو زاد في امحــــــاني *** باقي فــي خاطري المبسم
ڨولي نبغيك بالمعـــــــاني *** اللــــــــــــــه الله يا العارم
ڨوليلي خويا الڨــــــــــاني *** ڨولــــــــــي ڨرّب زيد ڨدم
و انا فزت على قــــراني *** لا تظـــــــني ما نيش فاهم
هجرتيني من وطــــــاني *** كيفـــــــــاه انا عدت ظالم
ندي سرك في كفـــــــاني *** ما ننســـــاك ما نظن نسلم
للطلبة ما نزور ثـــــــاني *** و للمـــرسم ما نجي نحوَّم
في وسطو تطفى حــزاني *** نكتـــــب شعري كي تحتم
ما نعشق ما نڨول هـــاني *** ومـــن بعدك ما نزيد نحلم

شماريخ 14مارس 2015