جار علينا الهم يا رب تلطف
لَهْمُومْ فْشَاتْ فِي تْرَاكُمْ يَا عَـــارَفْ * تَتْهَاطَلْ مَتّْــــــرَادْفَا*
مَا بَاقْيَ قَايْمَة تْعَافَرْ وَ الْبَدْنْ ضْعِيفْ..
ألضَّرْبْ قْوَى كْثِيفْ صَوْبُه مَتْخَـالَفْ * صَالَبْ سِيفِي حْتَى حْفَى*
جَافِي نُّومْ الْعْيُونْ زَادْ الْعَقْلْ تْهَتْرِيـفْ..
نُوبَــا مَحْفُوظْ لَاخْرَا دَمِّـــي يَنْـزَفْ * نَعْثَرْ وَ نْقُــــومْ بَالْعْفَا*
مُومَنْ مُصَــابْ سَائْلِينْ اللَّــه التَّخْفِيفْ..
سَاعَاتْ يْجِي الشُّــومْ لَلدَّارْ يْزَرْنَفْ * عَيْبُـه مَكْشُوفْ مَا خْفَـــا*
يَرْكَلْ الْبَابْ جُورْ عَازَمْ يَدْخُلْ بَالسِّيفْ..
ألْجَايَحْ كَانْ طَاقْ مَا يَصْفَحْ وِ يْعَفْ * غُلْبْ البَقْرَة الشَّـــارْفَة*
وَ الرَّاجَلْ كُلْ مَا قْدَرْ مْسَامَحْ وَ ضْرِيفْ..
التِّبْرْ الْحُرْ مَا يْحُولْ وْ يَتْشَطَّفْ * النحَاسْ بْلَمْعَة مْسَلّْفَة*
مَا يَبْلَغْ صَنْفْ الذّْهَبْ وَ لُو بَالتَّزْيِيفْ..
دَرْقُوا لَحْبَابْ في الْوْسَعْ كُنْتْ مْكَاتَفْ * فِي الضِّيقْ عْطَاوْنِي الْقْفَا*
مَا نَجْدُونِي بْفَعْلْ وَ لَا بَلْسَانْ لْطِيفْ..
مَكْثَرْ احْبَابْ ذَالسّْخِي مَخْرُومْ الْكَفْ * مُولْ الْخَيْمَه الْوَاقْفَــة*
يَبْقَى مَتْلُوفْ كَانْ يَنْسَفْهَا رِيحْ عْصِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
عَزْ الشَّجْرَة عْلَى الْغْلِيلَة مَتْوَقَّفْ * لَمَّا تَنْفَضّْ تَنْطْفَى*
تَصْبَحْ مَهْجُورْ بَعْدْ تَتْعَرَّضْ للَتَّتْلِيفْ..
ألشَّجْرَة لُو زْبَرْتْهَا لَا بُدْ تَخْلَفْ * تْجِي غَلَّتْهَا مْتَحْفَة*
وَالْفُقْرْ حْلِيفْ كُلْ حَطَّابْ وْفِيهْ قْذِيفْ..
خَدْعَة في الْبِيعْ وَ الشّْرَا زِيدْ الْمُوقَفْ * مَا بَاقِي صِـدْقْ لَا وْفَا*
لَا رَجْلَةْ صِدْقْ تَنْذْكَرْ لَا نَخْوَة لَا نِيـفْ..
فِي تَاخِيـــرْ الزّْمَانْ الْخِيرْ تْسَــلَّفْ * تَتْقَايَضْ كُلْ هَـــــــادْفَة*
تَتْدَاوَلْ بِينَّا السّْوَايَعْ وَ تْـدُورْ خْفِيـــفْ..
الْعَرْضْ نْبَاعْ في الزّْنُقْ كُلْ صْنَايَفْ * وَ اسْوَاق الذَّلْ وَ الْجْفَا*
وَ الشَّارِي لَلْحْرَامْ يَخْتَارُه بَالتَّصْنِيفْ..
