ألْمَكَّاوِيَّة
قَلْبِي مَلْكُه شُوقْ لَنْ خْفَقْ بَالْجَنْحَانْ عْــزَمْ * هَزُّه مَنْ تَالِي هْوَا الْهِيفَة وَ نْكَسْ عْلَامُـــــه * مَنْ لَا ذَاْق الْحُبْ لِيسْ يَفْقَهْ تَأْوِيلْ كْــــــلَامْ..
صَابُه سَهْمْ الْقَوْسْ فِي صْمِيمُه وَ نْزَفْ الدَّمْ * دَقَّةْ سَهْمْ الْحُبْ في الْحْشَا زادت لُه تَحْطَامُه * كَيْدْ الْقَوْسْ صْعِيبْ فِي تْبَاعُه مَمْلُوكْ غْلَامْ..
يَا لَحْظَاتْ الضَّبْيْ مَنْ هْوَاكْ انْكَابَدْ في الْهَمْ * يَقَّضْ مْهَاجِي لْهِيبْ كَاوِي وَ نْفَذْ احْكَامُــــــه * هَيْهَاتْ الْمَعْشُوقْ مَا يْبَالِي عَطْشَانْ خْصَامْ..
دَافَقْ فِي تَخْوِيضْ بَالْمْوَاجْ مْهَلَّكْ الْيَــــــــمْ * تَاهْ الْغَايَصْ فِيهْ بَالْمْحَايَنْ مَنْ شَدْ لْطَامُـــــه * قَبَّطْ دُونْ قْلُوعْ فُوقْ جَفْنْ بْدَمْعْ التَّذْمَــــامْ ..
مَتْخَبَّلْ غَزْلِي مْهَوّْلَتْنِي زِينْ الْمَبْسَــــــــمْ * هَايَنْ كَسْبِي فِي سْبِيلْ وَلْفِي طَايَعْ خَدَّامُـــــه * بَادْ الْجَهْدْ ضْحِيتْ فِي شْبَاكُه مَهْزُومْ حْتَامْ..
نَايَمْ سَعْدِي مَا صْحَى فْ يُومْ دْهَمْ مْغَيَّـــمْ * لَاشْ حْجَبْ شَمْسِي سْمَا مْكَدَّسْ شَغَّبْ بَغْيَامُه* لَا حَوْلَ فِي مَا قْضَى مْأبّْدْ جَلْ الْعَــــــلَّامْ..
نُومْ جْفَى لَلْحَاضْ لِيلْ نَبْنِي لِيلْ نْهَـــــــدَّمْ * فِي مَكْمُولْ الزِّينْ آشْ يَخْمَدْ لْهِيبْ سْقَامُــه * هَتَّكْ دِيوَانِي وْهَدّْمُه صَبَّحْ طِيفْ حْطَـــامْ ..
ظَنِّي فِي الْمُولَى شْفَى غْلِيِلي فِي مَا زَمْزَمْ * حَتَّى يَخْمَدْ الضّْمَا وْ نَبْلَغْ قَصْدِي بَتْمَامُــه * كُبْ امْلَى لِي كَاسْ طِيبْ زَمْزَمْ كَانَكْ فَهَّامْ..
مَكْوِي كَيْ الْبِيـنْ مَعْتْــزَلْ نْبَاتْ نْخَمَّــــــمْ * وَطْنْ الْمُزَمَّلْ حَاضْنْ الْكَعْبَة مَنْ تَصْمَامُـه * لُبْ الدِّينْ يْشَغْفْ الْمْيَقَّنْ عَنّــَقْ لَسْــــــــلَامْ..
بَخَّاسَةْ لَغْيَادْ وَ الْبْهَا فِيهَـــا مَتْلَايَــــــــــمْ * لَاحْ ضْيَا وَهَّاجْ مَا بْقَى غَسْقْ يْحُطْ ظْلَامُه * مَنْ شَافْ بْهَاهَا سْبَاتْ قَلْبُه دَعْجَةْ لَنْيَــــــــامْ..
تَاجْ الْمُلْكْ بْهِيجْ بِيهْ فَاقَتْ بَاهِي تَفْخَــــــمْ * الْقُسَّة ضَاوِي هْلَالْ بِينْ نْجُومُه بَسْلَامُــــه * سْوَالَفْ وَلْفِي طَايْحِينْ غَطَّاوْا الْجِيدْ دْهَامْ..
هْدَبْهَا فُوقْ غْنَاجْ فِي صْوَابِي دَقّْ مْـلَازَمْ * لَيَّنْ قَلْبْ هْزِيلْ مَا قْوَى لَنْشَاشَبْ نْيَامُــــــه * لَا يَسْلَمْ مُولُوعْ نَبْلْ مَكْنُه أوْ صَوْبْ سْهَامْ..
