الضرفية
مَتْهُــومْ بَالسّْعَــادَة وَ الْقَلْــبْ الــدَّافِي
وَ حْيَــاتِـي جَنَّــة مْــزَخْــرْفَة
وَ انَا وَثْقِي بَالْعْڨَــالْ مَا هُــو مَــرْخُــوفْ
جَـارْ الْهْــوَى عْلِيَّـا هَــرَّسْ مَقْــدَافِي
هَــالَكْ بَحْـرِي دُونْ عَـاصْفَة
مَنْ قَــاوَمْ بَحْــرْ اللّْطَــامْ مَنْفُــوخْ كْلُوفْ
دَبْلَـــة تْفُــــوقْ دَبْلَـــة وَ الله يْعَـــافِي
هَطْلَــتْ هْمُــومِـي مْـــرَدّْفَة
وَ حْنَى ظَهْـرِي ثُقْلْ حَمْلْ دَنْڨَسْ مَعْكُوفْ
ألضِّيــقْ لَضّْنِـي وَ تْعَــــرَّاوْا كْتَـافِي
بَـــرْدَانْ نْفَـــافِـي عْلَى الــدّْفَا
وَ بْــرَدْ حُمَّـــانِي بْقِيــتْ وَحْــدِي مَتْلُوفْ
أنَا شْرَبْتْ غَيْضِي وَ كْمِيـتْ زْعَـافِي
غُصَّـة في الحلْــقْ مْصَــوّْفَة
لا مَنْ نَحْكِي لُه هْمُـــومْ لا قَلْـبْ عْطُوفْ
زَعْمَـا شْـرِيتْ غَـالِي ظَنِّيتُـه صَـافِي
غَشُّـــونِي وَ الْكِيــلْ مَـا وْفَى
بَثْيَـــابْ الْهَـــانَـــة مْسَتّْــــرِينْ الْمَكْشُوفْ
مَطْمُوسْ كِيفْ لَعْمَـا جَاحَتْ اشْـوَافِي
مَا لِي في الْقَنْــدِيلْ لُــو طْفَى
مَـــا فَـــادْ النَّبْـــرَاسْ بَالضّْيَـــا لَلْمَكْفُوفْ
نَمْشِي بْلا عْقَـلْ في مْهَـامَـهْ وَ فْيَـافِي
وَ انْدَهَّصْ في الشُّوكْ بالْحْفَى
نَاكُـلْ في الــرَّمْلَة وْ ظَـانْ فِيهَـا مَسْفُوفْ
قَـاوَمْـتْ شَــرّْ لَعْــدَا بَالــرَّدْعْ الْكَـافِي
مَشْهَــابِـي وَقَّــــادْ مَـــا طْفَى
وَ عْـدُويَا مَنْسُـوبْ لُه الْجْفَا لِيسْ عْطُوفْ
لَعْــدَا هْــدَاوْا وَ حْبِيبِي سَــنّْ الْحَـافِي
مَكَّـــنْ لِــي دَڨَّـــاتْ في الڨْـفَا
شَمَّـــتْ فِيَّـــا عُـــرّْةْ الْخْـــلايَــقْ مَعْيُوفْ
خَلِّي الـدَّهْــرْ يَفْصَـلْ غُـرْبَالُـه شَافِي
وَ تْبَـــانْ الْكَـــرْفَـــة مْكَــرّْفَة
مَـا يَبْقَى حَتَّى ثْقِيــلْ بَخْـــوَى مَـــرْدُوفْ
عَثْــرَاتْ عَلّْمُــونِـي نَمْشِـي مَتْكَــافِي
وَ الطَّيْحَـــاتْ تْجِـــــي مْكَلّْفَة
خَــوْفِي مَـنْ طَيْحَــاتْ الْكْبُــرْ يَا مَلْهُوفْ
فِي طِيحْـةْ الصّْغُــرْ يَتْـوَلَّاكْ الشَّـافِي
وَ هْمُـــومْ الـــدُّنْيَا مْصَـــرّْفَة
مَهْـــمَ تَبْلَـــغْ طِيحْــةْ الْعْلُــو فِيهَــا خُوفْ
مَا جَـاتْ لَلشّْطَـارَة وَ اللَّعْـبْ الْخَـافِي
