""" تخبيلة """ الشاعر محمد لحمر

""" تخبيلة """

حامي راسي في ذا الليلة
شارب خمر ا بو نواس
وزايد شايخ بالرنڨيلة
بارم فيها زوج انصاص
ناظم شعري في تفعيلة
حاسب وزني قب اقياس
صبت اشعاري في تخبيلة
راني هايم في تهواس
واش نقولك يا عقيلة
راه كلامي دون احساس

درت الحرب بكرابيلا
وباقي يدي عالقراص
وباني دولة في دويلة
رافع راية بين اجناس
اما سبتة مثل مليلة
بكي وضحك على مكناس
لاه لا زادوا شكشبيلا
من غيواني عشق الناس
وذاك الفيل اتخصو فيلة
ولاه لا ركب على فاس

زيد اسقيني في ذا الليلة
غدر ليا كاس بكاس
وبعد النشوة زيد فتيلة
عمر ليا هذا الراس
راه الحاكم في قبيلة
عندو جيش من الحراس
وداير سياسة بالحيلة
جاب رجالو من منداس
وكل رعية من الفاميلة
حاب يكون من الرياس
باني قصر من الرتيلة
حاكم طير بنو فرناس
اما نايا في تسطيلة
باغي نبني تحت الساس
باغي نهبل نبني فيلا
كما قصر ابن العباس
قصر الحمرا كان ڨبيلة
قبلن يهدف كاسياس

هذا الليلة واه طويلة
وعيني ماغبطت بنعاس
عادت كاس الخمر بخيلة
وارجع طاس يعمر كاس .
اما انتيا يا .........ة
تقطعي مني لياس
انا عاشق الف خليلة
ومغدرها مر الكاس
كيفاه انت غير بحيلة
تدي مني غصن الياس
عشر قصايد قلت قليلة
غير عيونك في لدماس
بصح نبغي طيف هبيلة
من غصني تقرع لجراس