الْوَجْنَة تَفَّاحْ مَنْ صْبَحْ عْلِيـهَا يَغْنَـــــــــمْ * مَسْعُودْ الْمَلْقَا وْ لِيتْهَا تَصْدَفْ كَلْ أيَّامُـــــــه * مَا يَفَّزْعَكْ سُوءْ لُو أنْتَ ضَحْكَتْ لَكْ لِيَّامْ..
مَبْسَمْهَا لَاوِي شْفَايْفُه وَ الْفُمْ خْوِيتَــــــــــمْ * لَسْنَانْ الْيَاقُوتْ حَالْ سَبْحَة تَسْتِيفْ حْزَامُه * ألْمَنْطَقْ فْصِيحْ وَاللّْعَابْ مْخَتَّمْ مْــــــــــدَامْ..
يَنْهَضْ بِينْ خْدُودْهَا وْ لَلْحَاضْ تْوَامْ خْشَمْ * حَجْبُه بَالتَّنْقَابْ زَادْ لُه تُحْفَة سُودْ لْثَامُـــــه * لِيلَةْ وَا حِ كِي ضْوَاتْ بُوجُودْ هْلَالْ تْمَامْ..
الْجِيدْ بْهَاهْ الْجْمَانْ فُوقْ عْقِيقْ مْلَقَّــــــــــمْ * وَالَمْهَا تَشْبَاحْ زَاهْيَةْ الْقَـــدْ بْوِسَامُــــــــــــه* يَا سَبَّةْ جَنِّي وْ لِيعْتِي مُخِّي فِيكْ قْوَامْ..
بَدْنْ سْخِي صَافِي جْدَعْ مَسْقِي نَاهَضْ قَايَمْ * نَخْلَة فِي بُسْتَانْ شَانْهَا عَالِي حُسْنْ مْقَامُـه * هَيْمَنْ بَسْخَاهْ الْعْظِيمْ وَ بْسَطْ غَلَّة لَلفَّامْ ..
نَعْتْ سْيُوفْ اعْضَاهْ حَادِّينْ بْحَالْ صْمَاصَمْ * ألْكُوعْ مْعَ الْبُوعْ فِي نْشَاطْ التَّنْسِيقْ دْوَامُه * الْيَدْ الْمَفْتوحْ تَوْجُوهَا بَالْخَمْسْ اقْلَامْ..
ألسِّيقَانْ عْضَالْ قَايْمِينْ بْفَضْلْ الدَّايَـــــــمْ * وَقْفَة مَتْقُونَة وْ كُلْ خَطْوَة مَنْ حَسْنْ اقْدَامُه * يَعْجَزْ لْسَانِي عْلَى وْصَافْ مْذَبْلَةْ لَنْيَامْ ..
لَا يَفْلَحْ فْصِيحْ فِي وْصَافُه قُطْبْ الْعَالَمْ * لَمَّتْ شَمْلْ الْمُومْنِينْ مَا ضَاقَتْ بَزْدِحَامُـــــه * هِيَّ دَعْوَةْ جَدّْنَا خْلِيلْ مبدع الأنــــــــــــام..
شُيُوخْ وْ شُبَّانْ مَلْتَقاهُمْ في كل موسم * يهوي لها من كل حدب و صوب جاد بالتزامه * وَقْفَة الْحَجَّاجْ في الْجْبَلْ فَاقَتْ كُلْ مْقَامْ..
هَيْهَاتْ بْلَا حَجْ كِيفْ نَسْعَدْ وَ لَا نَغْنَمْ * آشْ تْشُوفْ الْعَيْنْ مَا شْتْهِيتْ انْقَبَّلْ وَ سْلَامُــــه * يَخْمَدْ لَهْبِي فِي مْنَاسْكْ الْحَجْ يْزُولْ سْقَامْ..
يَا مَنْ صَابْ جْمَلْ آوْ شَلْوِي قَبْلِي وَ دْهَمْ * لَا نَخْشَى لَجْبَالْ وَ الْفْيَافِي نَمْسَكْ لْجَامُــــه * الصَّاعَبْ يَهْوَانْ وَ الْبْعِيدْ يْدَنِّي قُـــدَّامْ ..
دَفَّقْتْ الْكُتْمَانْ لِيسْ نَخْشَى لَوْمْ اللَّايَمْ * ألْمَكْوِي بَمْحَايْنْ الْهْوَى صَهْدْ مْكَنْ عْظَامُه * لِيعَةْ لَهْبْ الشُّوقْ نُومْ جَافِي وَ دْمُوعْ سْجَامْ ..