حِيلَــــــــة بَالنِّيَّـــــــــة مْغَلّْفَة
خَبَّــــتْ لَبَّــــتْ مَـــا تْفِيــــدْ بَالتَّـــأَسُّوفْ
حَقِّـي نْلُــومْ نَفْسِــي لا حَــدْ خْــلافِي
مَـــا تَجْتَـــانَـــبْ الْمْـــــوَالْفَة
غِيــرْ تْعَنَّـقْ مَا قْــرَاتْ احْــرَابْ الْخُوفْ
كَمَّدْتْ بَالصّْبَـرْ كَاظَـمْ غَيْضِي خَاِفي
حَتَّـــى ضَحَّكْتِـــي مْـــــزِيّْفَة
نَتْقَطَّــعْ بَخْنَــاجْــرْ النّْــدَامَـة في الْجُوفْ
دَمْعِـي جْـرَاتْ فَضْحَتْنِي قَبْـلْ شْفَافِي
حَاصَـلْ عُنْقِي وَسْـطْ طَـارْفَة
صَــابَــرْ لَحْكَــامْ الْغْنِي الْحَيّْ الـــرَّؤُوفْ
نَبْكِي عْلَى فْـرَاقِي وَ صْـدُودْ اوْلافِي
وَ الْقَلْـــبْ اللِّـي جِيهْتِي جْفَى
مَتْشَلْــوَشْ مَ الْفَــازْعَــة بْعَقْلِـي مَخْطُوفْ
سَاعَـة نْهِيـجْ سَاعَـة نَخْمَــدْ بَطْـرَافِي
سَاعَــة نَسْبَـــقْ شَـــارْدْ الْعْفَا
سَاعَـة نَثْغَبْ كَالْفْطِيـمْ جَسْــدِي مَرْجُوفْ
سَاعَـاتْ نْنْعْـــزَلْ بَهْبَـالِي وَ جْـزَافِي
نَسْتَنْجَــــــدْ بَــالْعَفْــــــوْ لَلْعَفا
بَالْحَــقْ الْحَــيْ الْكْــرِيــمْ قَلْبِــي مَشْغُوفْ
سَاعَـة رْزِيـنْ سَاعَـة يَقْــوَى تَتْـلافِي
وَ مْعَـــارَفْ مُخِّـي مْحَـــرّْفَة
عَقْلِي يَـدَّرْكُـه خْسُــوفْ مَنْ بَعْـدْ كْسُوفْ
نْتَفْضُوا اوْرَاقْ شَطِّي عَرَّاوْا عْرَافِي
صَمْــدَتْ الشَّجْـــرَة الــوَاقْفَة
حَرّْ الصَّيْـفْ وْ بَرْدْ الشّْتَا دَهْـرْ صْرُوفْ
خُـوفِي نْهَـارْ يُـوجَبْ نَقْرَا مَصْحَافِي
وَ الــــذَّاتْ هْشِيشَــــة مْنَحّْفَة
في حَضْرَةْ رَبْ الْكْوَانْ وَ مْلاكْ صْفُوفْ
غَـرْقَـانْ في ذْنُــوبِي يُــومْ اعْتِــرَافِي
جَــايَـــرْ دَايَا خَـاصْـــمْ الشّْفَا
تَشْهَـــــدْ عْلِيَّــا جْـــــوَارْحِـي بَالْمَكْشُوفْ
تَمِّيــــتْ مَـــايْتِــي بَصْــــلاةْ الْمُقْتَفِي
مَفْتَــــاحْ الْجَنَّــــة الْمُصْطْفَى
يُومْ الْهَــوْلْ آ صَــاحْبْ اللّْـــوَا فِيَّا شُوفْ
بَالــدَّرْ وَ الـزّْبَـرْجَـدْ سَجِّيـتْ قْــوَافِي
تَـــرْصِيعَــــة بَـــوْفَــا مْتَحّْفَة
مَـرْشُـوشَة بَالْمَسْكْ وَ الـزّْهَــرْ الْمَقْطُوفْ
بَشِيــرْ وَلْــدْ تِهَــامِي مَا هُــو خَــافِي
يَهْـــدِي الضَّــرْفِيَّــة مْشَـرّْفَة
لَلْأدْبَــا وَ الْمَـاهْـــرِيـــنْ بَالْقَلْـبْ عْطُوفْ
