يا من قلتي كلام نعطيك وجابي
منظوم و جاي للخصام
ما هو عادي و ذاك مقصود صوابي
و فهمي غايتي حكام
ذاك الي جاي بيه فالغيض عتابي
سموه الفاهمة نظام
سموه الزايدين فالقلب عطابي
ذاك المعيوف فالكلام
و الجوهر في يدين معتوه كواير
مكسور عظام ينجبر
و لي مكسور فالعقل ما يتعاسر
مبخوس الراي و القدر
عامر بالخاوية و نفخوه مصاغر
و العيفة ساع تنقبر
في وقت الصح رآه منتوج و باير
حس الڨرباع ما ثمر
تصفڨ لو ناس غير حشمة يتقادر
حطي صورة يدير جام
ذاك الي جاك من فتونو ما عابي
عاشق فالزين بيه هام
غرك و ندار ليك لقطار تنابي
مزين ذ الحال كان دام
و بهاك الايغيب غادي تنعابي
لا رحمة صادرو مقام
شفتك فالصح غير راكي تتصابي
حرفك ينداس بالقدام
الي باغي شباح للصح يعافر
يرحم من مات و نشكر
قالو ما مات رآه خلا لماير
و حروف الخير تنذكر
ساعة ساعة الناس بيها تتذاكر
حرفي مطروز بالعبر
وزانة للكلام للشيخ اناڨر
مذكورة فيه بالوقر
ماني بالعيب و السفاهة نتعاير
حرفي يا غالطة وشام
بحر الملحون ياك من حرفه لابي
هو و العز جا توام
و الا ڨلبي رضاه هذا مكتابي
في جالو عاشقة رسام
قلتي ما هوش من كتابك و كتابي
سالي تاريخ بيه قام
جابو لحداث بيه و قراه الصابي
و الصابي طاب لو نظام
في حرم الصادقين دام
تمت
نظم سعاد لخضاري