ياقلبي قصيدة محمد بن عزوز كاملة

ياقلبي عيتني رب يهديــــك
عني كل انهار زايد باهبــــالك
قلت نسالك عيدلي ماصايربيك
عرفني بالكاينــة واش احـوالك
بكري كانت سيرتك لاباس عليك
و حسبنا فيها تـدوم علــى حالك
بعدما صبنا الضر معـاك شريك
يا أميــر الذات بالحــق نسالك
خلقك رب دار لك مايصلـح بيك
وانت ساكـن فيه محسوب قدالك
تحت محل جديد بنيانو حايط بيك
( وانت ساكـن فيه محسوب قـدالك)
كاتم سرك غير المولى عالم بيك
ما تدريش الناس مـاهو فـي بالك
كل مسى وصباح قايم عن كرسيك
تنـظر في اللي كاينة قـاع اقبـالك
و العقل مكسوب دار احجاب عليك

واذا تنطــق بيه تــوزن بالك

القوسيين مع ضياهم طاعوليــك
عساسيـن علـى يمينك و شمالك
الوذنين اخبار من جايشتكي بيـك
واليدين صحــاح هما اعمـالك
ما كاين في الذات جملة ينسب ليك

ساكنها في الجـوف ولات حلالك

مثل الدولة طائعة وانت مليـــك

تتعرف كمـــا تحب ويحـلالك

و العقل المذكور دل الراي عليـك
هو شرعــك الرعيــة تهـدالك
اذا كان انت صلحت تبايــع ليك
واذا علت تعيــل هــي كـذلك
عين العارم عائشة مادارت بيك
رهواجـة هـي اسبـاب لاعلالك

كان قبلت وصايتي منها خليـك
تمسى رايـح خاطـرك يتهنـالك
بكري كانت كل وقت تسال عليك
واذا غبت الكـل جهـة تشغـالك
كي غست في رايهـا ولات عليك

واش من حب يحبي معاها يحلالك

اللي كان حبيب لـي لام عليــك

هذي حاجــة طايحــة تيمالك

و لو منك هايلة وتهاتــي بيـك
يقول عنهـــا تبردي في مالك
كان خذيت الراي حاجة ما تاتيك
المشعال اللي مهجــج يطفـالك
لا تامن مكر النسا بالك نوريك

لو مبسوطيــن يـزها واقبـالك

اذا نطقت بالجواب ونصحة ليك
راها شوفة ناصة نصبوهـا لك
لا تعرض عني اهموم ان صارت بيك
ديرالصبر الخالقـي يجبر حالك
ماكاش وحدك غير انتاي مكـره بيك
خداعـة قدام جيلـي وجيـالك
يا عاشق حب النسا هكذا نوريــك
نسالك عـن سيرتـه عبر نسالك
ساعة ليك دالته بظلام عليـــك
ساعة مثل النهار شمسه تضوالك
اذا حبيت ساعدي الايام تجيــك
تريحـي من كل حاجـة تسجالك
قولها يازينة الوشمة يهديـــك
يامن جيت ويـن مقطـوع سواك
انت راكي خافية و انا ندعيــك
و الصهـد اللـي كان في يجرالك
كاس الحب يزيد بالكثرة يسقيــك
المحنــة عـن كـل جهة تقوالك
عندي كم احروف جملة حاطة بيك
كل اخر فـي بـاب زمره يلقالك
الحاء وسطه شاعلة والباء تغليك
الياء بعد السين شــوري تهوالك
محمد هذا كلامه جاب عليــك
بن عـزوز اسمـاه رتب مقالك
نويت في خاطرك يغدا ويجيك

فـي ظني مشتاق شوفت خيـالك