ألْفَسْـقْ قْـوَاوْ لُه نْوَاعُه زَادْ الْكَشْــفْ * في الشَّطْ النَّاسْ كَاشْفَا*
لَا سِيَّــامَا مْعَ السّْخَانَة وَ زْمَـانْ الصَّيْفْ..
مَكْسِيَّة وْعَارْيَة وْ لَبْسْ الْمَتْقَصَّفْ * تَمْشِي كِي شَارْدْ الْعْفَا*
وَ تْثِيرْ قْلُوبْ خَاشْعَة تَرْغِيبْ وْتَخْوِيفْ..
يَبْلَغْ الْوَرْدْ فِي كْمَامُه يَتْجَلّــــــــــَفْ * اوْرَاقُه تَذْبَالْ تَنْقْـــفَى*
تَذْرُو بِيهْ الرّْيَاحْ مَنْ لَا يَبْقَى لُه طِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
مْحَبَّةْ ذَا الْجِيلْ جَاتْ كَالْحَرْثْ النَّـاشَفْ * أرْضُه سَبْخَا مْطَرّْفَة*
مَا لُه غَلَّة تْفَرّْحَكْ مَا تَسْتَنَّى صَـيْفْ..
طَايَشْ ذَالْجِيـلْ مَا رْزَنْ رَايُـه تَالَفْ * مَنْهُمْ فِي الْغَسْقْ وَالْخْفَـا*
وَ اللِّي غَــابُوا عْقُولْهُمْ بَالنَّشْوَا وَ الْكِيـفْ..
خُفْتْ الْخَلْفَاتْ مَا تْشَرَّفْ السَّلَـــــــــفْ * وْ خُفْتْ الْمَشْعَالْ يَنْطْفَى*
مَنْ لَا صَبَّطْ بَاشْ يَتْحَذْرَى مَ التّْنَقْرِيفْ..
و الْبَعْـضْ كْبِيرْ شَاعْ قَــارِي وَمْثَـَّقفْ * لَا ذِكْرْ قْلُوبْ نَاشْفَا*
تَبْعُــوا شِيطَــانْ حِينْ قَالْ الدِّينْ تْخَارِيفْ..
وَ الْبَعْــضْ هْبِيلْ حِينْ يُوعَــدْ يْخَالَفْ * يَتحَرّكْ بَالْمْصَـــادْفَا*
مَا لُه مِيثَاقْ وَاهْ وَلَا لَا لَا كِيفْ كِيفْ..
وَ الْبَعْضْ فْتَى وْ بِيه كِي يْقُولُوا يَعْـرَفْ * بْلَا عِلْمْ الْفِقْهْ لَا وْفَا*
إِيحَلَّـــلْ الْحْرَامْ وِ يبَرَّرْ لَا تَكْلِــيفْ..
ألْجَهْلْ غْزَى مْنَابْرْ الْعَزْ قَبْلْ الصَّفْ * تْقَدْمُوا غَشْمَا مْكَلّْفَا*
حَتَّى صَارْ الْبْصِيرْ يَسْتَنْجَدْ بَالْكَفِيفْ..
لَلْعُلَامَا كْلَامْ يَجْرَحْ وِ يْخَوَّفْ * لَا طَايَعْ بَالْمْسَاعْفَة *
مَا يَخَّضْعُوا لْعُرْفْ آوْ الدِّينْ الْحَنِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
أهْلْ الْبَدْعَة قْوَاوَا بَعْلَامْ يْرَفْرَفْ * بَرْزَتْ سِيرَة مْخَـالْفَا*
لَمْسَـاجَدْ عَامْرِينْ صَحّْ الإيمَانْ ضْعِيفْ..
ألـــلِّي قَلْبُـــه مْرِيضْ يَقْـرَا وِ يْتَلَّفْ * بَـايَتْ حَفَّاضْ مَــا شْفَا*
رَبِّ هَذَاكْ مَــا عْطَـا رَزْقُه فَكْرْ رْهِيفْ..
وَاحَدْ وَسْطْ النّْعِيـمْ فَرَّشْ قْطَايَفْ * قْبَــالُه صَفْـرَة مْتَحْفَة*
وَ انْواعْ الْفَــاكْيَة تْخَرَّفْ مَنْهَا تَخْرِيفْ..
