قصيدة نعم سيدي -(للزجال الكبيرعبد العلي فيلالي بالحاج)-

قصيدة نعم سيدي
-(للزجال الكبيرعبد العلي فيلالي بالحاج)-

نعم سيدي و حنا خدام * طوع يمين الهمـــام
يزيـد لنا فيامـــو * ربنابـالعز والتـمكين

القسم الأول

من دوحة خير الايام * صطفى لينا امـــام
معلوم مقامــــو * سمية سيدي زين الزيـن
من يومو شبل الضرغام * قدام عرب و عجــام
يضاهي بكلامـــو * فطاحل فصـاحة تبيـن
بين قرانو مقـــدام * شيمتو الرحمة و اقــدام
تبان فسلامــــو * بلفقراء كان و مازال حنين
مازال نذكرو ايــام * قريبة مقرونة بالصيــام
و فكل ايامـــــو * يواسي كل من هو مسكين

القسم الثاني

سيدي ضيـا لـعيـان * شعــار ك لا مسكـين
بالدليل وبـالبـرهـان * قـل مـن يـمد اليدين
ماشي قليل ما كــان * من افضال امير المومنيـن
يا سليل دوحة لهمــام * من رفع لبلادنا لعــلام
دام الله علامــــو * خفاق يرفرف فلخافقيـن
عشنا فالامن وســلام * و مزال ليام لقـــدام
كمال ايامـــــو * و ليس لخبار كن يقيــن

القسم الثالث

يا حفيد نبينا لمجـــد * يماير لخير و ضحت تبان
يا سبط سيدنا محمــد * ظل الالاه نعم السلطـان
ولد وربى ووجـــد * سيدنا لزمان غير زمــان
بلعزيمة مشمر لكمــام * فلمحافل قبال الامـــم
مقدمو قدامــــو * فكل ظرف واوان وحين
قـدامـو جفوا لقلام * من كل حدب و صوب اعلام
تجيزكلامـــــو * و ما طرح بجدارة فتنيـن

اسيدنا ايلا سيدنا شيـد * صروح و أمجاد البـــلاد
شعبنا كان ولازال يأيد * خطواتك يـا ابر لولاد
و مغريبنا فحدودو سيد * ما شاء الله من سنين اعـداد
دركنا اسيدي لمـــرام * بدولة لقانون و الإسلام
بتطبيق احكامـــــو * بالحق ما نفرطو فالديــن
هكذا عرفونا الانــام * الله والوطن و الامـــام
مليكنا و حنا خدامــو * شعار نـا مدى السنين

القسم الرابع

سيدي رمز الشبـاب * شبابنا امرو يعنيـــك
متعلق حق باهــداب * عرشك و بروحو يفديـك
يتمنى تلقاليه سبــاب * املو فالله و فيــــك
و الناظم قبلو ليك غلام * سيف من سيوفك صمصـام
يباهي بنظامــــو * يدون مجادك تدويــن
لعمر سخالي بمـــرام * عشت فحمى زوج كرام
و لو قات سكامـــو * فحمى حصنك الحصيـن
يا من علغيوب عــلام * رحم ملوكنا لعـــلام
و الحسن مقامــــو * يكون فاعلى علييـــن
و سيدنا عالي لمقـــام * الفد واصل لرحـــام
زين لو ايامـــــو * يا مستجاب الدعا اميـن
الفيلالي قال نعـــام * خديم سيدنا ضيا لنيــام
يختم بسلامـــــو * بصلاة خير المرسليــن