الشاعر لحسن براهيم
مما كتبت من مطايبات ، لتمديد جسور
المحبةالتي كان يشرف على تثبيتها
الشاعر القدير ،بن السايح الخثير
وصلتنا رسالتك و القصد اوصل ،،،،،،،،، و راه اسلامك حام فوڨ تيارت فاح
سجيت المرسول و الأثير اعجل ،،،،،،،،، و في عشوتها كان بين ايدينا طاح
من بر السهوب غاصب شور التل ،،،،،،، باشواق الأحباب جا لينا بر`اح
سعدت بيه انفوسنا و الفرح اكمل ،،،،،،، و كانش بعد افراح ذ المرسول افراح
م اللي جات اقصيدتك بالشوق اتهل` ،،،،،،، ما خلاني خاطري لحظه نرتاح
يا راجل حتى الساني راه اثڨل ،،،،،،، ما طاوع ڨلبي على كلمات املاح
قلت انجيب اسطور ليكم و انسهل` ،،،،،،، ها ساعه نلڨاك يا صاحب مشحاح
اموالف في ساعة الشده تخصل ،،،،،،، يا من درتك في الزڨى حامي و سلاح
حتى في رد الجميل العبد احصل ،،،،،، و الله ما ظنيت ذ الصاحب زلباح
بعد اللي شيطان شعري راه ارحل ،،،،،، كانش حد ايعينني بابيات اصحاح
حتى حد ايغيثني راني واحل ،،،،،،،،،،،،،،،،،،، تبرى كان ايجود بكلامو لجراح
جا شكرك يا شيخ لينا مستعجل ،،،،،،،،، فرفر بيه اهوى الخاطر دون جناح
يا من كنت ابديت في الشكره لول ،،،،،،، البادي بالخير ديمه مول اصلاح
لا تحسبش الشكر ذا لينا ساهل ،،،،،،،، مول الدين ايلا سلك دينو يرتاح
راه اكلامك يا الخثير امسجل ،،،،،،،، ما ينساه الا اللي من عقلو جاح
ناسك ما غلطوش سماوك لفحل ،،،،،،،،،، بالهمه داروك للظلمه مصباح
من جهلك يا شيخ ياسر ما يجهل ،،،،،،،،،،،، و دون اكلامك ما حظى واحد لمراح
يا رايسها راك في المدح اتكيل ،،،،،،،،،،،،، و بحرك غامق ما ينجملو سباح
نعيا نمدح فيك و كلامي ما زل ،،،،،،،،،،،،و خصالك ما زالت اعديده يا صاح
وايذا نشكر زين مانيش امجمل ،،،،،،،،،، مدح الجيد كي الباني ع الصفاح
متحذري لا كان نبني فوڨ ارمل ،،،،،،،،، حيطو ما يبطاش و يڨولولي طاح
لكن الخثير حجرو ما يتبل ،،،،،،،، تقدح منو ساعة الزڨوه لرماح
و في يوم الحمان ذ الصمي يشعل ،،،،،، و ما يصرى في شوكهم يوم الطحطاح
ذي تحيه جايه من اهل التل ،،،،،،، ليك اسلامي كل ما هبت لرياح
ما ننسى في ذ المقامه و انسجل ،،،،،،،، تحيه لفحول لغواط الفصاح
عبد اللاوي بيه نبدى هو لول ،،،،،،،،،،، ما تحلى فكاهتو دون التجراح
بالضحكه يهجي الخثير و يجمل ،،،،،،،، و اشعارو متخالفه حكمه و مزاح
بكاني جلول بكي انتاع اطفل ،،،،،،، و استحليت اقصايدو و الخاطر ساح
إذا ڨال اتڨول مطر بدا يهطل ،،،،،،،،، ما يترك حتى يعوم على لسفاح
و ذاك اقويدر مالكي نارو تشعل ،،،،،،، بقصايد متزاحمه عند التسراح
تستعجب كيفاه سداها و اغزل ،،،،،،،، صوفو ناقي خاطياتو كل اوذاح
و بن حسين ايذا بداها دارت ظل ،،،،،،،، يا حسراه على قويدر ماذا لاح
عمرت بيه ابرور ما فيها منزل ،،،،،،،، وصفاتو نوبات عيات الشراح
يوسف كرعي بالوفى سماها كل ،،،،،،،، قول الحكمه بيه ميزانو يصحاح
صاحب قيمه وين حط و وين ارحل ،،،،،،، دافن وسط اقصايدو كم من مفتاح
و يعذرني من لا اذكرتو يتمهل ،،،،،،، هاذاك اسمو راه في ڨلبي مرتاح
شاهي ليكم يا اهل الكلمه نوصل ،،،،،،،، راني في زيار من فرڨة لملاح
أتمنيت اقصيدتي فيسع تكمل ،،،،،،، ليكم في عجله اتصفيها لرياح
تطوي ذاك البعد و الصاعب يسهل ،،،،،،، و يوصلكم. ميدادها لسع ما شاح
أتفضل يا شيخ ذ الكلمه و اقبل ،،،،،،، و اللي جا من جيهة احبيبك تفاح
بقلم : لحسن براهيمي .....2007
