بقلم الشيخ موحاد بن احمد
قصيدة غزلية لشيخ احمد بن براهيم بودبوس ربي يحفظو يڨول
ب الله ياڨمري دي عنواني
دير الجميل اصافي الجنحيين
توصل من عنهم النوم جفاني
خيرة ومسعودة وصاف الزين
توصل من عنهم بكاو عياني
وعلى فراڨ الهايفات حزين
نجمات طلعو ضيهم زهاني
وشعاعهم يعشي على النورين
من حبهم ماصبت من دواني
مهموم ياخوتي نبات انين
خيرة لي عنها الميل اداني
بحر لوفا والجود كحل العين
الريم سعدة حبها رشاني
من شوقها راني مسيت مكين
نجعهم بععد وراح اهداني
وساڨ ب الميرات شوف العين
دونهم حالو فجوج وطاني
وملولبين جبال وعراشين
لالي مصمر خيل من ربعاني
وسلالتو لنڨاد مدوبين
عنو نروح ارايسات زماني
سيقات عنهم سالت سلاطين
مرسولهم قيب ابطى ماجاني
ماجابلي مارة ذكرهم وين
وهزمت ياخوتي لوحش ڨضاني
وحيرت ناسي كل يوم حزين
نصبر لحالك يا الدنيا فاني
حتى يفرج خالقي معين
الدهر حالو مايدوم بلاني
ويفوت زهوو ع العڨاب حزين
حتى صديق ليوم ماوساني
كلي محوج مالڨى تڨمين
من حب ذ الميرات صرت نعاني
ورماوني بنبال مسمومين
ميرات خرجو في صناع الواني
بسياق ذهب السند مطبوعين
اللا تراك بحال خرجو عاني
منهم نجوع الكيد مرعودين
اللا دڨالي مير عنهم باني
ميادة الزيبان بعراجين
ثيثهم ممشوط طاح مڨاني
وبحال رمدي خايض صحاوين
وللا لهافي جايبو متقاني
يملاس نوع بڨيمتو ميتين
وجبينهم يعشي على لوماني
ووشاهم برڨام مختومين
وهدوبهم ڨمح العزل مرواني
وللا من نشاب لفراسين
حواجب الهيفات في عنواني
كتتاب شاطر خطهم نونيين
وعيونهم جوجات حب ثماني
بيهم زقندي ناطح العڨدين
زلزال من بارود عللركاني
ورصاص نملي يوصل الميلين
وخدودهم نوار والنعماني
والورد والساريج والياسمين
وللا بقيق رصيع والياماني
وللا نذير شعاع لنوريين
وسنانهم ياقوت والمرجاني
مكنوز عند قران سبابين
رڨباتهم رايات للميداني
عنهم بطال اللوم كرارين
انهودهم من بيض لنياني
الساكن ف سدة بصور حصين
بدانهم كتان والرهواني
وللا الثلج على جبال قطين
ساڨهم سيسان من تيقاني
بحمايلو يصفار ذهب الصين
بحمايلو مجلوب كسبو قاني
وعلى كعبهم حس خلخالين
حسراه وين قداو يافطاني
الفاكين الڨاف معانيين
انظل ننظم ناسخو ديواني
حيير ناس الحاسدة وخرين
ارماوني بكلامهم وججاني
نسبوه زور لناس معلومين
ماسولو عنو منين اتاني
لو كان عرفو واش شفت سنين
عمت في بحر الشيوخ اداني
وسقيت زادي حزت راس العين
وشياخنا تبعتهم بوزاني
عندي طوابع سر منسوخيين
ماهوش فخر نكون بيه اناني
ونڨول ڨولي مالداه قرين
اللا ونيس جرى عليه الساني
انا وحفي ناس ڨصارين
تمت