وَاحَدْ مَرْمِي وْ مَا سْوَاشِي حَتَّى سْقَفْ * مَتْدَرَّقْ تَحْتْ مَلْحْفَـا*
حَسْبُه نِعْمْ الْوْكِيلْ مُقْسِطْ جَلّْ النَّصِيفْ..
وَاحَدْ سَعْدُه الزّْوَاجْ لَا خُرْ بِيهْ الْوَلْفْ * ألْوَلْفَــة قَبْلْ تَــالْفَا*
مَنْ فِي تَحْـوَاجْ مَا صْبَرْ مَا صَايَبْ تَصْرِيفْ..
وَاحَدْ مَثْـــلْ الْبْهِيمْ يَحْرَثْ وْ يَعْلَفْ * وِ يْعَشِي يْلَــزّْ لَدّْفَا*
يُولَــدْ وَ الزُّونْقَــا تْرَبِـــي وِ يْقُــولْ شْرِيفْ..
اللِّي شَبْعَــانْ لَوْ فْقِيرْ وْ مَا يَسْخَفْ * قَــانَعْ بَقْلِــيلْ وَ اكْتْفَـا*
ألْبَرَكَاتْ رَأسْ مَالُه وَ الْقَلْبْ عْفِيـــفْ..
وَ اللِّي جِيعَانْ مَاسْتْحَى غَانِي لَاهَفْ * طَمَّـاعْ وْنَفْسْ سَـاخْفَة*
يَبْلَــعْ جْمِيعْ مَــا وْجَدْ مَلْهُــوفْ وْ مَا يْعِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
غِيرْ يْشُـوفْ الْفْلُوسْ يَعْوَاجْ وْ يَرْجَفْ * تَحْوَالْ الْعَيْنْ تَنْقْفَا*
لَاهَـــطْ مَلْهُوفْ مَا قْنَعْ عُمْــــرُه بَالحَرِّيــــفْ..
لَا رَاحَة في الْحْيَاةْ شَانَقْ وْ يَنْسَفْ * يَجْرِي لَلْمَالْ بَالْحْفَا*
مَــــا قَدَّاتُه مْدُونْ زَادْ الْقَرْيَـــة وَ الرِّيـــــفْ..
خَايَفْ الْفَقْرْ غِيرْ يَكْنَزْ مَتْقَشَّــــــفْ * نَفْسْ بْخِيلَة وْنَاسْفَـــة*
يَمْرَضْ وَ تْصَادْفُه الْحَمَّة كِي يْشُوفْ الضَّيْفْ..
التَّــاجَرْ فِي غْــرُورْ يَنْهَبْ وْ يَخْطَفْ * كِيلْ الْمِيزَانْ مَا وْفَا*
يَـــأكُلْ سُحْتْ الرّْبَا مْحَرَّمْ زُوجُه بَحْلِيفْ..
ألسُّوقْ ارْكَايْزُه الْخْدَعْ دَاخَلْ خَايَفْ * رَابَطْ قَلْبِي بْطَارْفَة*
وَ لْصُوصْ مْسَرّْجَة الْبْلَا وَ السَّكِّينْ حْلِيفْ..
تَاقِي هَذَا الزّْمَانْ دَارُوهْ مْخَلَّـــــــــفْ * شَوْهُوا صُورَة مْحَرْفَة*
رَفْعُوا زَّنْدِيقْ كِيفْ حَالْ الدُّخَّانْ كْثِيفْ..
أهْلْ التَّنْجِيمْ فُوقْ جَفْنْ بْلَا مْقَادَفْ * فِي هَوْجْ رْيَاحْ عَاصْفَة *
ألْغَارَقْ مَا يْغِيثْ غَارَقْ وَ الْحَظْ نْحِيفْ..
