قصيدة "الزين الفاسي": نظم محمد بن سليمان ​

قصيدة
"الزين الفاسي":
نظم
محمد بن سليمان ​

*الحربـــة*
ياهل الزّين الفاسـي تصافو مجمعكم وبايعو لسلطان المشـــور ​

"القسم الأول"
تاه فالدّاج نعـاسـي من صدود اليَّ يهوا ساكني على ڭربي ينفـر
كيف نعمل ينـاسـي الهوا رشاني حملو تقيل شلاّ ما نصبــــر
لادوا ينفع بـاســي لا طبيب نقولو هذا حكيم بالقصد يخبّـــر
لاش يا غربت راسي إمتا عظمي من هرس الفراق بالعطف ينجبـر
عاد يسقيني كـاسي مالكي بين الشمعا والقطيع ومطارب الخمــر ​

"القسم الثاني"
بالمحاسن تونــاسي كان غاب على عيني من هويت في قلبي يحضر
في عضايا وسـواسي يلا يغيب عليّا ساعا نقول هذا غير نفـــــر
وجبولين رمـــاسي هاكذاك المزيان يلا يجور يقتل ما يختـــــر
ولا يبرد مڭبــــــــاسي غير الرّيق اللّمات يلا تقبلو من ثغر لتغــــر
ويا ورد سڭلمــــــاسي في رياض الحسن يلا جنيت العرابي لنصـــر ​

"القسم الثالث"
يالي قلبوا قـــاسـي لا تلوم العاشق في حالت الهوا سلّم وعضــر
ساط ريحو فغــراسي نضمر بستاني وتحايطمو غصانو بعد زهـــر
يا ترا حزني نــاسي السرور يدک معاي المڭام والشريند مــــر
بعد هولي وهــواسي نلت قصدي وكمل غردي معاه والكف ينتڭــــر
يلا حضرضي غلاسي بيه ننكد حسّادي والغزال بوصالو نضفـــر ​

"القسم الرابع"
نرسلك يا رقّـــاسي يلا وصلت المحبوب إليَّ هويت عوّّدلو الخبـر
فالذهب درت نحـاسي مالكي ما حافني زار مرسمي من بعد هجــر
فرحنا بيه مـــواسي في رياض على ميزان الطيار والغاني يهضـر
العود والطر خمـاسـي والرباب على الفايت فالزمان يبكي ويفكـــر
بيه واقد نبــــراسي على الزهو والسّلوان على الدوام عمر وما يفتر ​

"القسم الخامس"
فالو طادرت لسـاسي خود يا حفاضي حولا صول بها وستفخــــر
صيغ قول الجوساسي يالداعي هاذا الحولا دارها من لا ينكــــــر
بالمعاني تجنــاسي سلطنيا هذي سميتها ومولاها يهضـــــــر
رقتي من تكيــاسي بن سليمان أسمي للجاحدين ضربي فالمنحـــر
درت فيدي مد عاسي دون سيفي وركبت على جواد فايق على البجــر
حورنسلوقرطــاسي ساحب الخطوا قرّاب البعيد ويفتت الحجــــر
هبت بالورد ويـاسي والسلام على ناسو والجحيد خلّيه مكـــــذّار
يالعاتق لنفـــاسي جيرني من هول الدنيا وبعدها هول المحشـــر ​