مَتْهُــومْ بَالسّْعَــادَة وَ الْقَلْــبْ الــدَّافِي
وَ حْيَــاتِـي جَنَّــة مْــزَخْــرْفَة
وَ انَا وَثْقِي بَالْعْڨَــالْ مَا هُــو مَــرْخُــوفْ
جَـارْ الْهْــوَى عْلِيَّـا هَــرَّسْ مَقْــدَافِي
هَــالَكْ بَحْـرِي دُونْ عَـاصْفَة
مَنْ قَــاوَمْ بَحْــرْ اللّْطَــامْ مَنْفُــوخْ كْلُوفْ
دَبْلَـــة تْفُــــوقْ دَبْلَـــة وَ الله يْعَـــافِي
هَطْلَــتْ هْمُــومِـي مْـــرَدّْفَة
وَ حْنَى ظَهْـرِي ثُقْلْ حَمْلْ دَنْڨَسْ مَعْكُوفْ
ألضِّيــقْ لَضّْنِـي وَ تْعَــــرَّاوْا كْتَـافِي
بَـــرْدَانْ نْفَـــافِـي عْلَى الــدّْفَا
وَ بْــرَدْ حُمَّـــانِي بْقِيــتْ وَحْــدِي مَتْلُوفْ
أنَا شْرَبْتْ غَيْضِي وَ كْمِيـتْ زْعَـافِي
غُصَّـة في الحلْــقْ مْصَــوّْفَة
لا مَنْ نَحْكِي لُه هْمُـــومْ لا قَلْـبْ عْطُوفْ
زَعْمَـا شْـرِيتْ غَـالِي ظَنِّيتُـه صَـافِي
غَشُّـــونِي وَ الْكِيــلْ مَـا وْفَى
بَثْيَـــابْ الْهَـــانَـــة مْسَتّْــــرِينْ الْمَكْشُوفْ
مَطْمُوسْ كِيفْ لَعْمَـا جَاحَتْ اشْـوَافِي
مَا لِي في الْقَنْــدِيلْ لُــو طْفَى
مَـــا فَـــادْ النَّبْـــرَاسْ بَالضّْيَـــا لَلْمَكْفُوفْ
نَمْشِي بْلا عْقَـلْ في مْهَـامَـهْ وَ فْيَـافِي
وَ انْدَهَّصْ في الشُّوكْ بالْحْفَى
نَاكُـلْ في الــرَّمْلَة وْ ظَـانْ فِيهَـا مَسْفُوفْ
قَـاوَمْـتْ شَــرّْ لَعْــدَا بَالــرَّدْعْ الْكَـافِي
مَشْهَــابِـي وَقَّــــادْ مَـــا طْفَى
وَ عْـدُويَا مَنْسُـوبْ لُه الْجْفَا لِيسْ عْطُوفْ
لَعْــدَا هْــدَاوْا وَ حْبِيبِي سَــنّْ الْحَـافِي
مَكَّـــنْ لِــي دَڨَّـــاتْ في الڨْـفَا
شَمَّـــتْ فِيَّـــا عُـــرّْةْ الْخْـــلايَــقْ مَعْيُوفْ
خَلِّي الـدَّهْــرْ يَفْصَـلْ غُـرْبَالُـه شَافِي
وَ تْبَـــانْ الْكَـــرْفَـــة مْكَــرّْفَة
مَـا يَبْقَى حَتَّى ثْقِيــلْ بَخْـــوَى مَـــرْدُوفْ
عَثْــرَاتْ عَلّْمُــونِـي نَمْشِـي مَتْكَــافِي
وَ الطَّيْحَـــاتْ تْجِـــــي مْكَلّْفَة
خَــوْفِي مَـنْ طَيْحَــاتْ الْكْبُــرْ يَا مَلْهُوفْ
فِي طِيحْـةْ الصّْغُــرْ يَتْـوَلَّاكْ الشَّـافِي
وَ هْمُـــومْ الـــدُّنْيَا مْصَـــرّْفَة
مَهْـــمَ تَبْلَـــغْ طِيحْــةْ الْعْلُــو فِيهَــا خُوفْ
مَا جَـاتْ لَلشّْطَـارَة وَ اللَّعْـبْ الْخَـافِي
