نزولا عند طلب احد الاصدقاء انشر هذه القصيدة و اتمنى ان تنال اعجابكم
عياني ذ غرام و كثر منو تسهادي....و على كبري حنيت راسي من غير عناد
بعد الي كنت رازنة بالي فيا هادي..وليت انا بحال ريشة فيد العواد
صار بلية و عاد شفري لنوم يعادي...و تساوى ليل في نهاري هجرو لوساد
زادي صورة مقابلتني و القلب يصادي...لا مات و لا حيا الخالي وحشه صهاد
عياني كل يوم حالة و كثر تودادي.......حالي حال الحديد حامي و الضرب شداد
ساعة يصفى و ساع غيم شاتي لبعادي....ساعة طايع في غرامي ساعة جلاد
ساعة تلقاه دون سبة يفاتن و يعادي........ساعة كي يهدا هبالو فيا وداد
ساعة بالحب مين يرضى للفرح ينادي.......يبني فوق النجوم ليا قصر القياد
و كلامو سال حرف يسبي عرسي و عيادي...بكلام حنين ما وصفها عبلة شداد
اعييت لخالقى نوحد.....و سكن في جوف ذ العبادة
قلت انصلي القلب يهمد....لقيت اسمه فالشهادة
و خيال هدف مين نسجد.....نلقاه سبق فالسجادة
عقلي بهبالي امرمد........، تايه ما جابلي ايفادة
عذرتك يا شيخ يامنة و الرحمة لسيادي.....عقب الشيب ابلاك داها ساكن لوهاد
بعد التوبة و لاش جيتي للشر تنادي ........جيتي تخلي مراسمه يا عنق العراد
قالو مجنون بعد شيبو يبكي و يصادي.......ما واقر في عوام شيبو يجهر بفساد
ما عذرو فالغرام عاشق مفتون و قادي......رايم عارم طاب قلبو و الشوق سهاد
حالي ذ اليوم خال حالك مطلي برمادي......غابت شمسي ضحيت وحدي و الليل سواد
قلبي ما تاب ما تمرد ......باقي واقف في حدادة
و الليل الي طوال يشهد....بانيه منام في وسادة
قلب العاشق وين يشرد....موحال الا لقى سعادة
غير الا مات فيه يهمد...،...سعده الربح بالشهادة
ما جاني يوم شاو نزهة و الصغر ينادي.....ما جاني كي ضويت شمعة في وسط عياد
عياني مين جا و شيبي في راسي بادي ....و كلام الناس موس مبري فالظهر سداد
نعرف هاذ الغرام كذبة و الريح خصادي......واش المعمول قلب شاتي للجسد نكاد
غير الشيعة ضحات دفلة في فم العادي.،....كي طاح الشان غير خلي ينهش كداد
بين الحنة و بين ناري نشكي للهادي،......،.و الا يرضى نتوب نبرى قلبي يجهاد
نبني بصحيح يوم ننسى و ندير وعادي،......نغنم زورة للمقام و يزيان حصاد
سعاد لخضاري يوم 17 اكتوبر 2018
عياني ذ غرام و كثر منو تسهادي....و على كبري حنيت راسي من غير عناد
بعد الي كنت رازنة بالي فيا هادي..وليت انا بحال ريشة فيد العواد
صار بلية و عاد شفري لنوم يعادي...و تساوى ليل في نهاري هجرو لوساد
زادي صورة مقابلتني و القلب يصادي...لا مات و لا حيا الخالي وحشه صهاد
عياني كل يوم حالة و كثر تودادي.......حالي حال الحديد حامي و الضرب شداد
ساعة يصفى و ساع غيم شاتي لبعادي....ساعة طايع في غرامي ساعة جلاد
ساعة تلقاه دون سبة يفاتن و يعادي........ساعة كي يهدا هبالو فيا وداد
ساعة بالحب مين يرضى للفرح ينادي.......يبني فوق النجوم ليا قصر القياد
و كلامو سال حرف يسبي عرسي و عيادي...بكلام حنين ما وصفها عبلة شداد
اعييت لخالقى نوحد.....و سكن في جوف ذ العبادة
قلت انصلي القلب يهمد....لقيت اسمه فالشهادة
و خيال هدف مين نسجد.....نلقاه سبق فالسجادة
عقلي بهبالي امرمد........، تايه ما جابلي ايفادة
عذرتك يا شيخ يامنة و الرحمة لسيادي.....عقب الشيب ابلاك داها ساكن لوهاد
بعد التوبة و لاش جيتي للشر تنادي ........جيتي تخلي مراسمه يا عنق العراد
قالو مجنون بعد شيبو يبكي و يصادي.......ما واقر في عوام شيبو يجهر بفساد
ما عذرو فالغرام عاشق مفتون و قادي......رايم عارم طاب قلبو و الشوق سهاد
حالي ذ اليوم خال حالك مطلي برمادي......غابت شمسي ضحيت وحدي و الليل سواد
قلبي ما تاب ما تمرد ......باقي واقف في حدادة
و الليل الي طوال يشهد....بانيه منام في وسادة
قلب العاشق وين يشرد....موحال الا لقى سعادة
غير الا مات فيه يهمد...،...سعده الربح بالشهادة
ما جاني يوم شاو نزهة و الصغر ينادي.....ما جاني كي ضويت شمعة في وسط عياد
عياني مين جا و شيبي في راسي بادي ....و كلام الناس موس مبري فالظهر سداد
نعرف هاذ الغرام كذبة و الريح خصادي......واش المعمول قلب شاتي للجسد نكاد
غير الشيعة ضحات دفلة في فم العادي.،....كي طاح الشان غير خلي ينهش كداد
بين الحنة و بين ناري نشكي للهادي،......،.و الا يرضى نتوب نبرى قلبي يجهاد
نبني بصحيح يوم ننسى و ندير وعادي،......نغنم زورة للمقام و يزيان حصاد
سعاد لخضاري يوم 17 اكتوبر 2018