هـبـوب الـجـنـوب الى عـاصـمـة الـسـهـوب ... الفحل الشاعر جمال الغيمة

هـبـوب الـجـنـوب الى عـاصـمـة الـسـهـوب
مرفوعة الى شيخ الشعراوفطحلها وفحلها العتيد الختيربن السايح

والى كل شعراء الأغواط وخاصة المدكورين فالقصيد

هبـوب الـقبـلة هـب بسلامي ودي ***وهـب على لغواط بسلامي عـجـــل
تنـسم كعــربون لـيهم من عــندي *** بنسمات الصباح بعد نت تـــوصل
بأريج الـواحات وعـطور نـهدي *** من مـدينة ورقـــلة ظــهر ســـــهل
كي توصل نوصيك سلم عن سيدي*** سيدي عيسى قطب سلطان المنهل
سلم تسلم كانــك تفـهم قـصــدي *** لـمول القـبة الــعالية الــتايك لــهول
سلم لــهــلو كـل وشيوخـو قردي *** لأهـل الـبـلدة زيـد سلم عـــالرحل
وأنا عودي راه معطوب ويردي *** ويحسن عوني كنت بالقارح نمل
طيح هدا العود دمعي عن خدي *** بـكاني بـدموع من عيـني تهطل
لـكن ياهـيـهـات ماهوشي بيدي *** عـز عـلينا شـوقـكم نـــارو تشعل
حتى طيري راه غايب عن تمدي *** ها بعد الي كان بجوابي يخصل
الله يالحباب من فـوق وجــهـدي **باقــي وصلــتـكم دالـي ومــعــــول
رحمة ربي لقيت داالقبلي عندي *** من غيرو ماكان بسلامي يوصل
نبع سلامي عمق ظاهر من وجدي *** مهـدي للختـير التـايك لــبطل
ميـزانو راجـح ثاقــل اوهـــــدي *** مول نيف صحيح والأصل مأصل
أبرهيم شـعيب يغـزل ويــــسدي*** أفــليجــو فـالبحت ينــسج ويـــأول
فالــترات صحيـح برهاـنو يجدي *** يدون فالــملحون فالـشعر يسجل
والشوشة جلول قي عسل شهدي *** جبحة الشهدة دايرو لشعر أعسل
وقـت ن يشعـرتم يكــتر تنهيدي *** قي نسكر ونعود من شعرو ثامل
بخـاوة فالــشعر ماهــوشي رادي *** ألمـيلود أصاحـبي نظـمو هايل
حس أزويجة ضربها قاوي صهدي *** أسلاحو ملحون عدام ويقتل
جادور الموهـوب حسو قي رعدي ***مزنو غيت أشعار لظهرة هوطل
يحفـظو ربي من عيــن الحــسدي *** فـارس متحربي فالشعر مجلجل
يوسف كرعي كان قلت نا جاهدي *** فـطحــل ملــكبار جهبد مترسل
برقـو ريش قي مشالي هـاولــــدي *** دركم علـغواط بمــزونو تـنزل
يسمحلــي مـلا دكـرتو في نشدي *** قـلة عرفـي ياك منعرفش الكل
ماهـو قصد ودايـرو أنا عــمـدي *** نستسمح لـشيوخ لــيهم نتــوسل
سلمنا لشــيوخ جـملـــة و ورادي *** دي صهوة لرباع بالخيل تصهلل
بن كريو زمان في عـــهدو يلدي *** كان يغــــرد ياك فالواحة ورحل
شيخ الظهرة كان شايش كالرمدي *** يتـلـكع بفجـــوج دايـم مـتـــنقل
شفت الشعر يصول بتدفاق الوادي *** واد أمزي بالشعر والموج يرتل
واش يقــرب دارقة فــلي بوعدي *** يـفــرج ربي راه يجمعــنا محفل
ولد القيمة قال نوفي في عهدي *** ونهدي كلمة وكان بجوابي نرسل
جات الفرصة وجابها مفصل سعدي *** سجينا مرسولنا والشور أكمل
صلى الله على المداني المهدي *** نخـــتم قــــولي بيه سيدي ونفول
.. ورد الفحل العتيد الختير بن السايح موجودة فاليوتوب بنفس القافية والبحر