يا الطالب طيري علا
للشيخ
محمد بن سليمان الفاسي
لومني يا من لا ذاق الهوى ولا تجراحه
غير فقدني باش النوح
صارلي كيف ألي مجروح عذبوه جراحه
والهوى طالبني في الروح
وينما نهرب من سيفه يردني بسلاحه
من سعدي منصوح زنزله
يالطالب طيري علا مع الأطيار وراحواا
عيدلي كم من يوم يروح
مولوع بصيادة ويولي لرسام
مذاهب
الحرير محنن الكفوف
نيامه ما نزلت على شوف
ما في قلبي رعد ولا خوف
رزين
مرهوف طيري متحوف
في الخبايل تشراحه
من قتاله جاني مجروح
بــيــــــت
لله
فدني يا طالب ناس الغرام
طيري نويت ما هو في شباك الغير
نعرفه بعقل كبير
صاحب المعنى و التدبير
ما يله طير معه صغير
دوح في دواحه
زيّن سمايا آبو دوح
بيــــت
شد الفقيه لوحه نزل فه لقلام
شديد في زناتي طالب نجم
قال لي ذا الطير بنادم
عدلي نوري لك الاسم
كن فهم خذ علا يم
علم توضاحه
عليه
هكذا جاب اللوح
بيـــت
من حين ذقت صدقته في ذاك الكلام
الحاجبين نونين في ترتابي
الأعضاء والخال غرابي
عنبر في دمه عربي
يفجي كربي صنعة ربي
لثغار كجواهر لحوا
ريق شهدا فمه ملموح
بيـــــت
قلبه يحبني لو غاب عليا عوام
على محبته كيف جرى ننساه
فاش جاو عدايا وعداه
ياك محبتنا في الله
ليس ننساه في ساعة جفاه
نجري في صلاحه
بعد ما تاه ولا مسموح
بيـــــت
نهيت حلتي للي يحفظها بالتمام
تسليم حق قالوه أهل الخصلان
الدهات في طرز الميزان
من قراء يصيب العنوان
بن سليمان على الحسان
نظم فصاحه