مَا وَافَقْنِي حَظْ مَا نْجَدْنِي سَعْدْ مْسَقَّــمْ * لَا يَبْلِي سِيدِي بْخِيبْتِي مُومَنْ و تحطامـــــــه * حَابَكْ غَزْلْ مْتِينْ وَنْقْطَعْ زَايَدْنْي تَأْلَامْ ..
حَدِّيتْ حْسَامِي هْمَمْتْ نَقْتُلْ سَعْدْي لَعْقَمْ * بَالنِّيَّة وَبْلُوغْ صِدْقْهَا قَلْبْ خْشَعْ بَصْيَامُــه * جَاهِيتْ الْعَالِي بْكُلْ آيَة دُعَا بأحكـــــام..
مُجِيبْ الدَّاعِي اذَا دْعىَ شَاحَــنْ الْعَظْلَـــــمْ * ألْكَافْ مْعَ النُّونْ في الْقْضَا تَتْجَسَّدْ احْكَامُــــه * أكْتَبْ لِي حَجَّة مْتُوّْجَة يَا مُحْيِي لَعْظَامْ ..
دْخِيلْ لْمُولَا بَالْمْلَاكْ وَ اهْــــلْ الدِّينْ الْقَيَّــمْ * بْجَاهْ الْأَنْبِيَّا وْكُلْ سَاجَدْ لَكْ خَلْفْ اِيمَامُـــــــه * جَاهِي بَالصَّدِيقْ وَ الْعْدَلْ وْ عَثْمَانْ وَ الْهْمَامْ ..
أنْقَذْتْ الْخَلِيلْ مَنْ لْهِيبُه غَانَـــمْ سَالَـــــــــمْ * ألسَّكِّينْ مْعَ الذّْبِيحْ مَفْدِي وَ جْهَضْ حْسَامُــه * كَلِيمَكْ سَمْعُه عْلَى الْجْبَلْ لْقِيتْ لِيهْ كْلَامْ ..
لَاهْلْ الْجُودْ هْدِيتْ وَادْ طَيَّبْ سْعَدْ وَ غْنَـــمْ * لَحْبِيبَكْ جْعَلْتْ كُلْ خَلْقَــــكْ تَحْتْ اهْتِمَامُــــه * لَصْلَاتُه فِي الْقُدْسْ جَاعْلُه بْلَنْبِيَّا إيمَامْ ..
سُبْحَانْ الْخَلَّاقْ مَنْ نْطِيفَة وَ نْفَخْ في الْجَسْمْ * ذَلَّلْ لِي الْعَاصِي وْ تَمْ فَقْهِي فَ بْدِيعْ مْقَامُه * سَالَمْ فُؤَادِي مْعَ الْعْقَلْ مَا نِي مَثْلْ انْعَـامْ..
هَيَّأْ لِي سِيدِي وْ مَنْ سْخَاهْ نَنْفَقْ وْ نَطْعَـــــمْ * يَقَّنْ قَلْبِي فِيهْ كَفْ شِيطَانِي وَسْطْ اوْهَامُه * نَسَّأْلَكْ وَقْفَة عْلَى الْجْبَلْ بِينْ ازْنَجْ وَاعْجَــــامْ..
لَا نِي طَالَبْ جَاهْ لَا صْعُودِي دُونْ سْلَالَـــمْ * نَسْعَدْ فِي مِينَنْ فِي الْمُزْدَالِيفَة نَغْنَامَــــــــوا * هَوَّنْ طَوَافْ الْوِدَاعْ بَالْكَعْبَة حَفْيْ قْـــــــدَامْ..
يَا مُنْجِي يُونَسْ مَنْ بْطَنْ الْحُوتْ الْمُظْلِـــــمْ * مَنْ قَصْدَكْ حَاشَا يْخِيبْ وَ لَا يَفْلَتْ زْمَامُه* مَكَّنْ لِي نَجْتَازْ حَزّْتِي قيدي نفك له الحزام..
أوْزَعْنِي نَلْقِي الْحْصَى فْ وَجْهْ ابْلِيسِ الظَّالَمْ * هَوَّنْ تَوْبِيخْ اللّْعِينْ خَزْيْ اوْلَادُه خُدَّامُه * نَكْسُوا مَلْعُونِينْ فِي وْحَلْ نَقْمَة لَلْخِتَـــامْ..
