قصيدة بين شيخ النظم وشيخ لكريحة (للزجال عبد العلي فيلالي بالحاج)

[b]قصيدة بين شيخ النظم وشيخ لكريحة[/b]

(للزجال عبد العلي فيلالي بالحاج)

اصغ يا صاح نحيلك فـــلامة لشياخ شاين صار

بين الكلمة مع لوتار

كلسة شهوة من كلسها قال عليها مناضــــــرة

بدات الكلسة بالسلامات ما تسمع غي شمن خبار

رماد من تحتو النار

كانت ليلة وشمن ليلة تــقــول عـــليها مساقــرة

كلها لصحــيبو مبارز يســـاوي تجــبا د فــلوتـــار

من غيرما جبدان عار

بالــكلمة الرايقــة النبيلـــة تقـــول عليها مشاورة

بين النـكــتات والنقــايـم تـكــسر ليهـــوم العـــبار

خرجوا عن دايرة لوقار

ونسا لمخير فيهــــوم صوارو وجميع مــاقــــــرا

اسمع اصاحبي حكيت صغ وروا لحكايتي

واقــــع كلـو ما رويت ايلا تفهم غــايـــتي

وايلا اناسكت ما دويت تقــل فعــيني عنايتي

نطـق واحــد قــال ليهـــوم اســــيدي كــي جـرا وصار

وانا حفاظ ملكبار

مشهــــورنطــقي بالفصاحة كــاع اعــمالي مـقـــدرا

ايلا نـنــشد بالحــجازي او بالمـــــاية مع لطـــــــيار

تدهل تحير وتحتار

تقول عـــليا تشيلو مساوي ولا شهـــدة مقــطــــرا

وايلا نحــــضر فـــلولاعة والهــيفــا خالعــة عـــدار

نفــــدي فـــلكلمة الثار

ونخلي لحضورتــتمايـــل ولو نخــــــبة معــفـــرا

امــا سحرت لك ملبنات الــريم غــويثة وفـاطـمة

حلال سحـر الهــــيفــات تخلي العد رات ساهـمــة

عــطا واهــب كـل شيات والجاحد بـيـهــــا اعـــمى

نطق لاخــورقال ليهوم سمعــو يــا لامة لحــــبار

لنظام مثلوها بدار

ساسها لــوزان ولــقـوافــي وبلمعـاني معــمــرا

لولا لـكلام ولمـــيازن وما من بــديــع فــلـشعـار

ياو مقامات دلوتار

لا عمرو كــــــــــان شي مرقي ولا أمة محــضــرة

ايلا قــلتي شيخ ناجـم ومتــمـــــــيز بالافـــكـــــار

هات قصيدة من لشعار

صردهــاو ماتكون عاتر تــبـقـا لـــينا مسطـــرا

وايلا لكلام جاك واعــرقـــيل انصحــك من لعــتار

قبلا تخلا ليك دار

وتولي بين القــوم شوهة ما لك قــيمة معتبــرا

دواو الحضار بالـنباهـــة وقالـوا يا لامة لخيـــار

هدا لي بينكوم عار

شياخ النظــام ولــكرايح مــرتــابـتهــوم ظـاهـرة

لا نظــم نشتهر بلا فــصاحة ولو يكون من درار

ولاعــمرو يوم بار

كيف الياقوت فلقــلادة بدهب التشحار ضايــــرا

الشي مــلشيا نزاهة قالوا في سالف لخـــــــــبار

ولغريب سباب فلغيار

الفن ما نا قصوخصوما ولا لي يعيد ما طــــــــرا

امتى ياصاحبي نشاهد ناس الفنون كلـــــــقــــمار

ما شاعلا بينهوم نار

هـــــدا يمشي في خـــطا دا و بلا نعــــــرة مدمرة

داك الساعــــة نقـــــول شاني يعلا يا لامة لـــــبرار

ويزول الضيم ولكدار

بين الــــودبة نكون كــــالس نرشـــفـو كيسان دايرا

لمريض فلغصان ساقـــــط من دون رياح ولا امطـــار

ساهل يتـــكدا بلجمار

ولي اصلـــــو شديــد تابث ماتــــدور عليه دايــــــــرا

اراوي روا من معــــــيني وكسي راسك بـلــوقــــــــار

الفيلالي بلا فـــخــــار

مـــانــــاشي عــــمري مطـــفــل ولا داري بلا مــــــرا

من سالمني وكـــــان عانـــي بيا نجـــزيه بلشــكــــــار

وتكون اخباري لوخبار

ومن لغاني يكون ملغـــي عــندي و ندكــروا بما درا