ڨول الصح يجي مشابه للمدفع.....
ظربو ڨاسي ما يحنش يا مڨلوع
صوتو ما يخفاش لا كان دڨرع......
لاما جاب اهداف تكرارو مسموع
وأنا ڨولي ناف عالحق أتڨلع.........
والبارود إذا خرج ماليه رجوع
ولا سيف تسل يتبارڨ يلمع.........
ما رامش لجواه عاطيلي للطوع
وحديثي ميزون تعبارو يقطع.........
مادرتش حرفي تجارة ولابيوع
من يحسب لعڨوبة حروبو يمنع.....
يتحصن للدهر يلبس ليه دروع
والحذري بالدين والعقل مدرع.....
ما يرضى لمحانها ماهو مخنوع
الفاهم محال من قولي يدزع......
ويعطيلي وذنو نسمعلو مرجوع
عقل المسلم عاد في هول مروع...
قلبو من ذالوقت يتلوى موجوع
وقت مشوم قبيح فالشوفة يخلع...
كي تتأمل فيه تتبقى مصروع
حين تشوف لحالنا عينك تدمع.....
تترمد م لي صرا فينا مصنوع
ساط علينا ريح ذالروم أمزوبع...
راب علام ڨبيل ما عادش مرفوع
هز أطناب البيت لحيال أتهدع.
وتكشف ماكان في سترو مقبوع
الذود اللي كان ملموم تڨططع........
وتخلط بهميل فالبر الميسوع
لا سيمة فيها تحرر ما تطبع.........
تتشابه فاللون ووبرها منزوع
العزري من خوه يسانس يشبع.
والبكرة تبقى تشالي وسط نجوع
صارت تفلى وين والاها ترتع...
وراها تولد فالخلى من غير ظروع
عاد فحلها قا يسامي ويتبع.......
حتى راعيها سمح فيها مردوع
راه الذيب يقير ظرك عالمربع....
تكفتلو لكلاب شركى فالمشروع
لامن ينصب ليه منداف ويڨلع....
هذ الضر اللي غزى ولى مشنوع
رآه المنكر زاد واتقوى ظبع....
لا من ينهي ما بقى راشد مسموع
لا إمام على منابرها قننع.......
يوم الخطبة شدها تشهڨ وخشوع
لا مسؤل لبيڨ بحكامو ينفع...
فييدو بوحدين للرحمة وفزوع
للساجي نصار والفاسد يقمع...
خايف ربي موش بالفاني مخدوع
ما شفتوش لحالنا شين يسببع......
وتغير ما كان فالعربي مطبوع
عاد المال ينزل العفة تركع.....
واللي كانت عار تتشنى وشيوع
ولباس الحشمة تسيڨ وتزردع.....
ورضينا بالبخص كي ولى مبيوع
غاب حياها راح دمروه تكربع......
وتكسر نيفو من الطيحة مزلوع
مات الظن وعادت الڨمنة تخدع..
وولات الحيلة حذاڨة منها نوع
عم الجهل مع السفاهة واتميع....
والكذب مع الزور فالقاشي مزروع
الماكر في صيفة القاضي يشرع.
والمحكوم الحق دارو فيه بدوع
الباطل حطوه عالعرش أتربع.....
واللي فيقها مسى راسو مڨطوع
العالم ينفوه والكرفة يطلع..........
والتابع وعڨابها صبحو متبوع
كل محرم صار واجد ومبظع.....
والشبهة ولات فالفتوى مشروع
الصافي مكفوح لخويض امفيع...
وأدفڨ سيل الربا ولى مفروع
باب السلفة حل ڨدملو وأنڨع.....
.كول الجيفة لا تخلي ثار ظلوع
دير الشحمة ڨال بخنزها تربع...
ما عادو يكفو خبيزات المطلوع
واللي دار المال فالفسق يزربع..
وأكلى حق الله كي خاف من الجوع
ما باقي كلمة ولا عهد أتودع.........
لاعب فيها قا العراف وبيوع
عم الجرم وشاع ظرك وأتوسع..
وضحى دم عبادنا راخس مهروع
راه الظلم يكر نهاش و ينشع...
.بعدن عاد العدل في سرفة مڨشوع
شفت الحڨرة بالنفاڨي تتوزع.....
سهمك ذا تديه والهدرة ممنوع
من كل قبيحة أدي ظرك وسللع..
مول الدين انزاح بالسلطة مصفوع
لا تنكر لكلام مني كي تسمع ........
هذا واقع رآه صاري ياميكوع
سور الخاوة بالخدع رآه تصدع....
.وحبل الرحمة بينا ولى مڨطوع
المسؤول لفوڨ عالناس ترفع......
والداعي للدين في صمتو مقبوع
دربالة وتسيڨت واش ترقع ......
جرح الخلقة زاد تفداڨو مبضوع
ألطف بينا من ذالبلا عاجل وأدفع......
ولا تفتنا يا الله من بين ربوع
وإذا زاد فتون تقبضنى وارفع...
حضن التربة خير من فتنة مفزوع
والصلاة عالنبي فينا يشفع.....
من نرجوه انشالله في يوم الروع
.....................................ب.ق.البشير بن صحراوي ....................
