قصيدة بعنوان الحجاج ـــ الشاعر العربي محمد المداحي التيارتي

أهلا يا حجاج بكم كــي جيــتوا أهـلا وسهلا او فرحة و احتــــرام

أهلا يا زايرين بيت الله نلتــــوا انظـرتو في الكعبة او صلتوا للمقــام

انويتوا نية خالصة حين امشيتــوا ودعتـوا لولاد لخوال او لعمــــام

فرحة وازغاريت بكـم صديتــــوا اركبتـوا سيارات غـوارة عـــزام

جـوف الطيارات فيــه اتخلطتـــوا نسـوة والرجال بالعــز وتكـــرام

بين السمـا وأرض فيهـا نيستـــوا فالجـو اتعـلات نـاداو الحـــزام

الجـد قاصدينها حيــن اهبطتـــوا بيـن المطارات خدمــة بالنظـــام

اركبتوا حافلات للبعــد اقصتـــوا مسـافات اطوال ظهرو في لرقــام

المدينة فيها ادعيتــوا وابكيتـــوا تفكيـر الذنوب خوفـا لله نـــدام

قبر الرسول سيدنا ليـه اوصلتـــوا يا سعـد اللي زار قبـر اماســـلام

ربعين صلاة فـي المسجد قمتـــوا فـرض الله وارسول دعى بالتعظـام

عدتوا للبيت خيـر بيـه اتواصيتــوا مفروضة اربع اركان محدودة تعــلام

لبيـار علـي ابحرمكـم اجريتـــوا حجـة وعمــرة ابنيـة واهتمـــام

بيت الله وارسـول فيهـا لبيتـــوا انظرتوا نظـرة باهيـة حول المقــام

بيت الله عـزها الله كـانت بيتـــوا تبديـل اللباس مهـدي مـن الشـــام

ولا من مصر خاص ليها في نعتـوا هداية تبديلها فـي كـل عـــــام

كلمة لبيك يـا الله بيه انطقتـــوا الحمـد مــع الشكـر لله والـــدوام

درتـوا فـي لشواط سبعة وانظرتــوا المــروة والصفا او زمـزم والحـرام

فـي عـرفـة انهارها فيه اوقفتــوا جبـل الــرحمة فيـه حــواء وآدام

من آدم كونهـا الله مــن ضلعتــوا وفـرق بينــاتهم رب العـــــلام

دارت حواء اعليه تحواس القـاتــوا كـانت مـدة طايلة بــهم هـــوام

واجمــع بينـاتهـم الله ثبتــــوا أبــا البشر كان منو ســام اوحــام

للمـزدلفــة او ﻤﻨــﴼ ارجعتـــوا لقــط الجمرات لرجـــم الوهــام

الفديـة لبيتـوا اعليها وانحـرتـــوا رجـم الشيطان نعلـو الـرب العــلام

لـزدحـام اعظيـم بالله كبـرتـــوا لـولاد فـي اثنيـن مخزيين اتـــوام

للعمـر درتــو امعـاه واذكرتـــوا نظــر المقامات صـلاة اوتـرحــام

مـن بعـد اتـزورو البيت اتودعتـــوا طواف الــوداع بالفـرح والســـلام

مـن زارالمدينة انـوى قصـد البيتــوا ولي ما زار عـاد ليهــا بالتعظـــام

وارجعتوا لبلادكـم فـرح ازهيتـــوا فـرحـة واللقـاء او ضيوف او نعــام

جـودة وازغاريت للأهـل ارجعتـــوا لـولاد مـع اقرابـكم خيـر ولكــرام

مـن نـداه منـاديـه يعتـق رقبتــوا واللـي رزقوا احلال يغسلو لعظـــام

وانا ناوي زيـارة المولـى بيتـــوا لعـلاﹼ الله خالـــق ليــه التكــرام

بجاه المـولــى العـالــم خبرتــوا اقبـض من نـور اخلق نـور الاسـلام

سبحـان الله شـاء خفـى صيفتـــوا فـي ملكـوا مكـان شريك او خصـام

خالـق اللـوح والقلـم من عـزتــوا والأرض مـع السما وصحوا مع لغيــام

وابجاه الكون مـا اخلـق الله نيتـــوا جـاه الفضـــلا لانبيـاء لكـــرام

والجـن او ملايكـة البشــر خلفتــوا والــدهر اوبـرور لفصال اوليـــام

جاه البشير ما اخلـق نـوع او صوتـوا والهوايش باكمـة مـن دون كـــلام

وبجـاه القـرآن اوحـروف او نعتــوا ســورة او لحـزاب ترتيب وترصـام

وبجـاه اللـي اقـرا العلـم او فتوتــوا وانظــر تفسيـروا الحـلال او حــرام

وبجـاه الوالــدين حيين او مـاتـــوا وابجـاه اللـي ابعـاد واقـراب اوهيــام

وابجـاه الصالحين ذا الخيـر انويتـــوا جــاه الهبالــة او سـواح او حــوام

جــاه الشعـراء انتـوما وافقـتــوا وابجـاه اشيوخـي اوسـاداتي لنظــام

قندوز اعلى اشيوخ عزونـي ثبتـــوا محمــد طابعيـلوا مـاهـم نـــدام

ولـد الشيخ اهـدى اقوالـوا وكتبتــوا لعـلاﹼ الله خـالـق يهـدى الظـــلام

عاشر وطن اﭭـزول هـذي سكنتــوا تيـارت مشهـورة ابتاريـخ اوتعــلام

ولـد امغيلة الحاضرة ليه اجزيتــوا تحضرلي واتكونلـي يـوم الخصــام

راع الحمرة الشيخ فـي نضمي جبتـوا سور اكتافـي في القضى للـي فرضــام

سلطـان الصالحيـن مفتاحـي صبتـوا نقمــة للعديـان هــدارة لقـــوام

نختـم قصيـدتـي بحبـه ارضيتــوا يرعاني وانكـون صـادق في المنــام

صلاة الرسول ذا القــول اختمتـــوا محمـد شفيعـنا عـالــم عـــلام.

الشاعر العربي محمد المداحي التيارتي