بَالشَّـعْوَاذَة مْرَدّْفَة قَوْلْ مْزِيَّفْ * يَــسْتَهَّدْفُــوأ الْعَــاطْفَة *
قَايَلْ عَنْدِي دْوَاكْ قَرَّبْ بِيــكْ التَّثْقِــيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
ألْقَلْبْ حْقُودْ وَ الْبْسِيمَة في الشّْفَايَفْ * ضَحْكَة صَفْرَة مْزَيْفَـة*
لُـو تَعْـــلَمْ الْقْلِيلْ مَــا يَحْمَلْ لَكْ تْجِيفْ..
نَاسْ اجْتَنْبُوا الَفْقِيرْ وَ عْلِيهْ تْصَرَّفْ * زَعْمُوا جرته نَاشْفَة*
كَنُّه فِيهْ الْجْرَبْ أَوْ بِيهُمْ التّْغَنْدِيفْ..
كَانَكْ ذُو مَالْ تَمْدْحَكْ فِيئَة بَالدَّفْ * اللــه لعنـــها الطــــايفـة*
يَسَّجْــدُوا لَلْفْلُوسْ كِمَا سَجْــدُوا لَلسِّيـــفْ..
عَادْ الْقَنْدُوزْ مَا بْشِيخُه يَسْتَعْرَفْ * يَنْكُرْ فَضْلُه مْنَــايْفَـــــــة*
مَغْرُورْ النَّفْسْ عَينْ تَبْصُرْ و الْقَلْبْ كْفِيفْ..
لَقْنُه فَنْ الطّْعَامْ سَبْقُه لَلْمُغْــــرُفْ * طْعَنْ مَنْ قَرَّاه في الْقْفَا*
وَ صْبَحْ شَدْ الْخْصِيمْ لُه بَالْمَرْصَادْ عْنِيفْ..
شِيخُه قَلْبُه كْبِيرْ يَصْبُرْ وِ يْسَاعَفْ * يَتْعَـــامَلْ بَالْمْلَاطْفَــــة*
لَا رَيْبْ الدَّهْرْ كَاشْفُه مَا تَدْرٍيش كِيفْ..
خَرْتْ الْقُدْرَة تْجِيبْ لَغْلَامْ مْكَتَّفْ * يَطْلُــبْ الْعَــفْوْ وَ الَعْفَــا*
يَنْـــدَمْ عْلَـــى فْعَـــايْلُه يَتْـأَسَّفْ تَأْسِيفْ..
مستغانم كَالْعْرُوسْ مُولَاتْ السَّالَفْ * بَشْيَـاخْ تْدُومْ وَاقْفَـــة*
لَخْضَرْ و خديم بوعلام و اصحاب التأليف.:
ألزَّاهَدْ بَنْ خْلُوفْ لَخْضَرْ الشَّـــــايَفْ * نْظَرْ بْنَجْلُه الْمُصْطْفَى*
في الْيَقْضَة وَ الْمْنَـــامْ سِيدِي نَــالْ التَّشْرِيفْ..
بن طبجي خديم بوعلام ما هو تـــالف * وَ الَعَــالَاوِي مَصْطْفَى*
خَلَّاوْا كْنُوزْ ذَالْفْطَـــاحَل لَاهْلْ التَّصْوِيفْ..
بَنْ سَعْدُونْ الْفْصِيحْ وَ الْفَذْ بَنْ يَخْلَفْ * بُو طَرْفَة لِيسْ مَـا خْفَـا*
أهْــلْ الْأَدَابْ وَ الْفْصَـــاحَة وَأهْلْ التّشْغِيفْ..
كَمْ مَنْ شُبَّانْ رِيتْ يَنْسَجْ وِ يزَخْرَفْ * تَاقَنْ حُلَّة مْتَحّْفَــــــة*
وَ أنَــايَا مَنْ طْبِيعْتِي طَرْزْ دْبَاجْ ضْرِيفْ..
ألْبَشِيـــــــرْ الْعْلِيلْ تهَـــامِي صَنَّفْ * هْمُـــومْ الدُّنْيَا الْهَادْفَــة*
طَالَبْ رَبِي الْكْرِيمْ يَرْحَمْنَا بَالتَّخْفِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
لَهْمُومْ فْشَاتْ فِي تْرَاكُمْ يَا عَـــارَفْ * تَتْهَاطَلْ مَتّْــــــرَادْفَا*
مَا بَاقْيَ قَايْمَة تْعَافَرْ وَ الْبَدْنْ ضْعِيفْ..
