الى الشاعر الكبير و الصديق العزيز اعمر الزيعر ( ردا على رده على الشاعر صادق قدور) محمد شماريخ

الى الشاعر الكبير و الصديق العزيز اعمر الزيعر

( ردا على رده على الشاعر صادق قدور)

دارها بن علال الخاطية اجهر * واش ذ الامر * دار جل احــــــــــــــــبابو للعاقبة ف كيل

قَطّْع عروڨ الرقبة و هداها تسيل

باع فينا و اشــــــرى ماراعى وقر * زيلفو المر * ڨال خويا هاذا و ارضــــــــــــيتو خليل

صب سر الخمرة في كاس م الحجر * واش ذ الامر *ياك كـــــــــاس الخمرة بلار بالشليل

ياك كاس الخــــــــمرة ڨعدات بالوتر * لحن وانعصر* كان هب العــــــــــجاج اركانها تميل

دايرة ذ الدنيا و تحيد للوعـــــــــــــر * لاه اعــــــــمر* صبت راس الكبــــــة و اڨديتو فتيل

لاه غير العــــــــجاج القاح للزهَر !! * ڨول ا عمـــــر * لاه جبت الســــــــدرة حطيتها مثيل

اهداك حـــــــــلة متحوفة باه تنستر * لاه تنـــــــــــتقر * ولد زرقان الـــحكمة الجاه جا يسيل

قست هاذ الحلة مخــطوف م البصر * يــــــــاك اعمر * في ليالي تايه و مضَيع الدليـــــــــل

اللي وصلنا م حـــــديثك كيف ينشكر * اه اعمـــــــــر * قست حُب الخَضرا و رضيتلو بديل

راه ڨلبي ڨادي و افتايلو شـــــعيل

قست حُب الخَضرا و رضيت بالسفاه *** راه حب الخضرا فواح بالزهر * وردنا احـــــمر

شوف ولد امــــحمد و شكون لي رثاه *** ما يحك الجلدة من غير ذ الظفر* صاحبي اعذر

احنا بغيـــــــــنا ڨايد و الأمة وراه *** احنا ارفدنا سنجـــــــاق الشيخ للقدر * وادنا اغــــزر

احنا بغينا قمرك مكمول في ضياه *** و احنا اعڨدنا رايات الشيخ فالجهر* عرب و الحضر

مين دارت ليام ابغيتـــــــنا وراه *** بغيت عــــــــلم الخليل يكون فالسطر * كيــــــف تعتبر

ياك علم الخليل الشعر لي نشاه *** شوف كــــــــاين لوغة مكتوبة اعبر * حـــرف ليه سر

راح صافا ماراح الشعر من سماه *** ما اعرف للتأسيس حروف تنذكر * واد م البحــــــــر

هات علمك من بعد الحرف كي مضاه*** قلت شيخي يعرف تـأسيس ذ الأمر* عنايتي عمر

احنا بطال الندهة و نتاومو الليل

ڨلت شيخي صاحي موحال ما اسكر * ياك اعمر* راه بــــــــــــــاب الحكمة مفتوح كي ڨبيل

ڨلت شيخي هاذا فكاك كـــــــــــل سر * دار بالقدر * جـــــــــاب لوغة مكتوبة ميزها سهيل

جا لعلم الملحون اشباح في قصـــــر * بيك اعـــمر * حــــــــط ساس اللوغة ماهيش للخليل

ما تــحرك ساكن و اسكن بالصـــــفر * ياك اعــمر * كيف علم الفصيــــــــــح يرد فالرحيل

ڨلت شيخي مـــــــــوحال يهد ما اوقر * عــــز و الستر * شهـــد ولد الطيب ويدان كي تسيل

احنا جـنون الحظرة و خروجنا المر* لبد يا اعــــمر * جــات مارة و الريح ابخورها شعيل

ليك منا تسليم البــــــــــدو و الحضر * لــــــيك اعمر * ما نـــــــــكونو رداف انسابقو الخيل

زايدين بكلمة و خـــــــــروجها اقبر * لبد ا اعمر * ما تحطت راية في جــــــــرت القتيل

واجبة ڨلناها و فّينا اجميل

شماريخ