دّارك ظلمة كي طفالك ذالمصباح ـــــ الشاعر العيد دبوسي

دّارك ظلمة كي طفالك ذالمصباح***وجرحك ما ثماش طبة لجراحو
معذورة تبكي على فرڨة لملاح***يامصعب هول الفراڨ وتنواحو
الڨنطاس اللي كان رافد بيتك طاح***وفات عليك انهار كاسح برياحو
شفتك تبكي لابسة بزاف اجراح****وجميع اللي شاف دمعاتو ساحو
نا ڨلت انعزيك في عزك كي راح***وبقيتي كما المكسور اجناحو
لكن درتي واجبك والڨلب ارتاح*** شهدولك غاشيك بالسر وباحو
اللّي طايع والديه يصيب ارباح****العبد الساجي ذاك هو تفلاحو
تداول ليام لڨراح ولفراح***نعياو انهارات وا* نرتاحو
صلي وادعي يا اختي عشوة وصباح***دعاكم للفقيد هذاك اسلاحو
الدايم مولانا اللي بيدو لرواح***يا ماعاشو ناس فالعز وراحو
الدنيا مشوار كل واحد مركاح***الكيّس من نال بالخير اصلاحو
وحسبناك ابنت عمّي من الصُّلاح ***خصلاتك ورد الربيع اذا فاحو
وعطيتيهم درس قاسي للكسّاح***للجيل اللّي راه كثرو جياحو
وردّو لينا كل محضورة تتبّاح ***وعلى الوالدين عادو يقباحو
ضنو من السدرة تجيبلهم تفاح ****عود الدفلة ما يفيدش تلقاحو
واحد يجهر عل لوميمّة بالتطيّاح***واحد هان عليه بابّاه ولاحو
ياوطني وشراك رافد من لوذاح***واش من كوكب يا اختي عنا طاحو
على هاذون اليوم راني نا نّواح***مارانيش علّى مثالك يملاحو
اما انتيا عطاك ربي ذالمفتاح***والّلي كيفك راه يزيان امراحو
نلتي دعوة خير منها والسيماح***وسهرتّي ايام فاتو يكساحو
هيّ ثاني عالجمر عنكم تتلاح*** اتطيبها وتقول يا ناس ارواحو
. يامولايا ياعزيز ويافتاح** ارحمها وجميع من عنا راحو
اللّي طايع والديه يصيب ارباح////العبد الساجي ذاك هو تفلاحو