في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي

انضم إلى المنتدى ، فالأمر سريع وسهل

في رحاب الملحون المغاربي
اهلا وسهلا بكل الزوار يسعدنا تواجدكم معنا في منتدى رحاب الملحون المغاربي
في رحاب الملحون المغاربي
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
في رحاب الملحون المغاربي

في رحاب الملحون المغاربي

لا حد مالفانية شبع ــــــــــــــ قسم الشاعر البشير التهامي Screen69

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

في رحاب الملحون المغاربي » الشعر الشعبي الجزايري » لا حد مالفانية شبع ــــــــــــــ قسم الشاعر البشير التهامي

لا حد مالفانية شبع ــــــــــــــ قسم الشاعر البشير التهامي

اذهب الى الأسفل  رسالة [صفحة 1 من اصل 1]

في رحاب الملحون المغاربي


عضو نشيط
عضو نشيط

لا حد مالفانية شبع


لَا حَدْ مَالْفَانْيَة شْبَــــــعْ * رَاتَعْ فِيهَا مْلَاكْ وِ يْقُولْ اتَــــــاعِي
يَأمُرْ وَ النَّاسْ طَايْعَة
وِينْ وْجَدْ فَايْدَة رْتَــــــعْ * أرْذَلْ الْعُمْرْ بَالْغُه زَادْ يْرَاعِــــــــي
حْقُوقْ الْغِيَّابْ ضَايْعَة
لُو نَاوَبْ غِيرْ فَالضّْرَعْ * مَا يَبْقَى في الْقْلُوبْ غُلْ مَا لُه دَاعِي
تَخْمَدْ نِيرَانْ دَافْعَـــة
بَنْيَانُه فَالْحْمَا طْلَـــــــعْ * نَصْبُوا لَقْصُورْ بِينْ مَرْجَة وَمْرَاعِي
حَتَّى تَاتِي الْمْوَدّْعَة
وِ يْفَارَقْ كُلْ مَا جْمَــعْ * يَرْحَلْ مَنْهَا ذْلِيــلْ بَقْمَاشْ رْبَاعِــي
كَاللِّي مَا عَاشْ مَا سْعَى
ألصُّورْ الْهَشْ يَنْصْدَعْ * سَاسْ الرَّمْلَة يْرِيـبْ بَرْيَاحْ سْــبَاعِي
يَتْبَعْثَرْ حَالْ زُوْبْعَـــــة
يَا وِيلُه سَاعْةْ الشّْــرَعْ * يُومْ وْقُوفُه حْقِيرْ قُــــــــدَّامْ الدَّاعِـي
رْشَاتْ حْبَالُه مْقَطْعَــــة
مَا قَدَّمْ بَاشْ يَنْشْفَـــــعْ * مَا صَدَّقْ في الْحْيَاةْ فَرْدْ آوْ جْمَاعِي
مَغْرُورْ النَّفْسْ جَاشْعَــة


صَفَّاشْ خْوِيضْ كِي نْقَعْ؟ * نَفْسُه مَا دَارْيَة مْخَاطَرْ وَ لْكَـــاعِ
فِي غَسْقْ الْجُورْ صَايْعَة
مَا طَهَّرْ جَسْدْ مَا رْكَعْ * مَنْ لَا زَكَّى وْلِيسْ عَشَّرْ مَا وَاعِـــي
خَرْتُه نِيرَانْ قَارْعَــــــة
مَا قَامْ اللِّيلْ مَا خْشَعْ * لُو طَلْ عْلَى الذّْنُوبْ بَصْرْ اسْتِطْلَاعِـي
نَجْلُه طُوفَانْ دَامْعَـــــــة
بَادَرْ بَالْخِيرْ تَنْتْفَـــــعْ * مَنْ طَاوَعْ فَانْيَة وْ لَلْبَـــرْ مَنَّاعِـــــــي
مَا لِيهْ ضْمِيرْ مَا وْعَــى
مَا شَافْ الْمُوتْ مَا دْمَعْ * مَا يَحْرَمْ لِيلْ مَا تْأَلَّمْ بَاوْجَــــــاعِ
يَحْسَبْ تَبْقَى مْشَعْشْعَـــة
لُو ذَاقْ الْخُوفْ يَنْخْلَـــعْ * تَتْوَتَّرْ الْعْصَابْ جُرْءْ انْدِفَاعِـــــــي
مْخَلْخَلْ ذَاتُه مْرَوّْعَة
مَا بَرْ جِيعَانْ مَنْ شْبَـــعْ * رَزْقْ الْمُولَى وْ قَالْ فَتْلَةْ ذْرَاعِــــــي
ضَنْ شْطَارْتُه بَارْعَـــة
ألْعَارَفْ مَهْجْتُه قْمَـــعْ * مَا يَعْطِيهَا الطُّوعْ مَرْهُونْ تْبَاعِــــي
جَدْ حْقِيرَة وْ بَاشْعَــــــة


