قصيدة يالڨمري بجميلك ياحمام لبراج كاملة
يقول الشيخ موحاد بن حمد
يالڨمري بجميلك ياحمام لبراج
تدي سلام محتاج
نجعها مسعودة ڨفى خضاو لفجوج
يانيلي توصل ولفي الريم عمهوج
يانيلي وتحذرى من عڨاب لواج
شاد مراڨب متعلي وكاشف حروج
دار شمس الهجارةفي ڨفاه مواج
من بدرلو ببلاه سقاه ظفرمرهوج
كان راد المولى تصفى صفاوة التاج
ضي ڨمر اربعطاعش في سماه مسروج
العافنة بنت الكبرى من هدات لجلاج
في ظميري يترجرج مارضاش لخروج
ساهر الداج انوجم في حساب لبراج
وكيف يسهد من ڨلبو ب القرام مهجوج
كيف يهنى من كيفي سالباه لقناج
متوحين بمعبور رماه فز بخروج
نهارخرجت تتمخطر في حلول لنساج
ب الخبوري ومسجر في ثواب ممزوج
و بشكرنط مطبوعة ياحليل لمهاج
من يعابي ينظر زين الريام عنهوج
ناصحي ڨال هداك اخطيك راك تلتاج
والنذير يحذر من قبل تلحڨ زيوج
ماعبيت بڨولو وبدرت يوم لهياج
ماجبرت لحربو جندو حساب ب الفوج
صارلي كي الشننار لي سماه لقباج
صالبة عنو عارم في مواسح يسوج
هكذاك صرالي راني ضحيت محداج
والنشاشب من عين الريم جاو بززوج
جاو وين نياطي ڨطعوه قاب لبهاج
ومابهج من عداه حبيب راح مزعوج
ياالناس الطلبة تفتو بقيت منهاج
كي ندير لسعدة منها ايامنا عوج
كل منية تقدا وتجي الوقت دراج
وقير عن مسعودة ڨولو علاه ملجوج
المالكاني وهديت نطيع طب لعلاج
يالايم مانعمل بسقام مرهوج
على رضاها رضيت لي رذال سماج
جاو جيرة وجار لجار طبع مدموج
ياسيادي نرجى تاتي يام تفراج
نعود زاهي ننفي همي يروح مرجوج
نڨول سعدي ب السڨمة ماتعود تعواج
ولا حسد يلحڨنا ولا حسود مخلوج
يابنادم لاتحسد لاتكون رمماج
علاه ضايڨ مڨطوع النفس كي لمنهوج
لي رضاه المولى ترضاه لاه ضججاج
صبت صحات خضار العشب زهو لمروج
يالخالق خلقك متفاوتين لفواج
مخالفة ف المنبت والرزق وقت لنضوج
ذاك ساعد هذاك حزين ذاك مزعاج
ذاك حواس ولاخر زيروه مبلوج
ذاك دار بڨولو النبي بو الديهاج
الخير حبو لناس ايجي دفاڨ كي لموج
وذاك متمني خيرك دار ليه سياج
كان شاف البسطة ف لقير بات مڨنوج
يامحاد تفكر وعلاه راك نساج
على الناقص ونسيت لي منوضة هوج
من عليها ممحون نظل عند لمحاج
نسرش الفال يتوڨ النجع جاي مدروج
يا الله اضيڨ عنهم وساع لففاج
وردهم وين ڨدالي جاي ليه محيوج
نشوف نجع الڨوطة محدور دار نففاج
والبسايم درهوبة ب البدايد اضوج
ڨايدينو فرسان العز ضد لنجاج
مرهبين الطاير ف سماه خايف يزوج
لي بحالي راخس لعمار جاي دياج
من علالي نخزر فيها لڨحادر تموج
كان مت يڨولو بدماه راح مدراج
ولاشوايع ويڨولو مات موت سموج
قير نخزرها نهنى شبيه عود لاساج
على الماء متقذي لامن سقاه ب البوج
طالڨة ذاك الثيت حرير جاه تفراج
ماشطاتو بقوالي والمسوك مسنوج
طاح فوڨ كتفها قطاه نعت هجاج
اللا ظليم تحدرى متلوع راح مدجوج
جبينها ضي فنارة جات بين لمواج
ڨاصدو صاري للمنعة معاند الموج
والحواجب نونات كتاب ولد بلحاج
شيخ خوجة معلوم وسالباه خدوج
عيونها قير مدافع في حروب مهراج
بين ذاك وهذا ناض الفتان وجلوج
خدها من ديدي يملاس ليس مسحاج
من بريسم رايس قنمو سماه عروج
سنانها تبروري قيمو ضياه لععاج
بات يخفڨ رعدو حتى لوقت لبلوج
ريڨها من عسل النحلة وسي لنعاج
يمزجوه الطبة للي مريض مخلوج
عنڨها راية عسكر في عداه لججاج
بايت بفزعو يحمل ب الحساس وضجوج
نهدها من بيض الثلجي اسماه طيهاج
في مفاحص حاضيه عليه بايت يموج
بدنها ثلج وطاح على جبال ثللاج
بيت قاني صڨلوه بجير بني مزلوج
فخاضها من مرمر عرصات ڨد ونتاج
جاو في معبد ناسو في لقاهم علوج
ساڨها سيف مجرد هازو لجلاج
في حشايا قرسو بررام ليه (مل ووج)
والحنش والدوادي ع الكعاب هرراج
اللا كور حس لقاهم ب لعياط مجلوج