لَعْنُه مُـــولْ الْجَــــاهْ كِي أْبَى يَسْجَــــدِ لْآدَمْ * دَعْ مَنْ لَا سَجْدُوا لْمَالْكْ الْمُلْكْ فْ ذَلْ مَا دَامُوا * كَمْ مَنْ لَا صَلَّى ذْلِيلْ خُو لَلشَّيْطَانْ تْوَامْ..
مِيَّتْنِــي مُطِيـــــعْ يَا عْتِقِي مَنْ جَهَنَّــــــــــــمْ * وَعْدَكْ حَقْ قْضَاكْ لِيسْ لِنَا فَلْتَة مَ حْتَامُه * لَوْ لَا عَطْفَكْ سَابْقْ الْغْضَبْ تَهْلَكْنَا عَ الْعَامْ..
دَاءْ الْقَلْبْ عْلَاشْ وَ الدّْوا فِي صُلْبْ حْكَايَـــمْ * ألْكِيَّسْ وَنَّى لْشِيبْ عَنْدْ شْبَابُه وَ غْلَامُــــه * فَايَتْ الدُّنْيَا مْثِيلْ عَظْلَمْ أوْ سَهْوْ مْنَامْ..
عَجَّلْ بَالمَحْمُودْ وَ اجْتْنَبْ الْعَابْ قْجَايَـــــــمْ * لَعْبْ الْجَعْبَة عَابْ صَاحْبُه مَتْفَتَّتْ اعْظَامُه * جَدْ اعْمَالَكْ لَا تْبَدْلُه بَالْهَزْلْ الْمَحْشَـــــامْ..
وَعْدَكْ قَبْلْ وْعِيدْ مَنْ تْهَاوَنْ بِيهُمْ نَادَمْ * نَاسْ الْحَالْ يْتَوّْجُوا الْعْقَلْ وَالْقَلْبْ بْتَلْهَامُه * عَلَّةْ بْنَادَمْ قَلْبْ جَافِي وَ عْقَلْ مَظْــــــــــلَامْ..
عَيْنْ الْمُومَنْ غَاضَّة الْعِفَّة مَا تَتْسَــاوَمْ * ألْوَذْنْ الصَّمَّة عْلْى الْغْتَبْ تَعْفِيكْ مْنْ اوْخَامُه * مَسْكْ الْفُمْ جْهَادْ كُلْ تَسْبِيحْ اوْقَى مَ لْجَامْ..
بَابْ التَّوبَة مَا عْلِيهْ بُوَّابْ جْحَدْ قَايَــمْ * ألْوَدُودْ الْعَفْوْ مَا يْخَيَّبْ عَبْدُه بَمْقَامُـــــــــه * يَبْغَضْ الشَّيْطَانْ وَالْهْوَى مَامَثْلُه نَجَّــــــامْ..
دَلْ الْقَلْبْ عْلَى سْبيِلْ تَقْـوَى تَسْعَدْ لَازَمْ * لله الْمَلِيكْ لَوّْلَـــة وَ الْخَتْمَـــة بَاحْكَامُـــه * قَابَلْ تُوبِي مَاحْقْ الذّْنُوبْ اعْفُو دُونْ مْـلَامْ..
آ مَنْ عَلِّيتْ الْحْبِيبْ إيمَــامْ ابْنُ هَاشَـمْ * مُحَمَّدْ مَفْتَاحْ جَنّْتَكْ سِيدْ الْخَلْقْ هْمَامُـــه * بَالْقَاسَمْ غَدْوَا شْفِيعْنَا كِي تَشْخَصْ لَنْيَامْ..
لَمْدِيحْ الْمَعْصُومْ قَدّْنِي نَنْشَدْ وَ نْزَمَّـــمْ * نَلْبَسْ تَاجْ أهْلْ اللّْغَا الْفْصِيحْ الْبَاهِي بَنْظَامُه * صُغْتْ قْصِيدْ عْمَدْتْ حَذْفْ مَنْجَلْ مَنْ نُطْقْ كْلَامْ..
حَمْلْ الْبِينْ ثْقِيلْ صَهْدْ كَاوِي مَنْ يَتْيَتَّــمْ * هَايَجْ مَنْ شُوقْ الْعْزِيزْ بُويَا نَافَذْ اعْدَامُـــه * دُنْيَا تَعْطِينِي الْقْفَى قَبْلْ وْجُوبِي لَفْطَامْ..
قْضَى مُولَانا بَالْحْكَامْ وَ دْخَلْتْ لْمُسْتْغَانَمْ * جَلْسَة بِينْ شْيَاخْهَا تْنَبَّــهْ لَنَّظْــمْ انْغَامُــه * قَافِيَّة بَالْيَاسْمِينْ وَ الْفُلْ فَتْحُوا لَكْمَـــــــامْ..
