بقلم شيخ موحاد بن احمد
يڨول الشيخ براهيم بن براهيم رحمه الله المزداد سنة 1860وتوفي سنة1948
حسراه مابڨى لينا ف الدنيا حنين
هاذ الزمان كثرت فيه العللات
نشكي لخالقي بدال الساعات
الي بقى يشوف ويخزر ذ الوقت شين
قساحت ڨلوبها جمع المخلوقات
الجار مأمن في جارو متقاشين
ب الكذب والجروم وحط الزللات
والولد مايجودش ابشي على الوالدين
والخو لخوه مايقبلو شوفات
لو صاب يقبرو ويعجلو ب الدفين
هاذي ماير الساعة راها جات
مڨواه مايجود علينا رب الحنين
والنو ذاك باه علينا تجلات
راه الزڨى ورانا وحنايا قافلين
ماذا من المحاين بعد الممات
الحمد والشكر لبدا لو طول السنين
مادامهي تخش وتخرج ف الذات
ماكان مانعيد عليكم ياعاقلين
هاذ الزمان ماشفنا فيه نعات
الحق قاب عنا وعلومو دارڨين
والكفر عم لمة بيه توللات
ماكان مانڨولو ماشفنا فيه زين
بسسب والقضب وكثير المحنات
تسمع خبار فيها تشيب لي عاقلين
والدين راه حالو كيف لي مات
ياويحنا نهار روحو مسافرين
ولي خزن يضههر بعد الممات
جميع من ذكر ربي تضحالو خزين
كثثر ب الصلا عن شافع لمات
خزين ف الصلا عند الناس العاقلين
يلقي الدين عنا ذاك لي فات
وخزين ف الزكى عند الناس الطايعين
وافعل الخير وحسن ب المخلوقات
وفعل الخير فيها والله هو الظمين
هو عليك عالم بيما ف الذات
يخزيك توب ياولد آداما ياحزين
ماذا من المحاين بعد الحياة
انا نظل نبكي ودموعي سايلين
ماكان من يعاوني في البوكات
نبكي على الفعال لي فاتو خابثين
مادرت خير قدوا لاوين نبات
نڨول ماسمعتش نكذب والكذب شين
والكذب مايفاجي عني محنات
علاه ماسمعتش ماقال الله زين
ياك الرسول جايب لينا لنعات
جميع ماخلق ف الكتوب مورخين
فرقان جايبو لينا بثيبات
نهرب لخالقي شافيع لي مذنبين
هو يطيڨ يقفر ليا مافات
هو لي خلقني في بطن امما حنين
وهو لي خلقلي رزقي والذات
هو يقيثني كي يلڨاني ف القبين
ماكان فاه جيت لمالك لشيات
يابوعلام جلول امام الصالحين
والصالحين كيفك بيك دررات
انا نشاء الله راني درتك لي عوين
بلاك لاتخليني ف التنهات
بلاك لاتخليني كيف القافلين
ولي قفل تروح أيامو ساعات
شوفو وميزو ف الدنيا ياعاقلين
لوكان راه محمد ف الحياة
هو مع صحابو لبطال التايكين
وجيال قبل هاذي خلقت وفنات
لو كانهي دوم دام ادم في لولين
حواء وين شيتا مير السادات
لوكانهي ادوم لو دامت لصادقين
ولي ظل تعبد ف الخلاوات
لو كانهي دوم لو دامت لسايحين
لي قوتهم متبدل صلاة
لو كانهي دوم دام براهيم لحنين
هو لي تقرب ب الحسانات
لو كانهي دوم دام النبي ف الصادقين
لي مكلم الله ف الناجيات
ماكان حد عند الله كي هادو ثنين
ماكان من بقى من بعدو لحياة
فقير لاخرة ياخوتي هو الشين
ياويح من يجي ماجايب حسنات
تعود حالتو كيف الناس الكافرين
ياويح من يكذب هاذي لنعات
يخليك توب ياولد آداما ياحزين
دنيا ولاخرة جملة ليه تبات
يتبعو الصلا ف الوقت المفضلين
الموت فرض عنا بعد الحياة
عرفو جميع ماكفت ليك الموجبين
عرفو الفرض والسنة والنيات
سبحان من خلق ورزق وفقر بعد حين
يقتل يزيد يحيي بعد الممات
سبحان من يشافي لمريض لي ينين
سبحان من يبدل ليه الصيفات
ڨبيل حالتو كيف الناس الفانيين
واليوم راه كيفو كيف الحييات
بالله توب عنا ياخير التايبين
واغفر ذنوب والقي عنا سيات
ب الله زيدني يامولانا ف اليقين
سلك الدين عنا ذاك لي فات
ب الله فكني من كيد الشيطان شين
يومن لي تجي النفس على الهوات
هاذ الكلام جابو لعمى ف الهارمين
ب الله تقبلو يامن ليك الذات
تغفر لوالديا وجميع الحاضرين
والمسلمين ملي حي ومن مات
جيتك بجاه ربي وامام المرسلين
لسلام لاتعد عليها سيات
املاك لرض والسماء عنا شاهدين
الصالحين لوليا والسادات
نتحرو ونقدو وحنايا سالكين
يوم الحساب ماجاء عنا ثيبات
نقدو ان شاء الله في فلك المحريين
جيران لنبي صاحب القزوات
تمت ب الخير عمت
