فاطمة
جاني بشّار.. بقدوم غزالي صابغ الشفر
زينة لابكار..ولفي مصباح الزين فاطمة
ق1
قلت للّهزار..ادا جبتيلي صادق الخبر
واجب تشكار ..لبشارة مني ليك لازمة
صيف الخنّار..اللي نهواها طلعة البدر
هجرت لاوكار..وصياري بالهجران ساقمة
اهواها جار..على قلبي وفنيت بالسّْهْرْ
طابو لاشفار.. ودموعي مايخفاك ساجمة
عجّل باخبار.. يجزيك المولى خالق البشر
عقلي محتار .. وسبابي تاج الزين فاطمة
ق2
بشاري هات لي ايمارة..لاوصاف رقيقة الوشام
نسخا بالمال فالبشارة.. هات المقصود والمرام
خليك لبيب هاك وارا ..وافيني قصّر الكلام
قال البشّار... شافت عيني قرهوبة القفر
تسبي لانظار...بالهيبة والحشمة التامة
خد الغرّار...عدّات انوارو دارة القمر
جيد الحدّار...سبحان الخالق رافع السّما
حارت لافكار...فيا وبقيت ملازم النظر
عادم لقرار...وخلاكًي مجلية وهايمة
بعد اللي صار...قلت نعجّل ونجيك بالخبر
تنسا لاكدار...بقدوم هلال الزّين فاطمــة
ق3
يكفيك اصاح دا الايشارة..جبتي لاوصاف بالتمام
نتسنا ساعة الزيارة .. وتجي سلطانـة الرّيام
درة ونبات من محارة.. ياقوتـة مــالهـا سوام
رجْعْت للدّار...بعد الفرقة والبين والهجر
غابت لكدار...وفرح قلبي بعد المخاصمة
سلت الخنّار...علاش الغيبة لاش دا النّفــر
لاش التّحكـار...كوني يــا لوجيبة مسالمـة
لازم تخبار...قالت لي ذات الزين والعفر
مثلي يعدار...الغيرة مايخفاك ضارمة
واللي صبّار...مثلك يحظى بالزين ويظفر
سعدو يزهار...بعد الهجرة والشّوق والظّما
ق4
زارتني باشة العذارى.. لوجيبة قامة العلام
لوفا والزين والتمارة .. مهرة مربوعة القوام
حاروا فاوصافها شعارا.. واحبار القول والنظام
نهيت اشطار... هاد الحلّة وحروفها تبر
ميزان اعبار... بامعاني وقوافي منظمة
اسمي يذكار...توفيق اراوي بلّـغ الخْبْــرْ
ناظم لاشعار...سلواني والرّفعة ملازمة
بنسيم ازهار...هيب سلامي لضراغم الشعر
لامة لاحبار...وترك لامة لجحود هايمة
ربي غفّار... يغفر دنبي ويجود بالسّتر
يمحي لاوزار...وينجِّي من قومان ظالمة
توفيق ابرام...سلا