ألضَّرْبْ قْوَى كْثِيفْ صَوْبُه مَتْخَـالَفْ * صَالَبْ سِيفِي حْتَى حْفَى*
جَافِي نُّومْ الْعْيُونْ زَادْ الْعَقْلْ تْهَتْرِيـفْ..
نُوبَــا مَحْفُوظْ لَاخْرَا دَمِّـــي يَنْـزَفْ * نَعْثَرْ وَ نْقُــــومْ بَالْعْفَا*
مُومَنْ مُصَــابْ سَائْلِينْ اللَّــه التَّخْفِيفْ..
سَاعَاتْ يْجِي الشُّــومْ لَلدَّارْ يْزَرْنَفْ * عَيْبُـه مَكْشُوفْ مَا خْفَـــا*
يَرْكَلْ الْبَابْ جُورْ عَازَمْ يَدْخُلْ بَالسِّيفْ..
ألْجَايَحْ كَانْ طَاقْ مَا يَصْفَحْ وِ يْعَفْ * غُلْبْ البَقْرَة الشَّـــارْفَة*
وَ الرَّاجَلْ كُلْ مَا قْدَرْ مْسَامَحْ وَ ضْرِيفْ..
التِّبْرْ الْحُرْ مَا يْحُولْ وْ يَتْشَطَّفْ * النحَاسْ بْلَمْعَة مْسَلّْفَة*
مَا يَبْلَغْ صَنْفْ الذّْهَبْ وَ لُو بَالتَّزْيِيفْ..
دَرْقُوا لَحْبَابْ في الْوْسَعْ كُنْتْ مْكَاتَفْ * فِي الضِّيقْ عْطَاوْنِي الْقْفَا*
مَا نَجْدُونِي بْفَعْلْ وَ لَا بَلْسَانْ لْطِيفْ..
مَكْثَرْ احْبَابْ ذَالسّْخِي مَخْرُومْ الْكَفْ * مُولْ الْخَيْمَه الْوَاقْفَــة*
يَبْقَى مَتْلُوفْ كَانْ يَنْسَفْهَا رِيحْ عْصِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
عَزْ الشَّجْرَة عْلَى الْغْلِيلَة مَتْوَقَّفْ * لَمَّا تَنْفَضّْ تَنْطْفَى*
تَصْبَحْ مَهْجُورْ بَعْدْ تَتْعَرَّضْ للَتَّتْلِيفْ..
ألشَّجْرَة لُو زْبَرْتْهَا لَا بُدْ تَخْلَفْ * تْجِي غَلَّتْهَا مْتَحْفَة*
وَالْفُقْرْ حْلِيفْ كُلْ حَطَّابْ وْفِيهْ قْذِيفْ..
خَدْعَة في الْبِيعْ وَ الشّْرَا زِيدْ الْمُوقَفْ * مَا بَاقِي صِـدْقْ لَا وْفَا*
لَا رَجْلَةْ صِدْقْ تَنْذْكَرْ لَا نَخْوَة لَا نِيـفْ..
فِي تَاخِيـــرْ الزّْمَانْ الْخِيرْ تْسَــلَّفْ * تَتْقَايَضْ كُلْ هَـــــــادْفَة*
تَتْدَاوَلْ بِينَّا السّْوَايَعْ وَ تْـدُورْ خْفِيـــفْ..
الْعَرْضْ نْبَاعْ في الزّْنُقْ كُلْ صْنَايَفْ * وَ اسْوَاق الذَّلْ وَ الْجْفَا*
وَ الشَّارِي لَلْحْرَامْ يَخْتَارُه بَالتَّصْنِيفْ..
ألْفَسْـقْ قْـوَاوْ لُه نْوَاعُه زَادْ الْكَشْــفْ * في الشَّطْ النَّاسْ كَاشْفَا*
لَا سِيَّــامَا مْعَ السّْخَانَة وَ زْمَـانْ الصَّيْفْ..
