ما سعدتينا يا دنيا عڨب لا شاو
**امحاينك للّي كيما حالي ينوو
**إلى انتي كحلتيها لاخرة الضو
غايتي في مولانا و العفو نرجاو
**زاهدين الفاني يادار ما نسوو
**طالبين الجنة وانت نتاع سو
ا ذنوبي تلمت فاتت لجبال يعتاو
**ما خضيت السقمة و محاجها تلوو
**لا شيوخة تنصح و تقولي هدو
اسبابي رفاقة شينة و الصقر كي تلاقاو
**وين كان الناقص لطريقو يهوو
**ما تفرز بين البرشة ولا الحو
خطاو كل الزّينة في الرادية تعدّاو
**ما حصاوش ليام جمارها يكوو
**ما تسڤم حالك ليا ما حلو
فقت بعد الغفلة كي لعمار عداو
**لقيت روحي في واد حماليه يقوو
**الي يتامن كذبك هاذاك غير بو
تمنيت لعمار اطّول نهدو ونهناو
**فضل رب يسقينا برضاه نروو
**خايف اجالي لا يوصلني التو
الزاد ماهو كافي والخاطرين يعياو
**وأنا عويني زاهدوحمالي ايخوو
** توقفو اعمالي و صحوف ينطوو
اهربت ليك انتايا يا خالقي ونرجاو
**برحمتك تدركنا والدرجات يقوو
** يا الدنيا قلتي للصالحين تو
كل من ضنو بلي فالسما تعلاو
**عابدينك من ريح النار ما تهوو
**شحال تعلى بيهم ماوصلو الجو
شحال ناس اعرفنا راحو الهيه ماجاو
**قبورهم من طول المدة تسوو
**ما يفيدك يوم الحساب فيه لو
و الصلاة على محمد بيه نرضاو
**و السلام على سيدي بيها انداوو
**نختمو هاذ القصيدة نتاع وو
