(تخلط ريحو )
تخلط ريحو مع الرعد وامطر انزل...واعجاجو ما اعرفت وانهارو ظللم
بعد العسر ايجي اليسر وتتبدل....ويصحا يومك بعد ما كان مغيم
لا تتقلق في قسمتك لا تتعجل...رزقك يجيك وين ما كنت متمم
ما تعرف الرخيس من هو راجل....ما تعرف البهيم من بانو ادم
كاين اللي يجيك بلباس مسوول...تحسبو طلاب عنو تتكرم
تلقاه من الرجال فارس ومأصل... ويكسب مالفضال ما ربي يعلم
وكاين من اللباس باهي ملوول ... من النظرة تقول شي هذا عالم.
بعد الخلطة تشوف هوا من مذلل...يركع الى شافها لو تتبسم
ينقل اخبارها وتوصل للراجل ...يلقا بيناتهم يخلض المغرم
وكاين من الرجال من ناس المحفل....وكاين اللي من الشواطين معلم
وكاين من العباد متخلف جاهل... يفتي لك فالعلوم حلل وحررم
وكاين من العباد عايش بالباطل ....ياكل في حق العباد وزاد الظلم
وكاين من العباد متربي عاقل ...يعرف كر الرجال للدنيا فاهم
اسمحو يا احباب للهجر معوول...ما باقي لي قعاد فالوطن مسلّم
هذا القوم خلاص قايدهم بغل....انت تبني ودابهم ليك يهدّم
ما ينفع نصح لا تعدد خصايل....هذا يحكي وذاك للبيه يشكم
تلقاه من الصباح للرادي يفعل....بارك تحت الركاب يمسح ويسلّم
جلول قيايدة