مَكْسِيَّة وْعَارْيَة وْ لَبْسْ الْمَتْقَصَّفْ * تَمْشِي كِي شَارْدْ الْعْفَا*
وَ تْثِيرْ قْلُوبْ خَاشْعَة تَرْغِيبْ وْتَخْوِيفْ..
يَبْلَغْ الْوَرْدْ فِي كْمَامُه يَتْجَلّــــــــــَفْ * اوْرَاقُه تَذْبَالْ تَنْقْـــفَى*
تَذْرُو بِيهْ الرّْيَاحْ مَنْ لَا يَبْقَى لُه طِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
مْحَبَّةْ ذَا الْجِيلْ جَاتْ كَالْحَرْثْ النَّـاشَفْ * أرْضُه سَبْخَا مْطَرّْفَة*
مَا لُه غَلَّة تْفَرّْحَكْ مَا تَسْتَنَّى صَـيْفْ..
طَايَشْ ذَالْجِيـلْ مَا رْزَنْ رَايُـه تَالَفْ * مَنْهُمْ فِي الْغَسْقْ وَالْخْفَـا*
وَ اللِّي غَــابُوا عْقُولْهُمْ بَالنَّشْوَا وَ الْكِيـفْ..
خُفْتْ الْخَلْفَاتْ مَا تْشَرَّفْ السَّلَـــــــــفْ * وْ خُفْتْ الْمَشْعَالْ يَنْطْفَى*
مَنْ لَا صَبَّطْ بَاشْ يَتْحَذْرَى مَ التّْنَقْرِيفْ..
و الْبَعْـضْ كْبِيرْ شَاعْ قَــارِي وَمْثَـَّقفْ * لَا ذِكْرْ قْلُوبْ نَاشْفَا*
تَبْعُــوا شِيطَــانْ حِينْ قَالْ الدِّينْ تْخَارِيفْ..
وَ الْبَعْــضْ هْبِيلْ حِينْ يُوعَــدْ يْخَالَفْ * يَتحَرّكْ بَالْمْصَـــادْفَا*
مَا لُه مِيثَاقْ وَاهْ وَلَا لَا لَا كِيفْ كِيفْ..
وَ الْبَعْضْ فْتَى وْ بِيه كِي يْقُولُوا يَعْـرَفْ * بْلَا عِلْمْ الْفِقْهْ لَا وْفَا*
إِيحَلَّـــلْ الْحْرَامْ وِ يبَرَّرْ لَا تَكْلِــيفْ..
ألْجَهْلْ غْزَى مْنَابْرْ الْعَزْ قَبْلْ الصَّفْ * تْقَدْمُوا غَشْمَا مْكَلّْفَا*
حَتَّى صَارْ الْبْصِيرْ يَسْتَنْجَدْ بَالْكَفِيفْ..
لَلْعُلَامَا كْلَامْ يَجْرَحْ وِ يْخَوَّفْ * لَا طَايَعْ بَالْمْسَاعْفَة *
مَا يَخَّضْعُوا لْعُرْفْ آوْ الدِّينْ الْحَنِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
أهْلْ الْبَدْعَة قْوَاوَا بَعْلَامْ يْرَفْرَفْ * بَرْزَتْ سِيرَة مْخَـالْفَا*
لَمْسَـاجَدْ عَامْرِينْ صَحّْ الإيمَانْ ضْعِيفْ..
ألـــلِّي قَلْبُـــه مْرِيضْ يَقْـرَا وِ يْتَلَّفْ * بَـايَتْ حَفَّاضْ مَــا شْفَا*
رَبِّ هَذَاكْ مَــا عْطَـا رَزْقُه فَكْرْ رْهِيفْ..
وَاحَدْ وَسْطْ النّْعِيـمْ فَرَّشْ قْطَايَفْ * قْبَــالُه صَفْـرَة مْتَحْفَة*
وَ انْواعْ الْفَــاكْيَة تْخَرَّفْ مَنْهَا تَخْرِيفْ..
