يقول شيخنا احمد بن براهيم بودبوس حفضه الله ورعاه
بديت بسم المولى سبحان .. يالولهان..
لي لهمني لطريق الخير نحمدو
من خلقني مسلم برضاه نعبدو
لي لهمني مدح العدنان ..يالولهان
حفت الرسلة وع الصلاح نرصدو
ف السفار ناوع لوزان .. يالولهان
الشفيع الهادي من بيه نسعدو
بوفطيمة شافع لركان .. يالولهان
صاحب الحوض الي ممدوح موردو
اليوم هدفت عني لمحان ..يالولهان
ومن كسور الذنيا لهموم حشدو
جار عنا ذا الوقت شيان .. يالولهان
تفتنت الامة وعلى الدين حيدو
مادرى مكسي بالعريان ..يالولهان
وياحليل الجافل من شوفت العدو
شفت ولد النسبة حيران ..يالولهان
من الزعاف مقلثم والجرح كمدو
مداعين بحبو بهتان .. يالولهان
خايبين النيةفزفر يوقدو
محبت الخايب ماتتصان .. يالولهان
واش من خايب ف الذنيا بعاهدو
بسموم يتجرع ثعبان ..يالولهان
باه تفديه الخير عليك يجحدو
المحبة ماهي بللسان ..يالولهان
وكل واحد فعلو لناس يجبدو
المحبة ف الوجه اتبان ..يالولهان
على حبيبك راهم عينيه يشهدو
ماتحطش من قدر انسان..يالولهان
ولا تكابرش الناس اديرها عدو
للحديث تسنط وليان.. يالولهان
وكون كيس وخيار الخير رادو
عزت المرو اداب وشان.. يالولهان
ومن طرق باب العلم انفى كسايدو
الشجاعة والكرم اقران .. يالولهان
هكذاك علينا لبات عودو
والسخاء سجرة ف الجنان.. يالولهان
غصنها بالمولى في لرض مادو
صحبت النحس الا خذلان ..يالولهان
ومايدلك لصواب عدوك جاهدو
مادومش دنيت لفتان .. يالولهان
المليح يمتن زادو لموعدو
وين لصحاب مع العدنان .. يالولهان
وين من كانو ف المولى يوحدو
وين بوبكر قالي الشان .. يالولهان
وين من كان الحق ايجي على ايدو
وين زين الهمة عثمان .. يالولهان
وين علال القايم نقمت العدو
بعدهم عدنا في لهوان ..يالولهان
ولخنازر راهم عنا تاحدو
عادت الحكمة للخزيان .. يالولهان
واش دارو رانا فيهم نقلدو
عاد يفتي لينا خامان .. يالولهان
دار عمالو ف المسجد يهيدو
طلقت لحاها للعصيان يالولهان
فتاو لنساهم بالزنا يجاهدو
ينكرو ماجاء ف القرءان..يالولهان
يفيسرو على حسب هواهم مساندو
مانظن الحنظل يبنان .. يالولهان
لون تسقى م النيل منبع مواردو
جار عنا حكم الخزيان .. يالولهان
من وطننا عادو فينا يشردو
عاد منسي فضل العربان يالولهان
والبرابر ف الكاهنة يمجدو
أصلهم جاو من اليونان يالولهان
والرواما فيهم ب السوط يجلدو
عبيد كانو عند الرومان يالولهان
سول التاريخ وماقال مسندو
وين راحت قومان ازمان يالولهان
في مثالي شعنب جفارة العدو
إسم محمد رآه اتهان يالولهان
وإسم كسيلة فارح بيه والدو
عايرونا باسم اليمان يالولهان
وكل يوم توارخ عربان يجبدو
عايرونا باسم اليامان ..يالولهان
وكل يوم توارخ عربان يجبدو
وين راحت قومان زمان..يالولهان
في مثالي شعنب جفارت العدو
القمر ولا ف المثنان .. يالولهان
كي لبخيل الا شاف الظيف قاصدو
القمور ولا ف المثنان .. يالولهان
كي البخيل الا شاف الظيف قاصدو
الطبل ولا علم وشان .. يالولهان
وشيخنا ولات القصبة تساندو
جميع من قال اليوم تهان .. يالولهان
ولي بلى ياحوجي لما يجددو
قال شيخي تسمع بفلان يالولهان
لاثني ضالع واجي بيه محردو
فجماعة مطلوق اللسان..يالولهان
والزفات تنعم حفظو قصايدو
طارت الرخمة للكيفان .. يالولهان
والكواسر طاعو ليها واهدو
والسلاحف دارت جنحان ..يالولهان
ومن المراقب كل العقبان هودو
الزردولا يسبق لحصان ..يالولهان
والسبع ولات الذيبة تقودو
والعقاب يتلبد خفيان .. يالولهان
خاف لا وكال الجيفة يصيدو
الخوت ماعادوشي جيران ..يالولهان
فارقتهم هاذ الدنيا تباعدو
من الحسد عادو كي لعديان..يالولهان
ومنالحيا والقمنة راهم تجردو
راح ميعاد الصلح زمان .. يالولهان
والجماح على الفتن الا يحردو
الي رشى ماعادش يمتان..يالولهان
جايح الي يسمع لنصايح العدو
جميع من كاين عنها فان ..يالولهان
يجعل رضا مولانا بيه نسعدو
دايما للمولى سبحان ..يالولهان
من خلقنا وخلق لشيا لموعدو
كان ليا بكري بستان.. يالولهان
حايط عليه بصور متين حادو
بالقفل متنت البيبان .. يالولهان
كل باب بحارس ع الصح يوكدو
شاهرين احرب والسيسان.. يالولهان
مصنهجين مدافع للبعد يرعدو
بالمياه متقذي رويان.. يالولهان
والمنافع في كل فصال يوجدو
العنب والموز ورمان ..يالولهان
والدشين وقارص وصفارميدو
وليجاز سوارج درقان ..يالولهان
ولخضار تناوع بالطيب لذدو
ساط بيحو جاه الحمان ..يالولهان
والصوار نهدمو لاماء يوردو
ذا لكلام لزيدي زعفان .. يالولهان
الى تسول ولد براهيم ناشدو
الكارهين يذموه شحان..يالولهان
الحاسدين لي ماعرفو مواردو
من ظلمني نسبو شيطان ..يالولهان
ان شاء الله ربي يكفيني مكايدو
تمت وبالخير عمت