الحب الي جار بية
.......
نحكي ليكم يا ملاح
على الحب الي جاربية
بية مصبوغة االماح
فاتحة زينت اسمية
لبدة نلقاها فالصباح
نفترقوا ساعة العشية
ندكرها نبكي بالنواح
وسورتها ديما معاية
الخدام تجيب فصلاح
بالعاهد والوفا ونية
دكت قلبي بالرماح
معلول وعلتي خفي
اللايم بركاك مالملام
خوذ كلامي ذوقوا بالعبر
لاتجنيش علية فالحكام
مثلت زين حقوا ينشكر
ولفي تنهيني على لحرام
وتفيقني لصلاة الفجر
تحب المفروضة وصيام
ورقية للمعلول ينجبر
وتسلكني فيوم الخصام
ومن عداها داك الا خسر
ولفي محلاها فالكلام
تشفع وتشفع ليلة القبر
ولفي شهدة من جباح
ولفي يهوالها هواية
حروفها كامل بالوضاح
تسعة والعشرين ومية
شجرة صافية من اللقاح
نزلها عالم الخفية
مذكورة فالكتوب اصحاح
مشروحة من كل اية
ربي يا خالق رواح
نطلبك تعفوا علية
رحماني طالب سماح
وجميع السامعين لية
........
هده القصيدة ضاعت مني
حاولت استرجاعها قدر المستطاع
ولا تزال ابيات ناقصة منها اتمنى
ان تنال اعجابكم.