وَاحَدْ مَرْمِي وْ مَا سْوَاشِي حَتَّى سْقَفْ * مَتْدَرَّقْ تَحْتْ مَلْحْفَـا*
حَسْبُه نِعْمْ الْوْكِيلْ مُقْسِطْ جَلّْ النَّصِيفْ..
وَاحَدْ سَعْدُه الزّْوَاجْ لَا خُرْ بِيهْ الْوَلْفْ * ألْوَلْفَــة قَبْلْ تَــالْفَا*
مَنْ فِي تَحْـوَاجْ مَا صْبَرْ مَا صَايَبْ تَصْرِيفْ..
وَاحَدْ مَثْـــلْ الْبْهِيمْ يَحْرَثْ وْ يَعْلَفْ * وِ يْعَشِي يْلَــزّْ لَدّْفَا*
يُولَــدْ وَ الزُّونْقَــا تْرَبِـــي وِ يْقُــولْ شْرِيفْ..
اللِّي شَبْعَــانْ لَوْ فْقِيرْ وْ مَا يَسْخَفْ * قَــانَعْ بَقْلِــيلْ وَ اكْتْفَـا*
ألْبَرَكَاتْ رَأسْ مَالُه وَ الْقَلْبْ عْفِيـــفْ..
وَ اللِّي جِيعَانْ مَاسْتْحَى غَانِي لَاهَفْ * طَمَّـاعْ وْنَفْسْ سَـاخْفَة*
يَبْلَــعْ جْمِيعْ مَــا وْجَدْ مَلْهُــوفْ وْ مَا يْعِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
غِيرْ يْشُـوفْ الْفْلُوسْ يَعْوَاجْ وْ يَرْجَفْ * تَحْوَالْ الْعَيْنْ تَنْقْفَا*
لَاهَـــطْ مَلْهُوفْ مَا قْنَعْ عُمْــــرُه بَالحَرِّيــــفْ..
لَا رَاحَة في الْحْيَاةْ شَانَقْ وْ يَنْسَفْ * يَجْرِي لَلْمَالْ بَالْحْفَا*
مَــــا قَدَّاتُه مْدُونْ زَادْ الْقَرْيَـــة وَ الرِّيـــــفْ..
خَايَفْ الْفَقْرْ غِيرْ يَكْنَزْ مَتْقَشَّــــــفْ * نَفْسْ بْخِيلَة وْنَاسْفَـــة*
يَمْرَضْ وَ تْصَادْفُه الْحَمَّة كِي يْشُوفْ الضَّيْفْ..
التَّــاجَرْ فِي غْــرُورْ يَنْهَبْ وْ يَخْطَفْ * كِيلْ الْمِيزَانْ مَا وْفَا*
يَـــأكُلْ سُحْتْ الرّْبَا مْحَرَّمْ زُوجُه بَحْلِيفْ..
ألسُّوقْ ارْكَايْزُه الْخْدَعْ دَاخَلْ خَايَفْ * رَابَطْ قَلْبِي بْطَارْفَة*
وَ لْصُوصْ مْسَرّْجَة الْبْلَا وَ السَّكِّينْ حْلِيفْ..
تَاقِي هَذَا الزّْمَانْ دَارُوهْ مْخَلَّـــــــــفْ * شَوْهُوا صُورَة مْحَرْفَة*
رَفْعُوا زَّنْدِيقْ كِيفْ حَالْ الدُّخَّانْ كْثِيفْ..
أهْلْ التَّنْجِيمْ فُوقْ جَفْنْ بْلَا مْقَادَفْ * فِي هَوْجْ رْيَاحْ عَاصْفَة *
ألْغَارَقْ مَا يْغِيثْ غَارَقْ وَ الْحَظْ نْحِيفْ..
بَالشَّـعْوَاذَة مْرَدّْفَة قَوْلْ مْزِيَّفْ * يَــسْتَهَّدْفُــوأ الْعَــاطْفَة *
قَايَلْ عَنْدِي دْوَاكْ قَرَّبْ بِيــكْ التَّثْقِــيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
ألْقَلْبْ حْقُودْ وَ الْبْسِيمَة في الشّْفَايَفْ * ضَحْكَة صَفْرَة مْزَيْفَـة*
لُـو تَعْـــلَمْ الْقْلِيلْ مَــا يَحْمَلْ لَكْ تْجِيفْ..