ظربو ڨاسي ما يحنش يا مڨلوع
صوتو ما يخفاش لا كان دڨرع......
لاما جاب اهداف تكرارو مسموع
وأنا ڨولي ناف عالحق أتڨلع.........
والبارود إذا خرج ماليه رجوع
ولا سيف تسل يتبارڨ يلمع.........
ما رامش لجواه عاطيلي للطوع
وحديثي ميزون تعبارو يقطع.........
مادرتش حرفي تجارة ولابيوع
من يحسب لعڨوبة حروبو يمنع.....
يتحصن للدهر يلبس ليه دروع
والحذري بالدين والعقل مدرع.....
ما يرضى لمحانها ماهو مخنوع
الفاهم محال من قولي يدزع......
ويعطيلي وذنو نسمعلو مرجوع
عقل المسلم عاد في هول مروع...
قلبو من ذالوقت يتلوى موجوع
وقت مشوم قبيح فالشوفة يخلع...
كي تتأمل فيه تتبقى مصروع
حين تشوف لحالنا عينك تدمع.....
تترمد م لي صرا فينا مصنوع
ساط علينا ريح ذالروم أمزوبع...
راب علام ڨبيل ما عادش مرفوع
هز أطناب البيت لحيال أتهدع.
وتكشف ماكان في سترو مقبوع
الذود اللي كان ملموم تڨططع........
وتخلط بهميل فالبر الميسوع
لا سيمة فيها تحرر ما تطبع.........
تتشابه فاللون ووبرها منزوع
العزري من خوه يسانس يشبع.
والبكرة تبقى تشالي وسط نجوع
صارت تفلى وين والاها ترتع...
وراها تولد فالخلى من غير ظروع
عاد فحلها قا يسامي ويتبع.......
حتى راعيها سمح فيها مردوع
راه الذيب يقير ظرك عالمربع....
تكفتلو لكلاب شركى فالمشروع
لامن ينصب ليه منداف ويڨلع....
هذ الضر اللي غزى ولى مشنوع
رآه المنكر زاد واتقوى ظبع....
لا من ينهي ما بقى راشد مسموع
لا إمام على منابرها قننع.......
يوم الخطبة شدها تشهڨ وخشوع
لا مسؤل لبيڨ بحكامو ينفع...
فييدو بوحدين للرحمة وفزوع
للساجي نصار والفاسد يقمع...
خايف ربي موش بالفاني مخدوع
ما شفتوش لحالنا شين يسببع......
وتغير ما كان فالعربي مطبوع
عاد المال ينزل العفة تركع.....
واللي كانت عار تتشنى وشيوع
ولباس الحشمة تسيڨ وتزردع.....
ورضينا بالبخص كي ولى مبيوع
غاب حياها راح دمروه تكربع......
وتكسر نيفو من الطيحة مزلوع
مات الظن وعادت الڨمنة تخدع..
وولات الحيلة حذاڨة منها نوع
عم الجهل مع السفاهة واتميع....
والكذب مع الزور فالقاشي مزروع
الماكر في صيفة القاضي يشرع.
والمحكوم الحق دارو فيه بدوع
الباطل حطوه عالعرش أتربع.....
واللي فيقها مسى راسو مڨطوع
العالم ينفوه والكرفة يطلع..........
والتابع وعڨابها صبحو متبوع
كل محرم صار واجد ومبظع.....
والشبهة ولات فالفتوى مشروع
الصافي مكفوح لخويض امفيع...
وأدفڨ سيل الربا ولى مفروع
باب السلفة حل ڨدملو وأنڨع.....
.كول الجيفة لا تخلي ثار ظلوع
دير الشحمة ڨال بخنزها تربع...
ما عادو يكفو خبيزات المطلوع
واللي دار المال فالفسق يزربع..
وأكلى حق الله كي خاف من الجوع
ما باقي كلمة ولا عهد أتودع.........
لاعب فيها قا العراف وبيوع
عم الجرم وشاع ظرك وأتوسع..
وضحى دم عبادنا راخس مهروع
راه الظلم يكر نهاش و ينشع...
.بعدن عاد العدل في سرفة مڨشوع
شفت الحڨرة بالنفاڨي تتوزع.....
سهمك ذا تديه والهدرة ممنوع
من كل قبيحة أدي ظرك وسللع..
مول الدين انزاح بالسلطة مصفوع
لا تنكر لكلام مني كي تسمع ........
هذا واقع رآه صاري ياميكوع
سور الخاوة بالخدع رآه تصدع....
.وحبل الرحمة بينا ولى مڨطوع
المسؤول لفوڨ عالناس ترفع......
والداعي للدين في صمتو مقبوع
دربالة وتسيڨت واش ترقع ......
جرح الخلقة زاد تفداڨو مبضوع
ألطف بينا من ذالبلا عاجل وأدفع......
ولا تفتنا يا الله من بين ربوع
وإذا زاد فتون تقبضنى وارفع...
حضن التربة خير من فتنة مفزوع
والصلاة عالنبي فينا يشفع.....
من نرجوه انشالله في يوم الروع
.....................................ب.ق.البشير بن صحراوي ....................
