قصيدة النايب
على قياس عسل الشهدة (الرعد) للشاعر محمد بن سليمان
الحربة
اعطيتنا العهد و حلفتي ما تكون خاين
و لا تمس حرمة الاموال ولا تقيس الحرام
والا تزيد فضسارة
بعد درنا فيك الثقة ضحيت كذاب
القسم ١
جلتي على جميع الساحات وناسها تعاين
بعد الا خرگتي جلابة راقية و سلهام
طربوش زادك نضارة
والفصاحة مدسوسة في اوراق الخطاب
و قرود حايطة بجنابك تمدح فكل شاين
ونتا شبيه رداح قرودو طايعاه فكلام
تدعي الله بجهارة
لا تخون مواثق و لا تكون نصاب
شفنا احلامنا فالصندوقة باقية تساين
و نتا على هموز الحضوة زاهي فخير و سلام
وحنا معاك فخسارة
يا القالب كبوطو ما يفيد لعتاب
ناوي نواگضك بالشحط المعلوم للبطاين
نعطيك خو ايمانك لا ناتي فيه زلة اقدام
نحتي عليك ب ايغارة
ما يفيدك مني لهروب يا الهراب
القسم ٢
تارة يمين تارة لشمال الغانمين لاين
تارة فقيه تارة دجال يبيع سم لوهام
جلدة قصيح كمارة
فالحشا گلبو فاحم كاسواد الغراب
عينو على كناس السايب يحظى بشي ملاين
يجري على الريع الشايع يسعى خفيف الاقدام
الذيب لابس طمارة
لاح ثوب الدامي و زهى فثوب لقطاب
قرصان جا يروع بحر الغيوان بالمحاين
يگدي على مدافع نيران موثقة بالاختام
هز الگلوب بعمارة
يوم خاطب لفساد ب "لا يحاسب احباب"
طناز جا يرقع حالو "البلان" كان باين
تسبيح و الدبيح و دينار و ضرب تحت الحزام
جهد الفهيم إشارة
لا يغرك بايع دينو برخص الاسلاب
القسم ٣
أصاح لا تهون شانك، غدا يعود هاين
أصاح لا تروم لواطي مهما بداك بسلام
عين اللبيب عيارة
لا يضيع فوجبة والا يتلف احساب
أصاح فالگنافد لا توجد شي مليس لاين
حسس على معاني و ترصد ما خفى فلنظام
شوف الريوس دوارة
صايگا بالمقلوب و شاكة فلركاب
أصاح لا تصدق من گال نجاتنا علاين
مساخ جا يرقع ربعاتو من بهوت الكلام
و التابعين نبارة
كا دباب يگجگج رزقو فروث لدواب
لهراج ماج بحرو كمواج تلاعب السفاين
و الليل داج و البوم مرصد في سواد العتام
تحت الغسيق يتسارا
و الفهود الحرة لزمات جيرة كلاب
القسم ٤
أصاح لا تهلل للباطل و الكريم كاين
سيب الدعي مفرد فضرارو كن عير مجدام
خللي الشر يتبارا
شوف روس الحربات معاطيين بنشاب
لنظام طايعة السجية و الحرف جبت صاين
من رام حوزتي من سفلي نسقيه سم الاقلام
فظلو يعود يتوارا
لا نعاشر عروي والا قبيح معياب
موسوم بين ناس المعنى باسم اللطيف باين
خوسي و لا خفا من حوز الحمرا سليل الكرام
بنت البهوج مسرارة
زاهية فبهاها و مضوية ب الاحباب
لشياخنا الودبا نحني لفضالهوم داين
نرجى ختامهوم لا نرجى ليهوم ضيقت ايام
كن لبدور زهارة
غانمين الراحة شبان كيف لشياب
فختامها نذيل بزهار معطرة جناين
صلاتي على سراج الرحمة فالنور فاق لجرام
بين الرسال نوارة
شفاعتك يا سيدي نرجا فيوم الحساب.