نَاسْ اجْتَنْبُوا الَفْقِيرْ وَ عْلِيهْ تْصَرَّفْ * زَعْمُوا جرته نَاشْفَة*
كَنُّه فِيهْ الْجْرَبْ أَوْ بِيهُمْ التّْغَنْدِيفْ..
كَانَكْ ذُو مَالْ تَمْدْحَكْ فِيئَة بَالدَّفْ * اللــه لعنـــها الطــــايفـة*
يَسَّجْــدُوا لَلْفْلُوسْ كِمَا سَجْــدُوا لَلسِّيـــفْ..
عَادْ الْقَنْدُوزْ مَا بْشِيخُه يَسْتَعْرَفْ * يَنْكُرْ فَضْلُه مْنَــايْفَـــــــة*
مَغْرُورْ النَّفْسْ عَينْ تَبْصُرْ و الْقَلْبْ كْفِيفْ..
لَقْنُه فَنْ الطّْعَامْ سَبْقُه لَلْمُغْــــرُفْ * طْعَنْ مَنْ قَرَّاه في الْقْفَا*
وَ صْبَحْ شَدْ الْخْصِيمْ لُه بَالْمَرْصَادْ عْنِيفْ..
شِيخُه قَلْبُه كْبِيرْ يَصْبُرْ وِ يْسَاعَفْ * يَتْعَـــامَلْ بَالْمْلَاطْفَــــة*
لَا رَيْبْ الدَّهْرْ كَاشْفُه مَا تَدْرٍيش كِيفْ..
خَرْتْ الْقُدْرَة تْجِيبْ لَغْلَامْ مْكَتَّفْ * يَطْلُــبْ الْعَــفْوْ وَ الَعْفَــا*
يَنْـــدَمْ عْلَـــى فْعَـــايْلُه يَتْـأَسَّفْ تَأْسِيفْ..
مستغانم كَالْعْرُوسْ مُولَاتْ السَّالَفْ * بَشْيَـاخْ تْدُومْ وَاقْفَـــة*
لَخْضَرْ و خديم بوعلام و اصحاب التأليف.:
ألزَّاهَدْ بَنْ خْلُوفْ لَخْضَرْ الشَّـــــايَفْ * نْظَرْ بْنَجْلُه الْمُصْطْفَى*
في الْيَقْضَة وَ الْمْنَـــامْ سِيدِي نَــالْ التَّشْرِيفْ..
بن طبجي خديم بوعلام ما هو تـــالف * وَ الَعَــالَاوِي مَصْطْفَى*
خَلَّاوْا كْنُوزْ ذَالْفْطَـــاحَل لَاهْلْ التَّصْوِيفْ..
بَنْ سَعْدُونْ الْفْصِيحْ وَ الْفَذْ بَنْ يَخْلَفْ * بُو طَرْفَة لِيسْ مَـا خْفَـا*
أهْــلْ الْأَدَابْ وَ الْفْصَـــاحَة وَأهْلْ التّشْغِيفْ..
كَمْ مَنْ شُبَّانْ رِيتْ يَنْسَجْ وِ يزَخْرَفْ * تَاقَنْ حُلَّة مْتَحّْفَــــــة*
وَ أنَــايَا مَنْ طْبِيعْتِي طَرْزْ دْبَاجْ ضْرِيفْ..
ألْبَشِيـــــــرْ الْعْلِيلْ تهَـــامِي صَنَّفْ * هْمُـــومْ الدُّنْيَا الْهَادْفَــة*
طَالَبْ رَبِي الْكْرِيمْ يَرْحَمْنَا بَالتَّخْفِيفْ..
جَــارْ عْلِينَا الْهَــمْ يَـا رَبِّ تَلْـطُـــفْ * مَا باقِيْ نِيّْةْ الصّْفَا*
ارْفَــــقْ بِينَــا وْ لَا تْحَــافِينَا يَــا لَطِيــــفْ..