حِيلَــــــــة بَالنِّيَّـــــــــة مْغَلّْفَة
خَبَّــــتْ لَبَّــــتْ مَـــا تْفِيــــدْ بَالتَّـــأَسُّوفْ
حَقِّـي نْلُــومْ نَفْسِــي لا حَــدْ خْــلافِي
مَـــا تَجْتَـــانَـــبْ الْمْـــــوَالْفَة
غِيــرْ تْعَنَّـقْ مَا قْــرَاتْ احْــرَابْ الْخُوفْ
كَمَّدْتْ بَالصّْبَـرْ كَاظَـمْ غَيْضِي خَاِفي
حَتَّـــى ضَحَّكْتِـــي مْـــــزِيّْفَة
نَتْقَطَّــعْ بَخْنَــاجْــرْ النّْــدَامَـة في الْجُوفْ
دَمْعِـي جْـرَاتْ فَضْحَتْنِي قَبْـلْ شْفَافِي
حَاصَـلْ عُنْقِي وَسْـطْ طَـارْفَة
صَــابَــرْ لَحْكَــامْ الْغْنِي الْحَيّْ الـــرَّؤُوفْ
نَبْكِي عْلَى فْـرَاقِي وَ صْـدُودْ اوْلافِي
وَ الْقَلْـــبْ اللِّـي جِيهْتِي جْفَى
مَتْشَلْــوَشْ مَ الْفَــازْعَــة بْعَقْلِـي مَخْطُوفْ
سَاعَـة نْهِيـجْ سَاعَـة نَخْمَــدْ بَطْـرَافِي
سَاعَــة نَسْبَـــقْ شَـــارْدْ الْعْفَا
سَاعَـة نَثْغَبْ كَالْفْطِيـمْ جَسْــدِي مَرْجُوفْ
سَاعَـاتْ نْنْعْـــزَلْ بَهْبَـالِي وَ جْـزَافِي
نَسْتَنْجَــــــدْ بَــالْعَفْــــــوْ لَلْعَفا
بَالْحَــقْ الْحَــيْ الْكْــرِيــمْ قَلْبِــي مَشْغُوفْ
سَاعَـة رْزِيـنْ سَاعَـة يَقْــوَى تَتْـلافِي
وَ مْعَـــارَفْ مُخِّـي مْحَـــرّْفَة
عَقْلِي يَـدَّرْكُـه خْسُــوفْ مَنْ بَعْـدْ كْسُوفْ
نْتَفْضُوا اوْرَاقْ شَطِّي عَرَّاوْا عْرَافِي
صَمْــدَتْ الشَّجْـــرَة الــوَاقْفَة
حَرّْ الصَّيْـفْ وْ بَرْدْ الشّْتَا دَهْـرْ صْرُوفْ
خُـوفِي نْهَـارْ يُـوجَبْ نَقْرَا مَصْحَافِي
وَ الــــذَّاتْ هْشِيشَــــة مْنَحّْفَة
في حَضْرَةْ رَبْ الْكْوَانْ وَ مْلاكْ صْفُوفْ
غَـرْقَـانْ في ذْنُــوبِي يُــومْ اعْتِــرَافِي
جَــايَـــرْ دَايَا خَـاصْـــمْ الشّْفَا
تَشْهَـــــدْ عْلِيَّــا جْـــــوَارْحِـي بَالْمَكْشُوفْ
تَمِّيــــتْ مَـــايْتِــي بَصْــــلاةْ الْمُقْتَفِي
مَفْتَــــاحْ الْجَنَّــــة الْمُصْطْفَى
يُومْ الْهَــوْلْ آ صَــاحْبْ اللّْـــوَا فِيَّا شُوفْ
بَالــدَّرْ وَ الـزّْبَـرْجَـدْ سَجِّيـتْ قْــوَافِي
تَـــرْصِيعَــــة بَـــوْفَــا مْتَحّْفَة
مَـرْشُـوشَة بَالْمَسْكْ وَ الـزّْهَــرْ الْمَقْطُوفْ
بَشِيــرْ وَلْــدْ تِهَــامِي مَا هُــو خَــافِي
يَهْـــدِي الضَّــرْفِيَّــة مْشَـرّْفَة
لَلْأدْبَــا وَ الْمَـاهْـــرِيـــنْ بَالْقَلْـبْ عْطُوفْ