قَلْبِي مَلْكُه شُوقْ لَنْ خْفَقْ بَالْجَنْحَانْ عْــزَمْ * هَزُّه مَنْ تَالِي هْوَا الْهِيفَة وَ نْكَسْ عْلَامُـــــه * مَنْ لَا ذَاْق الْحُبْ لِيسْ يَفْقَهْ تَأْوِيلْ كْــــــلَامْ..
صَابُه سَهْمْ الْقَوْسْ فِي صْمِيمُه وَ نْزَفْ الدَّمْ * دَقَّةْ سَهْمْ الْحُبْ في الْحْشَا زادت لُه تَحْطَامُه * كَيْدْ الْقَوْسْ صْعِيبْ فِي تْبَاعُه مَمْلُوكْ غْلَامْ..
يَا لَحْظَاتْ الضَّبْيْ مَنْ هْوَاكْ انْكَابَدْ في الْهَمْ * يَقَّضْ مْهَاجِي لْهِيبْ كَاوِي وَ نْفَذْ احْكَامُــــــه * هَيْهَاتْ الْمَعْشُوقْ مَا يْبَالِي عَطْشَانْ خْصَامْ..
دَافَقْ فِي تَخْوِيضْ بَالْمْوَاجْ مْهَلَّكْ الْيَــــــــمْ * تَاهْ الْغَايَصْ فِيهْ بَالْمْحَايَنْ مَنْ شَدْ لْطَامُـــــه * قَبَّطْ دُونْ قْلُوعْ فُوقْ جَفْنْ بْدَمْعْ التَّذْمَــــامْ ..
مَتْخَبَّلْ غَزْلِي مْهَوّْلَتْنِي زِينْ الْمَبْسَــــــــمْ * هَايَنْ كَسْبِي فِي سْبِيلْ وَلْفِي طَايَعْ خَدَّامُـــــه * بَادْ الْجَهْدْ ضْحِيتْ فِي شْبَاكُه مَهْزُومْ حْتَامْ..
نَايَمْ سَعْدِي مَا صْحَى فْ يُومْ دْهَمْ مْغَيَّـــمْ * لَاشْ حْجَبْ شَمْسِي سْمَا مْكَدَّسْ شَغَّبْ بَغْيَامُه* لَا حَوْلَ فِي مَا قْضَى مْأبّْدْ جَلْ الْعَــــــلَّامْ..
نُومْ جْفَى لَلْحَاضْ لِيلْ نَبْنِي لِيلْ نْهَـــــــدَّمْ * فِي مَكْمُولْ الزِّينْ آشْ يَخْمَدْ لْهِيبْ سْقَامُــه * هَتَّكْ دِيوَانِي وْهَدّْمُه صَبَّحْ طِيفْ حْطَـــامْ ..
ظَنِّي فِي الْمُولَى شْفَى غْلِيِلي فِي مَا زَمْزَمْ * حَتَّى يَخْمَدْ الضّْمَا وْ نَبْلَغْ قَصْدِي بَتْمَامُــه * كُبْ امْلَى لِي كَاسْ طِيبْ زَمْزَمْ كَانَكْ فَهَّامْ..
مَكْوِي كَيْ الْبِيـنْ مَعْتْــزَلْ نْبَاتْ نْخَمَّــــــمْ * وَطْنْ الْمُزَمَّلْ حَاضْنْ الْكَعْبَة مَنْ تَصْمَامُـه * لُبْ الدِّينْ يْشَغْفْ الْمْيَقَّنْ عَنّــَقْ لَسْــــــــلَامْ..
بَخَّاسَةْ لَغْيَادْ وَ الْبْهَا فِيهَـــا مَتْلَايَــــــــــمْ * لَاحْ ضْيَا وَهَّاجْ مَا بْقَى غَسْقْ يْحُطْ ظْلَامُه * مَنْ شَافْ بْهَاهَا سْبَاتْ قَلْبُه دَعْجَةْ لَنْيَــــــــامْ..
تَاجْ الْمُلْكْ بْهِيجْ بِيهْ فَاقَتْ بَاهِي تَفْخَــــــمْ * الْقُسَّة ضَاوِي هْلَالْ بِينْ نْجُومُه بَسْلَامُــــه * سْوَالَفْ وَلْفِي طَايْحِينْ غَطَّاوْا الْجِيدْ دْهَامْ..
هْدَبْهَا فُوقْ غْنَاجْ فِي صْوَابِي دَقّْ مْـلَازَمْ * لَيَّنْ قَلْبْ هْزِيلْ مَا قْوَى لَنْشَاشَبْ نْيَامُــــــه * لَا يَسْلَمْ مُولُوعْ نَبْلْ مَكْنُه أوْ صَوْبْ سْهَامْ..
