قصيدة للشاعر الفحل قدور بن بيتور
لزرق ولد الحمام تعنى بوجاب *كان ذالناس اقراب*أنحشمك سبق خيرك بالكمال واغصب
واعنى بوصائتي لحذري لعلاب *كان ذالناس اقراب*سلم على مسعودة كحل الحواجب
و اعني بوصائتي لمبروم الناب* كان ذالناس اقراب*خائف على شوفة ذاك الخيال غائب
ياكـ انت للملاح ضاري زراب *كان ذالناس اقراب* يالورشان انت نعرة لكل صاحب
يدعيكـ بحرمة العزيز الوهاب *كان ذالناس اقراب*فوز ما تسبق خيركـ فالمليح وازرب
حتى نا ديرني فالعشق اسباب *كان ذالناس أقراب *ياكـ لخبار الزينة حسها يطرّب
من ضيّع مانتو اتسمى خنّاب * كان ذالناس اقراب *حاجة المرؤ في الميعاد و الطرائب
ااسري وقت الدماس قبل ان يشهاب** كان ذالناس قراب**فزْ من بلـــدة متليلي و روح زارب
الشبكــــة كافـــــها امكلب و اشعاب **كان ذالناس قراب**و المحاصر و الفج يبان لكـ مضهب
المحلق زور فـيه رايـس لقباب**كان ذالناس قراب**دهم على قفافة و الحسي و اعــقب
و المجبـد في هـواكـ للسّنق راب**كان ذالناس قراب**و الثنية و العرق سلاسلو تجـــوّبْ
و الخــبنة و المقام فالمـــيز صواب**كان ذالناس قراب**الخميْري والضاية يا مليـح و ازرّبْ
يعرض مفتـاح ردْ بالكـ توهاب**كان ذالناس قراب**ذهْمَ على زرقون و اقطع الســوائبْ
المكامــأن و الــوراق فرع و سباب**كان ذالناس قراب** لاليا و العــــــزري قــص المناكـــب
يمــنوه يقابلـوكـ خناشيــش ذيـاب** كان ذالناس قراب**دهْم على سدرة عبد السلام واعقب
ســيدي عيسى يبان صبات اسحاب**كان ذالناس قراب**في هوا بحرية تـــلقى العـنز راكــب
القـــــور ملولبيــن و يجــوكـ اقراب**كان ذالناس قراب**سال عن نجع السقمة وين راه راكب
و ســال عـلى مهاقعـــو بالترتــــاب**كان ذالناس قراب كان فاتــكـ ذالقول مع ىالديور نــشّبْ
لحظـر فالكرت قي اللي قــالو غاب** كان ذالناس قراب**ساحة بريزينة و القور و الملاعـــب
تـلقى كــحيلة توق مع لعـلاب**كان ذالناس قراب** و الخلف و الحيران تدل كل ذاهـــب
لبنات ينكـــدو القلب اللي تـاب **كان ذالناس قراب **بالحرير اقــلاقات يدوجو مراكب
وصل خبري بحال ماكش كذاب **كان ذالناس قراب **للريـال المكـنوزة بيه كان تــنسب
قـول لها يا الريـم جيْتكـ رقاب**كان ذالناس قراب** ذي وصايةْ بلخـضر بطبوع لجلب
سالي من يعرفوه شائب و شباب **كان ذالناس قراب **سولي عنو ميعادو بطال شعنــب
يهدا نقش الكلام في كل تراب** كان ذالناس قراب **بـاني علامو بين مْقاطع المـلاعب
يـفتي للعاشقين من كل كْتاب **كان ذالناس قراب **ناسخ علومو بلا كتبة من المذاهب
لا تأمن في طيور برني و عْقاب**كان ذالناس قراب**ردْ بالكـ من لرقـطْ محنْيَ المناكب
يتقلـبْ قالسماء بظـفرو عطّابْ**كان ذالناس قراب **من ازناديه مسقم كاسح المخالب
لا تغلط لون في زيـار اللولاب**كان ذالناس قراب **و لا يزهيكـ الحال معَ خيول تــلعبْ
الــدنيا شوف حـــالها يا جـرّابْ**كان ذالناس قراب**بالفــلايكـ ساعـــات سنينها تْجــرّبْ
و الدنيا ما تـدوم يعـد انْ تطياب**كان ذالناس قراب**وين بشاتْ و وين اتراكـ عالمراكبْ
لوكـان ادوم كان دامْت لصحاب**كان ذالناس قراب**ويْن ذاكـ الميـــعادْ نقــّار كل غالب
عبـد الله بومـناد ذاكـ الرهّــابْ**كان ذالناس قراب**ويْن علالي عمو فــارس المصالب
من ضاري فالطــراد كــيدو غــلاب**كان ذالناس قراب**ما اعرف حق الولف الاّ اللي تغـرّبْ
غــــير انا لـيس ما انفعـــني طيـّاب **كان ذالناس قراب **حب ولفي مسعودة ساكــن السوائب
فــسادة لي الصــلاة و اية لحــزاب**كان ذالناس قراب**كاوية لي دليلي م حر السموم شارب
وانا جــاتني بعيــد صافي النــــقاب كان ذالناس قراب دون مسعودة جاوْ زمول اللي اتعــب
بـــاغي ليها ملـــيح مهري خبّاب** كان ذالناس قراب**كالمداري زنديه على الرماش يغصب
و اعـشاري بالكمال عــنقو لــولاب **كان ذالناس قراب **بحال رمدي سواجْ مع الفجوج هارب
يرضيكـ على ارباخ من خيل اشباب**كان ذالناس قراب**قائم العــدة سرجــو والركــاب يلهب
يعمل فالســير كي السيل الهجلاب**كان ذالناس قراب** كي الريح الظهراني عالسحاب راكب
يديني في هــوى الريم امْ اسخاب**كان ذالناس قراب**والمهاري و الخـيل يقربــو المضارب
مسعودة الشائعة على كل اشــباب**كان ذالناس قراب** فـــائزة على لبنات و زيْنها امعجّــبْ
مسعــودة دائرة للعشــق اســــباب**كان ذالناس قراب** خارجة في حــــلة تقميصــها مــذهّـبْ
سعدة شمس اللهوب في وسط سحاب**كان ذالناس قراب**والقمر فات نجومو عقب ليـل صوّبْ
تمت