في هذه الجمعة المباركة قطفت لكم وردة من حديقة الشاعر أحمد بودبوس تحت عنوان
#يالمولا
يالمولا رضي عنّي اختيم لرسال/*/الطّاهر الموفضّل من جاد بلوفا
و صلات على نابينا المصطْفى
قاصدك يا جوّاد اكريم يالمتعال/*/ألحنين الدّايم يا عالم بالخفا
يالحي الباري موصوف بلكمال/*/جيت لك رضّي عني صاحب اصفا
هاج عنّي و حشو بشّوق درْجّا طال/*/كل يوم انراقب في صافي اصفا
يا أحمد بن يامينة يا انقيد من مال/*/يالي بصلاتك تشفي الاّ هفا
يالي من نورك دالكون لاح بوصال/*/يالي من بيك الجنة امزخرفا
يالي بيك الحور احنان صوت لفضال/*/بصلا يلقو عنك يالمصطْفى
فوق صاڨ العرش اسمك يا احمد بتنزال/*/و القلم و اللوح و لملاك طايفا
يا اطبيب الخاطر جيتك اليوم سوّال/*/شاكي من الهم و لا صبت راءفا
ألحْسُود اعليا متهامزين مازال/*/اقبيلتي ومكاره مهّانت اجفا
حد ما يعرف قدري يا اربيع لنجال/*/اسندت ليك اكتافي يا سجرت ادفا
بيك نتوجّه لله خالقي الجلال/*/بيك يلقيني مول النور الاّ أطفا
يالله عندي طلبا *** ابغيت نصفا زين النّور
انزور ساكن يتريبا ***نعود في نزها و سْرور
يا موفّق ليجابا*** ابحال كيف الناس انزور
انزيد نصفا للكعبة*** بلهناء حجي مبرور
يالطّاهر بونسبا*** يااطبيب لي مضرور
فكني من دا القلبا*** شوف حال لي محڨور
نطلب اطبيب الطبّا*** خالقي النّور الصّابور
يالعالم كل انبا*** يالله وانتا الغافور
جيت لك جاه الصّحبا*** والبْتول صافيت الطّور
يا أجير المقلوبا*** جيرنا من قول الزور
سهّل اطلوع العڨبا*** و لا اتحافينا بغرور
خفت نار اللهّابا*** اشرارها بلحر ازفور
يوم لا تنفع هربا*** أنْعود لزفرة مجرور
دلْنّا النّهج النّابي غايت ارسال/*/سعدنا بيه الهادي صاحب اصْفا
فرحت بيه الساما و لرض و جبال/*/و نشّق القَمار لو بلمنا صفا
و المياه اتفرعت من كفُّ سيد لجيال/*/و شربت الصّوحابا من كل طايفا
نبقي احبيبي من عنّو ساخفين لنجال/*/داك طير الخضرا منْبع المعْرفا
بيك يامحمد عيشي أيطيب و حلال/*/بيك يا تاج الكّرما غيمي اصْفا
بيك يامحمد ننجا من كيد لهوال/*/بيك يا محمد لهموم تتنفا
بيك يا محمد عزي و كنت لي فال/*/بيك يا محمد نقهر الواهفا
انتا ارفيق الصادق بوبكْر زهو لطفال/*/داك نزّاه الصبيه بيه والفا
انتا ارفيق الفاروق اعمر مير لبطال/*/داك حق المسكين متهوم بلوفا
ارفيق دنّورين الثالث من ألْفْضّل نال/*/من اشرا بير الرّوم وهداه بلْكْفا
ارفيڨ كسّار القرما من اسماه علاّل/*/حيْدرة من حسّو لندال خايفا
الزمت مدحك يا عاتق لي يكون يسهال/*/كلعسل من ضاقو يهديه لشْفا
داك عندي طرز ابجوهر و خير من مال/*/كلخلوفي طامع نبشر من أصْفّا
سيد لوّل و الآخر سرختي الدلاّل/*/راحتي فلماحي برضاه ننْكفا
يالله جيتك جاه المرسلين و الآل/*/و الخليل ابراهيم و صاحب اصْفا
.
.
.
.
.
.
#إلى_أن_يقول_في_آخر_القصيدة
يا امجيب الدعا يا اموفْق الابتهال/*/يالي ما وصفك توصيف واصفا
يا اكريم الكرما عنا اتشيل لتقال/*/يالكافي غيرك ماكان من اكفا
خالق الدنيا دار اقرور زادت اهوال/*/و المفازع بنفاد الكّيد زاحفا
اجميع من يتبعها تسقيه نكل لنكال/*/فانيا ساعات الدّنيا الڨاصفا
و خالق الجّنّة دار امفرْشا و تدلال/*/باذْهب و جواهر يامان تاحفا
دير لحمد قسما فيها اخيار لنزال/*/قرب بوفاطيمة الزهرة المْشّرْفا
داك ولد ابراهيم من ناظم ألْقوال/*/لا اتحافي سجدي بفعال واهفا
الوالدين و خوتو و جميع من اسقا نال/*/و الغايبين و مجمع لسلام كافّا
و لي اكرهنا فلباطل سندو ألْشيمال/*/و احْرمو من شَوْف الجينان و لْعْفا
نختمو بصلات الماحي اشريف لفضال/*/اعداد لمياه و رياح اعصار عاصفا