الْوَجْنَة تَفَّاحْ مَنْ صْبَحْ عْلِيـهَا يَغْنَـــــــــمْ * مَسْعُودْ الْمَلْقَا وْ لِيتْهَا تَصْدَفْ كَلْ أيَّامُـــــــه * مَا يَفَّزْعَكْ سُوءْ لُو أنْتَ ضَحْكَتْ لَكْ لِيَّامْ..
مَبْسَمْهَا لَاوِي شْفَايْفُه وَ الْفُمْ خْوِيتَــــــــــمْ * لَسْنَانْ الْيَاقُوتْ حَالْ سَبْحَة تَسْتِيفْ حْزَامُه * ألْمَنْطَقْ فْصِيحْ وَاللّْعَابْ مْخَتَّمْ مْــــــــــدَامْ..
يَنْهَضْ بِينْ خْدُودْهَا وْ لَلْحَاضْ تْوَامْ خْشَمْ * حَجْبُه بَالتَّنْقَابْ زَادْ لُه تُحْفَة سُودْ لْثَامُـــــه * لِيلَةْ وَا حِ كِي ضْوَاتْ بُوجُودْ هْلَالْ تْمَامْ..
الْجِيدْ بْهَاهْ الْجْمَانْ فُوقْ عْقِيقْ مْلَقَّــــــــــمْ * وَالَمْهَا تَشْبَاحْ زَاهْيَةْ الْقَـــدْ بْوِسَامُــــــــــــه* يَا سَبَّةْ جَنِّي وْ لِيعْتِي مُخِّي فِيكْ قْوَامْ..
بَدْنْ سْخِي صَافِي جْدَعْ مَسْقِي نَاهَضْ قَايَمْ * نَخْلَة فِي بُسْتَانْ شَانْهَا عَالِي حُسْنْ مْقَامُـه * هَيْمَنْ بَسْخَاهْ الْعْظِيمْ وَ بْسَطْ غَلَّة لَلفَّامْ ..
نَعْتْ سْيُوفْ اعْضَاهْ حَادِّينْ بْحَالْ صْمَاصَمْ * ألْكُوعْ مْعَ الْبُوعْ فِي نْشَاطْ التَّنْسِيقْ دْوَامُه * الْيَدْ الْمَفْتوحْ تَوْجُوهَا بَالْخَمْسْ اقْلَامْ..
ألسِّيقَانْ عْضَالْ قَايْمِينْ بْفَضْلْ الدَّايَـــــــمْ * وَقْفَة مَتْقُونَة وْ كُلْ خَطْوَة مَنْ حَسْنْ اقْدَامُه * يَعْجَزْ لْسَانِي عْلَى وْصَافْ مْذَبْلَةْ لَنْيَامْ ..
لَا يَفْلَحْ فْصِيحْ فِي وْصَافُه قُطْبْ الْعَالَمْ * لَمَّتْ شَمْلْ الْمُومْنِينْ مَا ضَاقَتْ بَزْدِحَامُـــــه * هِيَّ دَعْوَةْ جَدّْنَا خْلِيلْ مبدع الأنــــــــــــام..
شُيُوخْ وْ شُبَّانْ مَلْتَقاهُمْ في كل موسم * يهوي لها من كل حدب و صوب جاد بالتزامه * وَقْفَة الْحَجَّاجْ في الْجْبَلْ فَاقَتْ كُلْ مْقَامْ..
هَيْهَاتْ بْلَا حَجْ كِيفْ نَسْعَدْ وَ لَا نَغْنَمْ * آشْ تْشُوفْ الْعَيْنْ مَا شْتْهِيتْ انْقَبَّلْ وَ سْلَامُــــه * يَخْمَدْ لَهْبِي فِي مْنَاسْكْ الْحَجْ يْزُولْ سْقَامْ..
يَا مَنْ صَابْ جْمَلْ آوْ شَلْوِي قَبْلِي وَ دْهَمْ * لَا نَخْشَى لَجْبَالْ وَ الْفْيَافِي نَمْسَكْ لْجَامُــــه * الصَّاعَبْ يَهْوَانْ وَ الْبْعِيدْ يْدَنِّي قُـــدَّامْ ..
دَفَّقْتْ الْكُتْمَانْ لِيسْ نَخْشَى لَوْمْ اللَّايَمْ * ألْمَكْوِي بَمْحَايْنْ الْهْوَى صَهْدْ مْكَنْ عْظَامُه * لِيعَةْ لَهْبْ الشُّوقْ نُومْ جَافِي وَ دْمُوعْ سْجَامْ ..