ألْكِيَّــسْ عَنْدْهَا فْــــــزَع ْ * سَطْوَتْهَا مَا تْدُومْ عَزْ اصْطِنَاعِـــــي
مُصِيبَتْهَا مْفَاجْعَـــــــة
ألْعِفَّة تَاجْ مَنْ قْنَــــــــعْ * يَبْـــرَكْ مَا قَلْ لَلْوْفِيــــرْ التَّصْـــــدَاعِ
قْلُوبْ مْرِيضَة مْرَوْعَة
أحْذَرْ نْصِيحْةْ الْخْــدَعْ * تُورِيكْ حْلَالْ في الْمْحَرَّمْ نْفَاعِـــــي
بْلَا فَتْوَةْ شِيخْ شَايْعَــــة
تْغَذِّي بَالْوَهْمْ وَ الطّْمَعْ * تُورِيكْ قْصُورْ وَ الْمْبَاتَة فَ تْرَاعِــي
وْنَفْسَكْ لِهَا مْبَايْعَــــــة
لَا تَامَنْ مَكْرْ بُوصْبَعْ * فَارَغْ لَشْغَالْ مَايْعَفْ شَرْ نْخَاعِــــــــي
جَعْبَة بَشْرَارْ وَالْعَـــة
مَنْ دَاعَبْ لَادْغَة الْتْسَعْ * تَغَّدْرَكْ وَقْتْ سَهْوْ مَا كُنْتْ تْرَاعِي
ضَرْبَة الْغَدْرْ وَاجْعَـــة
ألْفَلْكْ يْدُورْ بَالطّْبَـــــعْ * لَرْزَاقْ مْقَسّْمَة وْ لَرْكَابْ مْسَاعِــــــي
رَحْمَةْ الله وَاسْعَــــــــة
يَحْصَدْ جْمِيعْ مَنْ زْرَعْ * ألْغَلَّة فِي ضْمَانْ مُجِيبْ الدَّاعِـــــــي
مَا لِيهْ حْقُوقْ ضَايْعَــــة


مَكْتُوبْ الذِّيبْ مَانْقْطَعْ * وَ لُو لَغْنَامْ حَـرْصْ فِي عَيْنْ الرَّاعِـي
ارْزَاقْ الْمُولَى مْوَزْعَة
وَاحَدْ بَالْمَالْ وَ الْوْسَعْ * وَاحَدْ صْحِيحْ في الْبْدَنْ وَ التَّمْتَــــاعِ
لَاخُرْ خَلْفَـة وْ نَافَعْـــــة
ألْهَمَّة سَاحْةْ الْـــوْرَعْ * ألتَّقْوَة في الْقْلُوبْ لَحْوَاسْ وْدَاعِــي
وَ حْذَرْ مَنْ ضُرْ مَنْفْعَة
يَغْنَمْ سَلْوَانْ مَنْ سْمَعْ * وَ الصَّاغِي ذَاكْ حَقْ يَتْسَمَّى سَاعِي
فْوَايَدْ في الْفِكْرْ رَاصْعَة
تْوَاضَعْ لله تَرْتْفَـــــعْ * رَضِّي رَبْ الْكْوَانْ تَأمَنْ لَفْــــــزَاعِ
فِي ذِمَّةْ سَامْعْ الدّْعَـــــا
وَنِّي لَلضِّيقْ في الْوْسَعْ * لَعْمَارْ قْصَارْ وَاشْكَة الْمُوتْ تْلَاعِـــي
تُوجَدْ مَثِوَاكْ نَاصْعَة
عِيشْ بْعَزْ يُومْ كَالسّْبَعْ * أفْضَلْ مَنْ عَيْشْ قَرْنْ تَزْحَفْ كَلْفَاعِي
كَالْوَرْدْ الْعَزْ يَرْتْعَى
مَحْسُودْ جْمِيعْ مَنْ وْلَعْ * وَ الْفَاشَلْ كَالْخْيَالْ مَعْرُوفْ تْبَاعْــــــي
مَا لُه صُولَة مْرَوَّعَة


