سيدي أحمد الرفاعي
القصيدة: الوصية
يــا قاري في امنافعك لا تستهزاش *** احصي علمك وزيد علم الا تــــدريـــه
اتعلم فــــــــي مسايل لا تعرفهاش *** و فهم فحو الكلام و شـــــروط معانيـــه
حـــكــمة بـغير شيخ لا تتعلمهاش *** مــــــا يدخل في العقول علم ابــلا تنبيه
و احرز من كل فايدة لا تستغناش *** لابــــــد يجيك وقـــــتـهـــا تتصرف فيه
و اذا حــــــافت للوعر لا تتبعهاش *** سـلم في حــــاجـة النفع و الشوم اخطيه
ساعف اكلام الخشين الي يحراش *** تغلبه بالصبر و العقل و الغيض اخـطيه
لا تصحبشي المقلق الي ما يزكاش*** تعيا مـــــــن صـحبته تهـــرب و تخليه
المحبة الناصحة تجي بعد التغباش*** الي ما عاشر حبيب مـــــا يعرف مـا فيه
اذا تبغي اخيار ظنك مـــــــا تلقاش*** الي تستخبر تكون الــــــــــــــــــدولة فيه
الحبيب الي تقول هـــــذا ما يرداش*** زوره في ساعة الخصام تعرف مـــا فيه
والي لغالك لا تقول لــــه شي لياش*** قــــــــــــــرب حتى يكون سرك منك ليه
تعرف مــا فيه لا اتظنهشي غشاش*** مــــــــا تعرف حاجته و لا صالحتك فيه
و استحذر لا تكون في سرك فشاش*** ابــــــــــــن آدم كثرته اخدع لا تامن فيه
الغتبة و الكبير لا تــتـــحــــــدثهاش*** راه ينتقل الحديث و يـــــــــــــوصل ليه
الهدرة لا اتكون شـــــــــي بها فياش*** كـــــــــــــــدا من عبد فاز و لسانه ياذيه
وشري من الي تعجبك لا تستهزاش*** و اتكلم فوق سومتك و الــــــوعد أوفيه
و تهلى في اوصايتي لا تنساهــــــاش***عندك الهبيل بـــــــــــــــــــلاك اتجافـيه
الكسوة الي عـــــــــــارية لا تلبسهاش*** الي مـــــــــــــــا عنده أعقل يتعزى فيه
إذا كانت العرب على حـــال التشواش*** لــــــــــــــــم احبالك قرب المال و دنيه
و لا تستهزا و لا اتطيش مــع الطياش*** ولا تسبق قبل الرحيل لا تبقى تــاليه
و لا تكون بينتهم أذليل و لا مـــدهاش*** و لا تكون تـــــــــايك للبلا تتعرض ليه
صــــاحب السوء فارقه ما كان علاش*** حقه اعطيه لـــــــــــــه و حقك سلم فيه
و البراني يكون ثوبك ليه فـــــــــراش*** و الباقي قطعه بــــــــــــــــــاش تغطيه
كمش يدك بــــــــــــالقدر لا تطلقهاش*** الكرم ابــــــلا جهد يقولو كـــــاذب فيه
و الي غــــــــرزت ناقته لا ينحرهاش*** هــــــاذ العام اقضى و عام آخر تسقيه
و الطايق على فـــــــراشه لا تتوطاش*** يحفر لك بير مـــــــن القدر ايقسك فيه
و تهلى فــــــي جماعتك لا تخرجهاش*** وذا ضــــــــــامك هبيل منهم لا تحافيه
وذا لاح لبسته لا تــــــــــــــــــلبسهاش*** تحتاجــــــــــــــه للغير تتلقاهـــــــم بيه
اسخى و تـــــكـــــــرم اذا صبت مناش*** و الــــــــــرزق لي ضامنه هو يعطيه
ونّي الـــــــــــوعد المطر قبل الترشاش*** قبل الا ياتيك الـــرعد و بروق تشاليه
أرض الخوف المطرفـــــة لا تحرثهاش*** و لـــــــــــو يجيك الزرع لا تفرح بيه
و الهجالة المطلقة لا تـــــــــــــاخذهاش*** مـــــــا يكوي عيبها طبيب و لا يبريه
راحتها في الشـــــــــوم ديما و التشواش*** مــــا ينهيها الزوج و ما يصلح ما بيه
إذا كثرت ضـــــــــــربها زادت تحراش*** والعيب الـــــــــــي فيك للناس توريه
أمـــــــــــــــــــــــا هي عيبها ما يتوراش*** يستحي الزوج بــــــالكلام اذا يـوريه
فيهم الي تقول ذي مـــــــــــــا نوجدهاش*** ساعة ســاعة اتروح تهرب و تخليه
بنت الـــــــــراعي مع النقار تزيد هراش*** وذا تنهيها على الـــصــــــوت تعليه
و البكرة مــــــــــــــن جهلها لا تتركهاش*** ما زالت حتى تطيع للزوج تــرضيه
و العاتق صغيرة من صغرها لا تكرهاش*** تستعقل بـــعـــــد الضنايه و تهنيه
محبتهم للخدع لا تـــــــــــــــــــــامنهاش *** بعد ان يصفى اصبابها و يدور عليه
بقرات بليس ضرهم مـــــــــــــــا يداواش***الداخل راي سوقهم مـــــــا يربح فيه
و القلتة المختمة مـــــــــــــــــــــاا غشاش*** ومـــــــــــــــن قلة سيلها ماها توتيه
كمن يقع الحجر فــــــــــــــي الما يهشاش*** يحسبه رطــــــب و هو قاسح يوذيه
قصيدة الوصية ــــ للشيخ رفاعي رحمه الله السبت أغسطس 20, 2016 3:14 am