مَا وَافَقْنِي حَظْ مَا نْجَدْنِي سَعْدْ مْسَقَّــمْ * لَا يَبْلِي سِيدِي بْخِيبْتِي مُومَنْ و تحطامـــــــه * حَابَكْ غَزْلْ مْتِينْ وَنْقْطَعْ زَايَدْنْي تَأْلَامْ ..
حَدِّيتْ حْسَامِي هْمَمْتْ نَقْتُلْ سَعْدْي لَعْقَمْ * بَالنِّيَّة وَبْلُوغْ صِدْقْهَا قَلْبْ خْشَعْ بَصْيَامُــه * جَاهِيتْ الْعَالِي بْكُلْ آيَة دُعَا بأحكـــــام..
مُجِيبْ الدَّاعِي اذَا دْعىَ شَاحَــنْ الْعَظْلَـــــمْ * ألْكَافْ مْعَ النُّونْ في الْقْضَا تَتْجَسَّدْ احْكَامُــــه * أكْتَبْ لِي حَجَّة مْتُوّْجَة يَا مُحْيِي لَعْظَامْ ..
دْخِيلْ لْمُولَا بَالْمْلَاكْ وَ اهْــــلْ الدِّينْ الْقَيَّــمْ * بْجَاهْ الْأَنْبِيَّا وْكُلْ سَاجَدْ لَكْ خَلْفْ اِيمَامُـــــــه * جَاهِي بَالصَّدِيقْ وَ الْعْدَلْ وْ عَثْمَانْ وَ الْهْمَامْ ..
أنْقَذْتْ الْخَلِيلْ مَنْ لْهِيبُه غَانَـــمْ سَالَـــــــــمْ * ألسَّكِّينْ مْعَ الذّْبِيحْ مَفْدِي وَ جْهَضْ حْسَامُــه * كَلِيمَكْ سَمْعُه عْلَى الْجْبَلْ لْقِيتْ لِيهْ كْلَامْ ..
لَاهْلْ الْجُودْ هْدِيتْ وَادْ طَيَّبْ سْعَدْ وَ غْنَـــمْ * لَحْبِيبَكْ جْعَلْتْ كُلْ خَلْقَــــكْ تَحْتْ اهْتِمَامُــــه * لَصْلَاتُه فِي الْقُدْسْ جَاعْلُه بْلَنْبِيَّا إيمَامْ ..
سُبْحَانْ الْخَلَّاقْ مَنْ نْطِيفَة وَ نْفَخْ في الْجَسْمْ * ذَلَّلْ لِي الْعَاصِي وْ تَمْ فَقْهِي فَ بْدِيعْ مْقَامُه * سَالَمْ فُؤَادِي مْعَ الْعْقَلْ مَا نِي مَثْلْ انْعَـامْ..
هَيَّأْ لِي سِيدِي وْ مَنْ سْخَاهْ نَنْفَقْ وْ نَطْعَـــــمْ * يَقَّنْ قَلْبِي فِيهْ كَفْ شِيطَانِي وَسْطْ اوْهَامُه * نَسَّأْلَكْ وَقْفَة عْلَى الْجْبَلْ بِينْ ازْنَجْ وَاعْجَــــامْ..
لَا نِي طَالَبْ جَاهْ لَا صْعُودِي دُونْ سْلَالَـــمْ * نَسْعَدْ فِي مِينَنْ فِي الْمُزْدَالِيفَة نَغْنَامَــــــــوا * هَوَّنْ طَوَافْ الْوِدَاعْ بَالْكَعْبَة حَفْيْ قْـــــــدَامْ..
يَا مُنْجِي يُونَسْ مَنْ بْطَنْ الْحُوتْ الْمُظْلِـــــمْ * مَنْ قَصْدَكْ حَاشَا يْخِيبْ وَ لَا يَفْلَتْ زْمَامُه* مَكَّنْ لِي نَجْتَازْ حَزّْتِي قيدي نفك له الحزام..
أوْزَعْنِي نَلْقِي الْحْصَى فْ وَجْهْ ابْلِيسِ الظَّالَمْ * هَوَّنْ تَوْبِيخْ اللّْعِينْ خَزْيْ اوْلَادُه خُدَّامُه * نَكْسُوا مَلْعُونِينْ فِي وْحَلْ نَقْمَة لَلْخِتَـــامْ..
لَعْنُه مُـــولْ الْجَــــاهْ كِي أْبَى يَسْجَــــدِ لْآدَمْ * دَعْ مَنْ لَا سَجْدُوا لْمَالْكْ الْمُلْكْ فْ ذَلْ مَا دَامُوا * كَمْ مَنْ لَا صَلَّى ذْلِيلْ خُو لَلشَّيْطَانْ تْوَامْ..
