الموعظة الاهجائية نظم الغالي الدمناتي

الموعظة الاهجائية

نظم الغالي الدمناتي

ــــــــــــــــــــــ​

الحربة ​

يكفـــاك تــوب يـاراسي و ارجع للغني العـالم عن كل اسرار

وشـوف مـا يرجــاك افلحسـاب يـالمغرور ​

لقسم اللول ​

ألــيف أمـــرك بعد بلــوغك ربنـــا تطيعـــو صيــغ التذكــار

بطــاعتو ذنبك يـــاراسي يعــود مغفــور

البــــا بـرد النفس على لفعل لقبيـــح والــغي قول الغــــرار

ليـــن عدونــا يـورينــــا فعـــال لفجـــور

التـــــــــــــا تم يسلامك بــالـــعمل لا تـــامن مكر الجبــــــــار

أولا اتستنكــر من ذنبك دلجــلال غفـــور

الثـــــــــــا ثياب لبسك طهرها ونتها وتوب على ما ينكــار

راه بــــاب الـتوبـــا مفتوح قول مشهــور

الجيـــــــم جنب الغتبــا والحسد و النميمـــا وكـلام العــــار

قول خير أو اصمت تضحا سليم مبشور ​

لقسم الثاني ​

الحــــــــا حلاوت المعصيـا أيــاك ليك تعقب بحدج ومــرار

اولمعــاصي بريد الكفر هــول و شــرور

الخـــا خاف من ربك و عرف كل الما تعيش أراسي تقبــار

اولــــقبر جنـــا ولا نــار كيــف مذكـــــور

الـــدال داوم صلاتك بيها تنتهـا على الفحش مع المنكـــار

لـنـك مكلف بيهــا مـــا تـفيدك عــــدور

الــــذال ذو وجوه ادنى ما يضحا وجيه عند الحي القهـــار

ولا تسير بـووجهين ولا تقرب الجـــور

الـــــــرا رد بــــالك لا تظلـم حد لا تعيب لا تغـــدر جــــــــار

سيرت الجـــورا ما تخفـى الكل مخبـــور ​

لقسم الثالث ​

الــــــزاي زين اخلاقك مابين لعبـــاد و اترك حال التمكــــار

ديـــر لحسان ايحفك من انشا الجمهــــور

الطـــــا طيع للمولـــى و رسولــو يالدامر طايش لفكـــــار

اومن امتثل أمر المولــــى ايعود مسـرور

الظـــــا ظـــالم الناس ايلتقا فالنشور ظلمــات كما يذكــــار

شـر تعذابـــو مــا يحصى فكل مسطـــور

الكــــــاف كل موسكير حرام اتقــا الله تسلك من كل اوعـــار

رالتقـــــوى توقي من كل سوء وكــــدور

الــــــلام لــــوم نفسك وعلمهـــا مـــايدوم إلا وجه الغفـــــار

وين آدام وحـــواء والنبـي المبـــــرور ​

لقسم الرابع ​

الميـــــم ما فعلتي فالدنيــا توجودو مدخر في تلك الــــدار

ديـــر الخير تنـــال الخير يـــوم النشـــور

النـــــون نور خبيرك بالقرءان لــو حفظتيه اتلي لســــوار

اوسمعــو مهمـــا يوذكــــار يالمـــامـــور

الصــــاد صون دينك واجتاهد فالصلى على سيد كل لبـــرار

عن صلاتــو وصى ربي ف قول مشكـــور

الضـــاد ضــاع من لا يعبد نعم لغني المعبـــود ألا ينظـــار

جن و الأنس اللعبــــادا خـــلاق مذكـــور

الــــعـــين عيش للطاعا أوالمــا الرازق ليك مقدر التقــــدار

ربنــــا يرزق من يشــاء رب صــــابـــور ​

لقسم الخامس ​

الــــــغين غر نفسو من شاف هلاكهــا اودعم بيدو لشـــرار

جنب التهلوكـــا تلقــــا فراح وســـــرور

الفــــــا فــوض الأمر لربك فيه دير تكلك مــا لك اختيــــار

للغنــــي ترجع يـا راسي جميع لومـــــور

القــــــاف قــابل السيـــا بــالحسنا را الحسنا تمحي لــــوزار

او لهـــدا والتوفيق من الله نعم الشكـــور

السيـــــن ســـال هل لعلـوم على الدين لنهم اللورا ذكــــــار

اولا اتزكي نفسك و النفس مالها شــــــور

الشيـــــن شـوق لمكا و لطيبا ايلا بزادك تدرك لوطــــــار

من استـــاطع واجب لـو الحج ليس مبتـــور ​

لقسم السادس ​

الهــــــــا هيم فمديح المبرور الزكي وحبــو قلب وصيـــــار

خــود مــــا آتى بيه ولـــوح كل منكـــــور

الــــــــواو ويل اللي سهـــا وعلى صلاتهم وأد اسمو فالنـــــار

يـــــا إلاه اوقينا من جمرها المسعـــــــور

لام ألف لا إلاها إلا الله لــــوحيد هيـــا خير الأذكـــــــار

داوم عليهــــا يـــاراسـي خبيرك اينـــور

اليــــــــا يا سعـادت من صلى كل وقت في وقتو لا توخـــــار

أو يخطى من ضيع وقت الصلا المنظــور

الهمـــــــزا ءال طـــه واجب تعظيمهم وكد فيـــه المختــــــار

من حباهم حب الهادي طه سراج لبـدور ​

لقسم السابع ​

نهيــــت حلت أليـــــــف البــــا فكــــل بيت معنات آيا تذكــــار

أو معنت لحــديث كمـــا رويت ف سفــــور

يـــــــا حــافظ اللغا فوز بتذكير وصول بيها بين الحضـــــار

درتهـــــا موعيظـــــا ليـــا ولكل مغـــرور

جميــــع من صغـــاهــا يدعي بالخير للذي رصعها فشعــــار

و الـــذي يجهلهـــا عقلــو بليد مدمــــور

حــــلا مرونقـــا من وهب الوهاب كا بدر فكمالو صيــــار

لاح نورو فوطان أهل النجوع و حضـور

تـــاريخ حلتي شين أو سين مـع الميم و الها صحت لخبـــار

ما اخفى رمزو للقاري وضيح مشهـــور

و ســــلام ربنا للشراف واهل العلــوم ما فاحت كل ازهــــار

بعدهـــم أهل الـوهب الســـالكين لبحـــور

والناظـــم لشعــــار الغالي في أرض فاس يرجا نعم الستــــار

صيلتـــو دمناتي نظمو سليس مجهـــور

وتمـــــام حلتي نختمهـــا بالحمد للغني ونــزيد لستغفـــــار

و الصلات على المـداني ضيا وديجــور ​

اللازمة ​

يكفـــاك تــوب يـاراسي و ارجع للغني العـالم عن كل اسرار

وشـوف مـا يرجــاك فلحسـاب يـالمغرور

""""""""""""""""""""""""""""​

تمت القصيدة بحمد الله ​