اوصاف الخيل الشاعر بوصلعة الميلود
نشكر الفرسان في هاذ الركبة **** حطة وحدة ما خفاش الحال
المرفك لخوه والزكوة صحبة **** والرحالية نتاع الفال
عجبوني فرسان في هاذ الصربة *** بارود من الجعب يكحال
العود يبغي لي هو رقبة *** يفرح بمولاه كي خيال
يركب على الخيل عنده تجربة *** متولع بركوبهم شحال
نذكرهم الكل في هاذ الحسبة * *** عشرة محسوبين بالتفصال
يعجبني لزرق باين كي القية *** قبة في لسطاح في لمثال
وشهب يعجب فالسبيب اللي رطبة *** ويلغا للربح في لمحال
حجر الواد اللي امرح فالرحبة *** كيده مع سلاسله طوال
اذهم توتي بلون من ريش اغربة *** عينو بحارة تجيب المال
وحمر ربي يفكرك يوم الحربة *** ينظر من لبعيد كي صلصال
وصفر وحجل فالسبك عندو رغبة *** هاذو معروفين فالاصال
وبيض مزينو مسلسل الركبة **** يلمع كيف الثلج في لجيال
وغشا فالملعب عنده الوجبة *** وطبعو مولاه بالتعدال
وشخم ينهم طوعه اللي ربة **** مزينو فالسبك كي الغزال
وبكع جرار السبيب اللي شهبة *** قانط بروحو وما ي سهال
عجبوني فرسان همة والنسبة *** دك البارود هلك اللي عقال
يطلعو لقراس ركبت الحبة *** والزكوة وعدي على لبطال
لعرب مشنوعين بهاذ الوهبة *** سلاهيم الملف ولمظال
وسرج ونواش واصل للركبة *** والطرحة والدير ليه اقفال
ولجام المجبود مصنوع الكبة *** لعمارة والصماط فيه خلال
وملعب كبير مقلوب التربة *** والعود خفيف ما يثقال
ناظم ذو لبيات في هاذ الكتبة *** بوصلعة الميلود ناظم ذو لقوال
ترحم يا ربي جدودي و اب *** ترحم عمامي مع لخوال
عباد الله كل في هاذ الطلبة *** سبحانك يا الله يا ذالجلال
المرفك لخوه والزكوة صحبة **** والرحالية نتاع الفال
عجبوني فرسان في هاذ الصربة *** بارود من الجعب يكحال
العود يبغي لي هو رقبة *** يفرح بمولاه كي خيال
يركب على الخيل عنده تجربة *** متولع بركوبهم شحال
نذكرهم الكل في هاذ الحسبة * *** عشرة محسوبين بالتفصال
يعجبني لزرق باين كي القية *** قبة في لسطاح في لمثال
وشهب يعجب فالسبيب اللي رطبة *** ويلغا للربح في لمحال
حجر الواد اللي امرح فالرحبة *** كيده مع سلاسله طوال
اذهم توتي بلون من ريش اغربة *** عينو بحارة تجيب المال
وحمر ربي يفكرك يوم الحربة *** ينظر من لبعيد كي صلصال
وصفر وحجل فالسبك عندو رغبة *** هاذو معروفين فالاصال
وبيض مزينو مسلسل الركبة **** يلمع كيف الثلج في لجيال
وغشا فالملعب عنده الوجبة *** وطبعو مولاه بالتعدال
وشخم ينهم طوعه اللي ربة **** مزينو فالسبك كي الغزال
وبكع جرار السبيب اللي شهبة *** قانط بروحو وما ي سهال
عجبوني فرسان همة والنسبة *** دك البارود هلك اللي عقال
يطلعو لقراس ركبت الحبة *** والزكوة وعدي على لبطال
لعرب مشنوعين بهاذ الوهبة *** سلاهيم الملف ولمظال
وسرج ونواش واصل للركبة *** والطرحة والدير ليه اقفال
ولجام المجبود مصنوع الكبة *** لعمارة والصماط فيه خلال
وملعب كبير مقلوب التربة *** والعود خفيف ما يثقال
ناظم ذو لبيات في هاذ الكتبة *** بوصلعة الميلود ناظم ذو لقوال
ترحم يا ربي جدودي و اب *** ترحم عمامي مع لخوال
عباد الله كل في هاذ الطلبة *** سبحانك يا الله يا ذالجلال