وِينْ الطُّعَّامْ بَالقْصَــــعْ * وَ زْرَابِي رَادْفْ النّْمَارَقْ لَكْـــــــوَاعْ
وَ اهْلْ الْحَضْرَة مْرَبّْعَة
زَهْوْ الْحَسْكَاتْ بَالشّْمَعْ * وَ الْجَلْسَة تَرْتْقَى وْ تَحْلَى بَمْسَاعِــــي
قْوَافِي مُلْقَاتْ رَايْعَــــــة
كَثْـرْ الْفَتْوَاتْ وَ الْبْــدَعْ * وَحْقَايَــقْ تَالْفِينْ فِي كَــذْبْ دْوَاعِــي
وَ الْفُقَاهَا خَاضْعَة
أنْحَدَّثْ كُلْ مَنْ سْمَـــعْ * يَفَقَهْ فَحْوْ الْحْدِيثْ ذَرْوَةْ تَرْصَاعِــي
حَكْمَة مَن الْمُخْ نَابْعَة
تهامي مَعْدْنُه نْبَــــــــعْ * قَالْ الْبَشِيرْ حِينْ صَنَّفْ لُوجَــــــاعِ
وَ سْيُوفْ الْحَقْ لَامْعَة
مَانِي مَغْوِي بْشِي لْمَــعْ * نَاكُلْ لُقْمَة حْلَالْ نَلْبَسْ تَرْقَاعِــي
عَايَشْ عِيشَة مْوَاضْعَة
مَانِي مَغْرُورْ نَنْدْفَـــــعْ * نَمْشِي خَطْوَاتْ ثَابْتَة قَدْ كْرَاعِــــي
وْ نَفْسِي مَ السُّوءْ مَانْعَة
ألصَّبْرْ دْوَا لْمَنْ جْــزَعْ * كَمْ كِيسَانْ الْمْرَارْ مَنْ حَرْ تَجْرَاعِي
تَرْجَعْ شَهْدَة مْشَمّْعَة
نَسَّأْلُوا رَاْفْعْ الرّْفَـــعْ * يَرْفَقْ بَالْخَلْقْ يُومْ دَاعِي مُدَّاعِـــــــي
وَ النَّاسْ جْمِيعْ فَازْعَة
ثَمْ يَحْظَرْ فَارْسْ الْمْنَعْ * وِ يْنَادِي أُمْتِي اصْحَابِي وَ اتْبَاعِــــي
وَ احْنَا شَرْدَا مْصَرّْعَا
يَسْقِي ضَمْآنْ مَنْ شْفَعْ * نَشْرُبْ مَ الْحَوْضْ بِيدْ لَمْجَدْ جْرَاعِي
نَطْفِي ضَمْئَة مْوَدْعَة


https://almalhon.yoo7.com

الرجوع الى أعلى الصفحة  رسالة [صفحة 1 من اصل 1]

في رحاب الملحون المغاربي » الشعر الشعبي الجزايري » لا حد مالفانية شبع ــــــــــــــ قسم الشاعر البشير التهامي

صلاحيات هذا المنتدى:
لاتستطيع الرد على المواضيع في هذا المنتدى