عبد اللطيف خوسي
على قياس عسل الشهدة (الرعد) للشاعر محمد بن سليمان
الحربة
اعطيتنا العهد و حلفتي ما تكون خاين
و لا تمس حرمة الاموال ولا تقيس الحرام
والا تزيد فضسارة
بعد درنا فيك الثقة ضحيت كذاب
القسم ١
جلتي على جميع الساحات وناسها تعاين
بعد الا خرگتي جلابة راقية و سلهام
طربوش زادك نضارة
والفصاحة مدسوسة في اوراق الخطاب
و قرود حايطة بجنابك تمدح فكل شاين
ونتا شبيه رداح قرودو طايعاه فكلام
تدعي الله بجهارة
لا تخون مواثق و لا تكون نصاب
شفنا احلامنا فالصندوقة باقية تساين
و نتا على هموز الحضوة زاهي فخير و سلام
وحنا معاك فخسارة
يا القالب كبوطو ما يفيد لعتاب
ناوي نواگضك بالشحط المعلوم للبطاين
نعطيك خو ايمانك لا ناتي فيه زلة اقدام
نحتي عليك ب ايغارة
ما يفيدك مني لهروب يا الهراب
القسم ٢
تارة يمين تارة لشمال الغانمين لاين
تارة فقيه تارة دجال يبيع سم لوهام
جلدة قصيح كمارة
فالحشا گلبو فاحم كاسواد الغراب
عينو على كناس السايب يحظى بشي ملاين
يجري على الريع الشايع يسعى خفيف الاقدام
الذيب لابس طمارة
لاح ثوب الدامي و زهى فثوب لقطاب
قرصان جا يروع بحر الغيوان بالمحاين
يگدي على مدافع نيران موثقة بالاختام
هز الگلوب بعمارة
يوم خاطب لفساد ب "لا يحاسب احباب"
طناز جا يرقع حالو "البلان" كان باين
تسبيح و الدبيح و دينار و ضرب تحت الحزام
جهد الفهيم إشارة
لا يغرك بايع دينو برخص الاسلاب
القسم ٣
أصاح لا تهون شانك، غدا يعود هاين
أصاح لا تروم لواطي مهما بداك بسلام
عين اللبيب عيارة
لا يضيع فوجبة والا يتلف احساب
أصاح فالگنافد لا توجد شي مليس لاين
حسس على معاني و ترصد ما خفى فلنظام
شوف الريوس دوارة
صايگا بالمقلوب و شاكة فلركاب
أصاح لا تصدق من گال نجاتنا علاين
مساخ جا يرقع ربعاتو من بهوت الكلام
و التابعين نبارة
كا دباب يگجگج رزقو فروث لدواب
لهراج ماج بحرو كمواج تلاعب السفاين
و الليل داج و البوم مرصد في سواد العتام
تحت الغسيق يتسارا
و الفهود الحرة لزمات جيرة كلاب
القسم ٤
أصاح لا تهلل للباطل و الكريم كاين
سيب الدعي مفرد فضرارو كن عير مجدام
خللي الشر يتبارا
شوف روس الحربات معاطيين بنشاب
لنظام طايعة السجية و الحرف جبت صاين
من رام حوزتي من سفلي نسقيه سم الاقلام
فظلو يعود يتوارا
لا نعاشر عروي والا قبيح معياب
موسوم بين ناس المعنى باسم اللطيف باين
خوسي و لا خفا من حوز الحمرا سليل الكرام
بنت البهوج مسرارة
زاهية فبهاها و مضوية ب الاحباب
لشياخنا الودبا نحني لفضالهوم داين
نرجى ختامهوم لا نرجى ليهوم ضيقت ايام
كن لبدور زهارة
غانمين الراحة شبان كيف لشياب
فختامها نذيل بزهار معطرة جناين
صلاتي على سراج الرحمة فالنور فاق لجرام
بين الرسال نوارة
شفاعتك يا سيدي نرجا فيوم الحساب.
عبد اللطيف خوسي