مِيَّتْنِــي مُطِيـــــعْ يَا عْتِقِي مَنْ جَهَنَّــــــــــــمْ * وَعْدَكْ حَقْ قْضَاكْ لِيسْ لِنَا فَلْتَة مَ حْتَامُه * لَوْ لَا عَطْفَكْ سَابْقْ الْغْضَبْ تَهْلَكْنَا عَ الْعَامْ..
دَاءْ الْقَلْبْ عْلَاشْ وَ الدّْوا فِي صُلْبْ حْكَايَـــمْ * ألْكِيَّسْ وَنَّى لْشِيبْ عَنْدْ شْبَابُه وَ غْلَامُــــه * فَايَتْ الدُّنْيَا مْثِيلْ عَظْلَمْ أوْ سَهْوْ مْنَامْ..
عَجَّلْ بَالمَحْمُودْ وَ اجْتْنَبْ الْعَابْ قْجَايَـــــــمْ * لَعْبْ الْجَعْبَة عَابْ صَاحْبُه مَتْفَتَّتْ اعْظَامُه * جَدْ اعْمَالَكْ لَا تْبَدْلُه بَالْهَزْلْ الْمَحْشَـــــامْ..
وَعْدَكْ قَبْلْ وْعِيدْ مَنْ تْهَاوَنْ بِيهُمْ نَادَمْ * نَاسْ الْحَالْ يْتَوّْجُوا الْعْقَلْ وَالْقَلْبْ بْتَلْهَامُه * عَلَّةْ بْنَادَمْ قَلْبْ جَافِي وَ عْقَلْ مَظْــــــــــلَامْ..
عَيْنْ الْمُومَنْ غَاضَّة الْعِفَّة مَا تَتْسَــاوَمْ * ألْوَذْنْ الصَّمَّة عْلْى الْغْتَبْ تَعْفِيكْ مْنْ اوْخَامُه * مَسْكْ الْفُمْ جْهَادْ كُلْ تَسْبِيحْ اوْقَى مَ لْجَامْ..
بَابْ التَّوبَة مَا عْلِيهْ بُوَّابْ جْحَدْ قَايَــمْ * ألْوَدُودْ الْعَفْوْ مَا يْخَيَّبْ عَبْدُه بَمْقَامُـــــــــه * يَبْغَضْ الشَّيْطَانْ وَالْهْوَى مَامَثْلُه نَجَّــــــامْ..
دَلْ الْقَلْبْ عْلَى سْبيِلْ تَقْـوَى تَسْعَدْ لَازَمْ * لله الْمَلِيكْ لَوّْلَـــة وَ الْخَتْمَـــة بَاحْكَامُـــه * قَابَلْ تُوبِي مَاحْقْ الذّْنُوبْ اعْفُو دُونْ مْـلَامْ..
آ مَنْ عَلِّيتْ الْحْبِيبْ إيمَــامْ ابْنُ هَاشَـمْ * مُحَمَّدْ مَفْتَاحْ جَنّْتَكْ سِيدْ الْخَلْقْ هْمَامُـــه * بَالْقَاسَمْ غَدْوَا شْفِيعْنَا كِي تَشْخَصْ لَنْيَامْ..
لَمْدِيحْ الْمَعْصُومْ قَدّْنِي نَنْشَدْ وَ نْزَمَّـــمْ * نَلْبَسْ تَاجْ أهْلْ اللّْغَا الْفْصِيحْ الْبَاهِي بَنْظَامُه * صُغْتْ قْصِيدْ عْمَدْتْ حَذْفْ مَنْجَلْ مَنْ نُطْقْ كْلَامْ..
حَمْلْ الْبِينْ ثْقِيلْ صَهْدْ كَاوِي مَنْ يَتْيَتَّــمْ * هَايَجْ مَنْ شُوقْ الْعْزِيزْ بُويَا نَافَذْ اعْدَامُـــه * دُنْيَا تَعْطِينِي الْقْفَى قَبْلْ وْجُوبِي لَفْطَامْ..
قْضَى مُولَانا بَالْحْكَامْ وَ دْخَلْتْ لْمُسْتْغَانَمْ * جَلْسَة بِينْ شْيَاخْهَا تْنَبَّــهْ لَنَّظْــمْ انْغَامُــه * قَافِيَّة بَالْيَاسْمِينْ وَ الْفُلْ فَتْحُوا لَكْمَـــــــامْ..
[b][/b]