مما كتبت من مطايبات ، لتمديد جسور
المحبةالتي كان يشرف على تثبيتها
الشاعر القدير ،بن السايح الخثير
وصلتنا رسالتك و القصد اوصل ،،،،،،،،، و راه اسلامك حام فوڨ تيارت فاح
سجيت المرسول و الأثير اعجل ،،،،،،،،، و في عشوتها كان بين ايدينا طاح
من بر السهوب غاصب شور التل ،،،،،،، باشواق الأحباب جا لينا بر`اح
سعدت بيه انفوسنا و الفرح اكمل ،،،،،،، و كانش بعد افراح ذ المرسول افراح
م اللي جات اقصيدتك بالشوق اتهل` ،،،،،،، ما خلاني خاطري لحظه نرتاح
يا راجل حتى الساني راه اثڨل ،،،،،،، ما طاوع ڨلبي على كلمات املاح
قلت انجيب اسطور ليكم و انسهل` ،،،،،،، ها ساعه نلڨاك يا صاحب مشحاح
اموالف في ساعة الشده تخصل ،،،،،،، يا من درتك في الزڨى حامي و سلاح
حتى في رد الجميل العبد احصل ،،،،،، و الله ما ظنيت ذ الصاحب زلباح
بعد اللي شيطان شعري راه ارحل ،،،،،، كانش حد ايعينني بابيات اصحاح
حتى حد ايغيثني راني واحل ،،،،،،،،،،،،،،،،،،، تبرى كان ايجود بكلامو لجراح
جا شكرك يا شيخ لينا مستعجل ،،،،،،،،، فرفر بيه اهوى الخاطر دون جناح
يا من كنت ابديت في الشكره لول ،،،،،،، البادي بالخير ديمه مول اصلاح
لا تحسبش الشكر ذا لينا ساهل ،،،،،،،، مول الدين ايلا سلك دينو يرتاح
راه اكلامك يا الخثير امسجل ،،،،،،،، ما ينساه الا اللي من عقلو جاح
ناسك ما غلطوش سماوك لفحل ،،،،،،،،،، بالهمه داروك للظلمه مصباح
من جهلك يا شيخ ياسر ما يجهل ،،،،،،،،،،،، و دون اكلامك ما حظى واحد لمراح
يا رايسها راك في المدح اتكيل ،،،،،،،،،،،،، و بحرك غامق ما ينجملو سباح
نعيا نمدح فيك و كلامي ما زل ،،،،،،،،،،،،و خصالك ما زالت اعديده يا صاح
وايذا نشكر زين مانيش امجمل ،،،،،،،،،، مدح الجيد كي الباني ع الصفاح
متحذري لا كان نبني فوڨ ارمل ،،،،،،،،، حيطو ما يبطاش و يڨولولي طاح
لكن الخثير حجرو ما يتبل ،،،،،،،، تقدح منو ساعة الزڨوه لرماح
و في يوم الحمان ذ الصمي يشعل ،،،،،، و ما يصرى في شوكهم يوم الطحطاح
ذي تحيه جايه من اهل التل ،،،،،،، ليك اسلامي كل ما هبت لرياح
ما ننسى في ذ المقامه و انسجل ،،،،،،،، تحيه لفحول لغواط الفصاح
عبد اللاوي بيه نبدى هو لول ،،،،،،،،،،، ما تحلى فكاهتو دون التجراح
بالضحكه يهجي الخثير و يجمل ،،،،،،،، و اشعارو متخالفه حكمه و مزاح
بكاني جلول بكي انتاع اطفل ،،،،،،، و استحليت اقصايدو و الخاطر ساح
إذا ڨال اتڨول مطر بدا يهطل ،،،،،،،،، ما يترك حتى يعوم على لسفاح
و ذاك اقويدر مالكي نارو تشعل ،،،،،،، بقصايد متزاحمه عند التسراح
تستعجب كيفاه سداها و اغزل ،،،،،،،، صوفو ناقي خاطياتو كل اوذاح
و بن حسين ايذا بداها دارت ظل ،،،،،،،، يا حسراه على قويدر ماذا لاح
عمرت بيه ابرور ما فيها منزل ،،،،،،،، وصفاتو نوبات عيات الشراح
يوسف كرعي بالوفى سماها كل ،،،،،،،، قول الحكمه بيه ميزانو يصحاح
صاحب قيمه وين حط و وين ارحل ،،،،،،، دافن وسط اقصايدو كم من مفتاح
و يعذرني من لا اذكرتو يتمهل ،،،،،،، هاذاك اسمو راه في ڨلبي مرتاح
شاهي ليكم يا اهل الكلمه نوصل ،،،،،،،، راني في زيار من فرڨة لملاح
أتمنيت اقصيدتي فيسع تكمل ،،،،،،، ليكم في عجله اتصفيها لرياح
تطوي ذاك البعد و الصاعب يسهل ،،،،،،، و يوصلكم. ميدادها لسع ما شاح
أتفضل يا شيخ ذ الكلمه و اقبل ،،،،،،، و اللي جا من جيهة احبيبك تفاح
بقلم : لحسن براهيمي .....2007
