قصيدة. البون. في النقد الاجتماعي
نظم الشيخ محمد الحلو
الحربة
يا نعم الستار
جود بارحمتك ياالكريم غيثنا
نظم الشيخ محمد الحلو
الحربة
يا نعم الستار
جود بارحمتك ياالكريم غيثنا
هاذ الوقت امرار . والمصايب كثرو شنهو ايفيدنا
خظنا فاالمنكار . والمعاصي بيها عمرو اسواقنا
علامات اكثار . والعجايب فيها تفهى اعقولنا
لا هيبة لكبار . لا اصغار ايحشمو في جيل وقتنا
والجار امع الجار . لا احيا لا عاهد حجات باينا
قسم
لهانا الغرار . عن اصلاة الخمسة والي ايهمنا
نحكي بختيصار . انعيد هاذ القصة للي اصغالنا
لعيالات اكثار . بجلالب واسبابطها املونا
واصبايغ الاظفار . والدبالج فوق الكبوط باينا
والعينين اكبار . والخذود الحمرة تلمع امزينا
بقفاطن تشكار . والخواتم واحنانيها امبينا
قسم
الراجل فاالدار . والمرا فاالزنقة تمشي امفدنا
واتجيب السكار . والذخاخن هذا هوا ارشوقنا
شوفوا عمي عمار . الشذ والشاشية والرزة امصبنا
شوفوا عمي زعفار . باالفريزي شايب واللحية امحسنا
والعكوزة توزار . كاتعكر واتقول آمن شاف زيننا
تفعل فاالمنكار . والشعر اتصبغو ما هو فاديننا
قسم
السحارات اكثار .كاسحروا وايقولوا يااخديمنا
شوف الخوف اجهار . والظلام فاالزنقة واكثير دربنا
لا شمعة ففنار . ولا اوقيد باش انشعلو اضواونا
واللي هو مصفار . كايخاف ايصادف ضربة امكنا
كايذخل للدار . من المغرب ما يبقى ايشوفنا
واللي هو شفار . فاالزحام يتخلس يحضي اجيابنا
شوفوا معمي الابصار . مااخشى العمية واعقاب ربنا
قسم
واحد باالاذكار . والمواعض والرافة والمحاسنا
واحد قلبو نار . كايقيل يطلب تغلا اسلوعنا
ماخرج الاعشار . لا ازكاة لا بركة ليه كاينة
شوف اللي عطار . من اشغالو حارت فيه اعقولنا
شوف اللي خضار . كاايبيع باالخبعة ديما ايشمتنا
شوف اللي كزار . كايبيع النعجة غنمي فاسوقنا
شوف اللي بقار . باالمياه ايخلط لينا احليبنا
قسم
من عندو شي دار . باالكرا كايقبط لينا اعمارنا
واللي هو سمسار . كايقول السكنى ماهي كاينا
مصاريف اكثار .والغلا على المسكين هوا يهلكنا
لاكتان اظهار . لا صابون باش انغسلو اوساخنا
شوف الوقت احرار . من افعالنا هاذ الوعيد صابنا
زيد المارشي انوار . كل سلعة مخزونة ليس باينا
لا عولة فاالدار . لا اسمن لا فاخر لازيت كاينا
قسم
لا غنمي يذكار . لا اجمل لا بقري لاحوت ميرنا
المرا باالمعيار . كااتقول للراجل طابوا اقلوبنا
عياتنا الخضار . كل يوم الخظرة هي اطيابنا
ما مثلك قنجار .واش يحلا العيش وجوع كادنا
قوم اخذم الغبار . اوشطب باالشطابة ادروبنا
فرجة للحضار . والكلام افراسة للي اصغالنا
تصريف القهار . والقضى يتصرف بحكام ربنا
وابجاه المختار . سيدنا محمد طه اشفيعنا
يا حافظ الاشعار . قول قال محمد الحلو اوصيفنا
خظنا فاالمنكار . والمعاصي بيها عمرو اسواقنا
علامات اكثار . والعجايب فيها تفهى اعقولنا
لا هيبة لكبار . لا اصغار ايحشمو في جيل وقتنا
والجار امع الجار . لا احيا لا عاهد حجات باينا
قسم
لهانا الغرار . عن اصلاة الخمسة والي ايهمنا
نحكي بختيصار . انعيد هاذ القصة للي اصغالنا
لعيالات اكثار . بجلالب واسبابطها املونا
واصبايغ الاظفار . والدبالج فوق الكبوط باينا
والعينين اكبار . والخذود الحمرة تلمع امزينا
بقفاطن تشكار . والخواتم واحنانيها امبينا
قسم
الراجل فاالدار . والمرا فاالزنقة تمشي امفدنا
واتجيب السكار . والذخاخن هذا هوا ارشوقنا
شوفوا عمي عمار . الشذ والشاشية والرزة امصبنا
شوفوا عمي زعفار . باالفريزي شايب واللحية امحسنا
والعكوزة توزار . كاتعكر واتقول آمن شاف زيننا
تفعل فاالمنكار . والشعر اتصبغو ما هو فاديننا
قسم
السحارات اكثار .كاسحروا وايقولوا يااخديمنا
شوف الخوف اجهار . والظلام فاالزنقة واكثير دربنا
لا شمعة ففنار . ولا اوقيد باش انشعلو اضواونا
واللي هو مصفار . كايخاف ايصادف ضربة امكنا
كايذخل للدار . من المغرب ما يبقى ايشوفنا
واللي هو شفار . فاالزحام يتخلس يحضي اجيابنا
شوفوا معمي الابصار . مااخشى العمية واعقاب ربنا
قسم
واحد باالاذكار . والمواعض والرافة والمحاسنا
واحد قلبو نار . كايقيل يطلب تغلا اسلوعنا
ماخرج الاعشار . لا ازكاة لا بركة ليه كاينة
شوف اللي عطار . من اشغالو حارت فيه اعقولنا
شوف اللي خضار . كاايبيع باالخبعة ديما ايشمتنا
شوف اللي كزار . كايبيع النعجة غنمي فاسوقنا
شوف اللي بقار . باالمياه ايخلط لينا احليبنا
قسم
من عندو شي دار . باالكرا كايقبط لينا اعمارنا
واللي هو سمسار . كايقول السكنى ماهي كاينا
مصاريف اكثار .والغلا على المسكين هوا يهلكنا
لاكتان اظهار . لا صابون باش انغسلو اوساخنا
شوف الوقت احرار . من افعالنا هاذ الوعيد صابنا
زيد المارشي انوار . كل سلعة مخزونة ليس باينا
لا عولة فاالدار . لا اسمن لا فاخر لازيت كاينا
قسم
لا غنمي يذكار . لا اجمل لا بقري لاحوت ميرنا
المرا باالمعيار . كااتقول للراجل طابوا اقلوبنا
عياتنا الخضار . كل يوم الخظرة هي اطيابنا
ما مثلك قنجار .واش يحلا العيش وجوع كادنا
قوم اخذم الغبار . اوشطب باالشطابة ادروبنا
فرجة للحضار . والكلام افراسة للي اصغالنا
تصريف القهار . والقضى يتصرف بحكام ربنا
وابجاه المختار . سيدنا محمد طه اشفيعنا
يا حافظ الاشعار . قول قال محمد الحلو اوصيفنا
تمت
من روائع الملحون
